लोकांना पूर धोक्‍याची जाणीव करुन द्या ः जिल्हाधिकारी प्रदीपचंद्रन

भंडारा ः वैनगंगा नदी तसेच इतर नदीकाठावरील खोलगट भागातील लोकांना धोक्‍याची जाणीव करुन देण्यासोबतच पूल व रस्ते दुरुस्तीची कामे पावसाळ्यापूर्वी पूर्ण करावी, असे निर्देश जिल्हाधिकारी एम. जे. प्रदीपचंद्रन यांनी दिले.
Make people aware of the danger of floods: Collector Pradip Chandran
Make people aware of the danger of floods: Collector Pradip Chandran

भंडारा ः वैनगंगा नदी तसेच इतर नदीकाठावरील खोलगट भागातील लोकांना धोक्‍याची जाणीव करुन देण्यासोबतच पूल व रस्ते दुरुस्तीची कामे पावसाळ्यापूर्वी पूर्ण करावी, असे निर्देश जिल्हाधिकारी एम. जे. प्रदीपचंद्रन यांनी दिले.

माॅन्सून पूर्वतयारी आढावा बैठक जिल्हाधिकारी कार्यालयात पार पडली. यावेळी ते बोलत होते. यावेळी मुख्य कार्यकारी अधिकारी भुवनेश्‍वरी एस., उपविभागीय अधिकारी डॉ. श्रीकृष्ण पांचाळ व इतर अधिकारी उपस्थित होते. पावसाळ्यात बंद होणाऱ्या मार्गाची माहिती तयार करुन पर्जन्यमापक यंत्रे सुस्थितीत ठेवण्याच्या सूचना त्यांनी दिल्या. या कामासाठी निधी उपलब्ध असल्याचे त्यांनी सांगितले. नागरिकांनी धोकादायक इमारतीत राहू नये, असे आवाहनही त्यांनी केले.

जिल्हा आपत्ती व्यवस्थापन प्राधिकरणाने मॉकड्रिल व कर्मचाऱ्यांना प्रशिक्षणाचे आयोजन एका दिवशी दोन तालुके याप्रमाणे तत्काळ करावे. होमगार्ड व नाविकांची यादी तयार करुन पुरग्रस्तांच्या मदतीसाठी मदत शिबिराचे नियोजन करावे. सर्व तहसीलदारांनी ग्रामदक्षता समितीची सभा घेऊन पूरपरिस्थितीबाबत चर्चा करावी व ग्रामस्थांना अवगत करावे. कोणतीही अनुचित घटना घडून वित्त व मनुष्यहानी होणार नाही याकडे काटेकोरपणे लक्ष्य देण्याचे निर्देश त्यांनी दिले. पुरामुळे दूषित पाणी पुरवठा होत असतो. त्यामुळे नागरिकांच्या आरोग्यास धोका निर्माण होण्याची शक्‍यता आहे. पाणीपुरवठा विभागाने निर्जंतुकीकरण व्यवस्था या काळात तयार ठेवावी. यावेळी टोळधाड जागृतीबाबत कृषी विभागाव्दारे माहिती देण्यात आली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com