Agriculture news in marathi; Make smart farming using modern techniques: Dr. Bhale | Agrowon

आधुनिक तंत्रांचा वापर करून स्मार्ट शेती करा : डॉ. भाले
टीम अॅग्रोवन
रविवार, 22 सप्टेंबर 2019

अकोला : ऊतिसंवर्धित हळद रोपांची निर्मिती आणि संरक्षित लागवड पद्धत (प्रोटेक्टेड कल्टिव्हेशन) अशा कालसुसंगत तंत्राचा प्रभावी वापर सुकर होण्यासाठी विद्यापीठ तत्पर आहे. शेतकऱ्यांनी फळबागांचे पुनरुज्जीवन करीत अधिक उत्पादन घ्यावे, तसेच आधुनिक तंत्रज्ञानाचा वापर करून स्मार्ट शेती करावी, असे आवाहन डॉ. पंजाबराव देशमुख कृषी विद्यापीठाचे कुलगुरू डॉ. विलास भाले यांनी केले. 

अकोला : ऊतिसंवर्धित हळद रोपांची निर्मिती आणि संरक्षित लागवड पद्धत (प्रोटेक्टेड कल्टिव्हेशन) अशा कालसुसंगत तंत्राचा प्रभावी वापर सुकर होण्यासाठी विद्यापीठ तत्पर आहे. शेतकऱ्यांनी फळबागांचे पुनरुज्जीवन करीत अधिक उत्पादन घ्यावे, तसेच आधुनिक तंत्रज्ञानाचा वापर करून स्मार्ट शेती करावी, असे आवाहन डॉ. पंजाबराव देशमुख कृषी विद्यापीठाचे कुलगुरू डॉ. विलास भाले यांनी केले. 

अमरावती विभागातील जिल्ह्यांची विभागीय संशोधन व विस्तार सल्लागार समितीची ६६ वी रब्बी हंगाम नियोजनासाठीची सभा येथील कृषी महाविद्यालयाच्या सभागृहात आयोजित करण्यात आली होती. या वेळी कुलगुरू डॉ. भाले अध्यक्षपदावरून बोलत होते. सभेला विभागीय कृषी सहसंचालक सुभाष नागरे विद्यापीठ कार्यकारी परिषद सदस्य प्रगतिशील शेतकरी गणेश कंडारकर, विद्यापीठाचे संचालक संशोधन डॉ. व्ही. के. खर्चे, शिक्षण विस्तार संचालक डॉ. डी. एम. मानकर, सहयोगी संशोधन संचालक डॉ. आर. एन. काटकर आदी उपस्थित होते. 

डॉ. भाले पुढे म्हणाले, विद्यापीठ व कृषी विभाग शेती आणि शेतकऱ्यांच्या समृद्धीसाठी झटत आहे. शेतकरी, गावकरी, विविध संस्था, शासकीय निम शासकीय, खासगी विभाग, महामंडळे आदींनी एकाच व्यासपीठावर येत परस्पर सहयोगाने उन्नत भारताचे स्वप्न साकारण्यात सहयोगी झाले पाहिजे. केंद्र राज्य शासनाच्या भरीव आर्थिक सहयोगाबद्दल विशेष उल्लेख करीत नवीन कृषी व तत्सम महाविद्यालये आणि संशोधनात्मक प्रकल्प प्राप्तीने विद्यापीठात उत्साहाचे वातावरण तयार झाले आहे.  शेतकऱ्यांनी विद्यापीठाकडे हक्काने यावे व अत्याधुनिक अल्प खर्चाचे तंत्रज्ञान, शेती पूरक व्यवसायाच्या, प्रक्रिया उद्योगांच्या व ग्रामीण उद्योजकताविषयक संधी जाणून घ्याव्यात, असे आवाहनही त्यांनी केले. 

या प्रसंगी सुभाष नागरे यांनी खरीप हंगाम व पाऊसमानाविषयी सभागृहाला अवगत केले. कृषी विभाग आता ऑनलाइन झाला असल्याने कार्यतत्परता वाढल्याचे सांगताना श्री. नागरे यांनी कामात अधिक पारदर्शकता येत तक्रारी कमी झाल्याचे विषद केले. शेतकरी उत्पादक कंपन्यांना आता राजाश्रय मिळत असून, निर्यातक्षम कृषी माल उत्पादन व विक्रीसाठी शेतकरी वर्गाने पुढे यावे असे आवाहन केले.

प्रास्ताविक डॉ. व्ही. के. खर्चे यांनी केले. सभेचे सूत्र संचालन उपसंचालक डॉ. अजय सदावर्ते यांनी केले. उपसंशोधन संचालक डॉ. जे .पी. देशमुख यांनी आभार मानले. 

इतर ताज्या घडामोडी
मराठवाड्यातील ३७१ मंडळांमध्ये पाऊसऔरंगाबाद/ परभणी ः मराठवाड्यातील आठ जिल्ह्यांतील...
पुणे जिल्ह्यात संततधार पाऊसपुणे : पुणे जिल्ह्यात सर्वदूर शनिवारपासून (ता. १९...
पावसामुळे भात उत्पादक धास्तावलेपुणे : दोन ते तीन दिवसांपासून पावसाने पुन्हा...
नांदेड, परभणी, हिंगोली जिल्ह्यांत ५...नांदेड : विधानसभा निवडणुकीसाठी नांदेड, परभणी,...
बुलडाणा जिल्ह्यात २० लाख ३९ हजार मतदार...बुलडाणा : जिल्ह्यात बुलडाणा, चिखली, मलकापूर,...
वाशीम जिल्ह्यात विधानसभेसाठी आज मतदानवाशीम : विधानसभा सार्वत्रिक निवडणुकीसाठी सोमवारी...
रत्नागिरी जिल्ह्यातील पावसामुळे भातशेती...रत्नागिरी ः गेली चार ते पाच दिवस जिल्ह्यात...
सोयाबीन भिजल्याने वाढल्या अडचणीअमरावती ः शेतात सोंगून ठेवलेले सोयाबीन दोन...
नगर : दोन दिवसांपासून जिल्हाभरात...नगर ः नगर जिल्ह्यामध्ये गेल्या दोन दिवसांपासून...
सातारा जिल्ह्यात सर्वत्र दमदार पाऊससातारा : जिल्ह्यात सलग दुसऱ्या दिवशी वादळी...
पावसाने कऱ्हाड-पाटणच्या शेतकऱ्यांचा...कऱ्हाड, जि. सातारा ः मुसळधार पावसाने कऱ्हाड-पाटण...
सुप्रसिद्ध पैलवान दादू चौगुले यांचे निधनकोल्हापूर : हिंदकेसरी, रुस्तुम ए हिंद, महाराष्ट्र...
उजनी धरणातून भीमा नदीत पुन्हा ३० हजार...सोलापूर  ः पुणे जिल्ह्यात पावसाने पुन्हा...
राजापूर, रत्नागिरी, संगमेश्‍वर...रत्नागिरी  ः राजापूर, रत्नागिरीसह संगमेश्‍वर...
कापूस उत्पादकता वाढीसाठी शासनाने...अकोला : महाराष्ट्रात कापूस लागवड क्षेत्र...
पुणे जिल्हयात हलक्या ते मध्यम पावसाची...पुणे : गेल्या दोन दिवसांपासून पावसासाठी पोषक...
मंगळ, चंद्रसदृश मातीमध्ये पिकांचे...नासा या अमेरिकन अवकाश संशोधन संस्थेने चंद्र आणि...
पुणे जिल्ह्यात तीन लाख हेक्टरवर रब्बी...पुणे : मॉन्सूनच्या अंतिम टप्प्यातील पावसाने...
नगर जिल्हा परिषदेमध्ये दूरध्वनीवरील...नगर  : पाणी येत नाही. शिक्षक शाळेत उशिरा...
विधानसभा निवडणुकीसाठी प्रचारतोफा...मुंबई : चौदाव्या विधानसभा निवडणुकीसाठी उमेदवारी...