Agriculture news in marathi Management of Neera canal Only on secondary officers | Agrowon

गिरणा धरणातून सुटले उन्हाळी आवर्तन

टीम अॅग्रोवन
गुरुवार, 8 एप्रिल 2021

गिरणा पट्ट्यात उष्णतेमुळे वाढती टंचाई लक्षात घेता गिरणा धरणातून (ता. चाळीसगाव) बुधवारी (ता. ७) पाण्याचे आवर्तन सोडण्यात आले. १५०० क्सुसेक वेगाने हे पाणी नदीत सोडले आहे.

जळगाव : गिरणा पट्ट्यात उष्णतेमुळे वाढती टंचाई लक्षात घेता गिरणा धरणातून (ता. चाळीसगाव) बुधवारी (ता. ७) पाण्याचे आवर्तन सोडण्यात आले. १५०० क्सुसेक वेगाने हे पाणी नदीत सोडले आहे. त्यामुळे सुमारे १२० गावांच्या सार्वजनिक पाणीपुरवठा विहिरी, कूपनलिका, सामूहिक पाणी योजना व विविध शहरांच्या पाणी योजनांच्या स्त्रोतांना आधार होणार आहे. 

नदीत पाणी सोडण्याची मागणी दर महिन्याला केली जाते. कारण नदीत वाळू नसल्याने नदीकाठी पाणी आटताच टंचाई तयार होते. वाळू उपशामुळे नदीत पाणी फारसे जिरत नाही. पाणी वाहून जाते. यामुळे दर महिन्याला नदीकाठच्या गावांच्या सार्वजनिक पाणीपुरवठा योजनेचे स्रोत, कूपनलिकांचे पुनर्भरण करण्याची गरज असते.

गिरणा धरण भौगोलिकदृष्ट्या नाशिक जिल्ह्यातील शेवटच्या टोकाला म्हणजेच नांदगाव तालुक्यात आहे. परंतु त्याचा लाभ नाशिकमधील मालेगावसह जळगाव जिल्ह्यातील चाळीसगाव, पाचोरा, भडगाव, एरंडोल, धरणगाव, जळगाव या तालुक्यांना अधिक आहे. या भागात हवा तसा पाऊस होत नाही.

गिरणा धरणाचा मोठा आधार या भागाला आहे. गिरणा नदीत पाणी राहिल्यास टंचाईची तीव्रता कमी होते. ही बाब लक्षात घेऊन नदीच्या शेवटच्या टोकापर्यंत म्हणजेच कानळतापर्यंत (ता. जळगाव) नदीचे पाणी सोडले जाते. मध्यंतरी दोनदा हे पाणी कानळदा पर्यंत पोचलेच नव्हते. त्यामुळे कानळदा व नजीक टंचाई तयार झाली होती. आता या वेळेस हे पाणी कानळदापर्यंत पोचल्यानंतर किमान दोन दिवस प्रवाही असावे, अशी मागणी केली जात आहे. नदीत पाणी सोडल्याने पाचोरा, भडगाव शहरांच्या पाणीपुरवठा योजनांच्या स्त्रोतांनाही लाभ होणार आहे.

प्रतिक्रिया
गिरणा नदीकाठच्या भागात ग्रामस्थांनी जाऊ नये. नदीत १५०० क्सुसेक वेगाने पाणी सोडले आहे. टंचाई निवारणासाठी हे पाणी नदीत सोडण्यात आले आहे.      
- हेमंत पाटील, कार्यकारी अभियंता, गिरणा पाटबंधारे विभाग


इतर बातम्या
खतांची दरवाढ नाहीपुणे : रासायनिक खतांच्या किमतींमध्ये कोणत्याही...
खरिपाचे गावनिहाय नियोजन ः कृषिमंत्रीकोल्हापूर ः खरिपाचे नियोजन गावातच करण्यासाठी...
केळीला विक्रमी १६०० रुपये दरजळगाव ः  खानदेशात चांगल्या दर्जाच्या केळीला...
राज्यात कृषिपंपधारकांकडून १,१६० कोटींचा...कोल्हापूर : कृषिपंप वीज धोरण योजनेअंतर्गत ११ लाख...
पूर्व भारताच्या विकासावर भर ः पंतप्रधान...नवी दिल्ली ः देशाचा पूर्व भाग नेतृत्व करत होता,...
‘रोहयो’ शेततळ्यात प्लॅस्टिक...पुणे : रोजगार हमी योजनेतून शेततळे खोदण्यासाठी...
विधानसभा पोटनिवडणुकीसाठी पंढरपुरात...सोलापूर : पंढरपूर विधानसभा पोटनिवडणुकीत मतदारांना...
बाजारात गर्दी नियंत्रणासाठी नियमांची...नाशिक : कोरोना संसर्ग वाढत असल्याने जिल्ह्यातील...
नेरूर येथे नारळ बागेला आगसिंधुदुर्गनगरी ः जिल्ह्यातील नेरूर कर्याद नारूर (...
जोरदार पावसाची शक्यतापुणे : ढगाळ वातावरणामुळे उकाडा वाढला आहे. तसेच...
जळगावात बीटी कापसाच्या २५ लाख पाकिटांची...जळगाव :  राज्यात कापूस लागवडीत आघाडीवर...
दर्यापूर बाजार समितीत सोयाबीनला सात...अमरावती : सोयाबीन दरातील तेजीची घौडादौड कायम असून...
मंत्रिमंडळात विदर्भाचे वजन घटलेनागपूर : गृहमंत्री अनिल देशमुख आणि वनमंत्री संजय...
नाविन्यपूर्ण प्रयोग करणारे शेतकरी कृषी...कोल्हापूर : जिल्ह्यात सोयाबीनच्या...
 खानदेशात कांद्याची आवक वाढतच दर दबावातजळगाव :  खानदेशात गेल्या आठवड्यात लाल...
अकोला जिल्हा परिषदेच्या पदाधिकाऱ्यांना...अकोला : एकीकडे केंद्र, राज्य शासन लाभार्थ्यांच्या...
प्राधान्यक्रम एका बाबीला, निवड दुसऱ्याच... नगर : कृषी विभागाच्या राष्ट्रीय कृषी...
दर वाढले म्हणून शेतकऱ्यांनी सोयाबीन...परभणी : दर वाढले म्हणून बियाण्यासाठी राखून...
अवकाळीचा आजपासून अंदाजपुणे : दोन दिवसांपासून राज्यातील काही भागांत ढगाळ...
सोलापुरात वाढत्या उन्हामुळे शुकशुकाटसोलापूर ः सोलापूर शहर जिल्हयात सध्या उष्ष्णतेची...