agriculture news in Marathi, mango crop in treat of smoke, Maharashtra | Agrowon

कोकणातील आंबा अडकला धुक्याच्‍या फेऱ्यात
राजकुमार चौगुले
बुधवार, 20 मार्च 2019

कोकणातील काही भागांत धुक्याचे प्रमाण वाढत आहे, असे हवामान सातत्याने राहिल्यास याचा फटका हंगामाला बसू शकतो. येणाऱ्या आंब्यावर डाग पडून तो खराब होऊ शकतो. उत्पादकांनी वेळीच काळजी घ्यावी. 
- डॉ. एम. बी. दळवी, शास्त्रज्ञ, प्रादेशिक फळ संशोधन केंद्र, वेंगुर्ले, जि. सिंधुदुर्ग
 

वेंगुर्ले, जि. सिंधुदुर्ग : ऐन हंगामातच कोकणातील अनेक भागांत पडणारे धुके आंबा उत्पादकांची डोकेदुखी वाढवणारे ठरत आहे. धुक्यात सातत्य राहिल्यास वाढीच्या अवस्थेत असलेल्या आंब्याला फटका बसण्याची शक्यता आहे. 

उत्पादकांनी दिलेल्या माहितीनुसार, यंदा कोकणात थंडी मोठ्या प्रमाणात होती. यामुळे अनेक ठिकाणी मोहोर येण्याच्या वेळापत्रकात काहीसा बदल झाला. पहिला नोव्हेंबरमध्ये दुसरा जानेवारीत तर तिसरा फेब्रुवारीत आला. पण, जानेवारीत थंडीचे प्रमाण जास्त राहिल्याने मोहोर जळून गेला. पहिल्या टप्‍प्यातील आंबा आता हळूहळू बाजारात दाखल होत आहे. पण हा टप्पा कमी उत्पादनाचा असल्याने अनेकांचे नियोजन एप्रिल, मे मध्ये येणाऱ्या आंब्यावरच असते. सध्या पुढील दोन महिन्यांत येणारा आंबा तयार होत आहे.

तज्ज्ञांनी दिलेल्या माहितीनुसार जे आंबे तयार होत आहेत त्यांच्यावर धुक्यामुळे पाण्याचे थेंब जमा होऊन त्यावर डाग येण्याची शक्यता आहे. याचबरोबर रोगांची ही शक्यता असते. कोकणातील काही भागात दररोज एका ठिकाणी धुके अशी परिस्थिती आहे. काही प्रमाणात थंडी ही जाणवत आहे. या बदलत्या परिस्थितीमुळे आंबा बागायतदार मात्र चिंतेत असल्याचे चित्र आहे. सध्या अनेक बागांमध्ये लहान लहान आंबे तयार होत आहेत. 

पण धुक्यामुळे छोटे असणारे आंबे गळून पडण्याची शक्यता निर्माण झाल्याने आता वातावरण बदलाचा सामना कसा करायचा या विचारात सध्या कोकणातील बागायतदार आहेत. जर अशीच परिस्थिती निर्माण झाली तर मुख्य हंगामातच आंब्याचे उत्पादन घटण्याची भीती निर्माण झाली आहे.
 

प्रतिक्रिया
हवामानामध्ये बदल होत असल्याने आंब्यावर भुरी व अन्य रोगांचा प्रादुर्भाव होण्याची शक्यता आहे. उत्पादकांनी तातडीने याबाबत कृषी विभाग किंवा विद्यापीठातील शास्त्रज्ञांशी संपर्क करून प्रतिबंधात्मक उपाय करण्याबाबत प्रयत्न करावेत.
- विकास पाटील, विभागीय कृषी सहसंचालक, ठाणे, कोकण विभाग

धुके पडल्याने आम्हाला यंदाच्या हंगामात येणारा आंबा वाचवण्याचे आव्हान आहे. एकदम सकाळी गडद धुके पडत असल्याने आम्हाला आता नुकसान टाळण्यासाठी मेहनत घ्यावी लागणार आहे.
- उदय गावडे, आंबा उत्पादक
 

इतर अॅग्रो विशेष
जलव्यवस्थापनातील हुशारीतून फुलतेय ...दुष्काळाशी लढताना औरंगाबाद जिल्ह्यातील गाढेजळगाव...
दुष्काळातही कडवंची गावच्या अर्थकारणाची...भूगर्भीय सर्वेक्षण आधारित पाणलोटाची कामे, मृद...
मातीची सुपीकता टिकविणे आव्हानात्मक: डॉ...कोल्हापूर : कोल्हापूर विभागात मातीची सुपीकता...
साखर कारखान्यांना कर्ज न देणाऱ्या...मुंबई: आगामी हंगामासाठी साखर कारखान्यांना...
कृषी कौशल्य विकासासाठी सहकार्याचा करारअकोला ः  केंद्र शासनाची पंतप्रधान कौशल्य...
जीवनावश्‍यक वस्तू कायद्यावर प्रश्‍नचिन्हनवी दिल्ली: जीवनावश्‍यक वस्तू कायद्याची आवश्यकता...
जनतेचा पैसा जनतेच्याच भल्यासाठीतत्कालीन पंतप्रधान इंदिरा गांधी यांनी १९ जुलै...
कृत्रिम पाऊस : गप्पा अन् गांभीर्यमागील पावसाळ्यातील कमी पावसामुळे राज्यात भीषण...
पेरणीने ओलांडली पन्नाशीः डाॅ. अनिल बोंडेमुंबई: राज्यात खरिपाची ८०.६१ लाख हेक्टर...
दोषी आढळल्यास विमा कंपन्यांवर गुन्हेः...कोल्हापूर: विमा कंपन्या शेतकऱ्यांना लाभ देण्यास...
मध्य महाराष्ट्र, मराठवाडा, कोकणात...पुणे ः मध्य महाराष्ट्राचा दक्षिण भाग ते कर्नाटक...
दुष्काळी भागातील ‘श्रीमंत’ साकूर आसपास सर्वत्र दुष्काळी परिसर असताना सुशिक्षित व...
पांढऱ्या सोन्याचे काळे वास्तवकेंद्र सरकारने जुलैच्या पहिल्या आठवड्यात खरीप...
‘जीआय’ला प्रोत्साहन राज्यासाठी वरदानकेंद्र सरकारचा २०१९ चा अंतिम अर्थसंकल्प   ...
कृत्रिम पावसाचा मंगळवारी तीन ठिकाणी...मुंबई   ः पश्चिम महाराष्ट्रातील...
क्षारप्रतिकारक ऊस वाणावर होणार संशोधनपुणे  : भाभा अणुशक्ती केंद्र (बीआरसी) आणि...
कोकण, मध्य महाराष्ट्र, विदर्भात पावसाची...पुणे  : बंगालच्या उपसागरात शुक्रवारपर्यंत (...
पावसाअभावी पेरण्या रखडल्यानांदेड ः नांदेड, परभणी, हिंगोली जिल्ह्यांत यंदा...
बाजारातील ‘वाळवी’सुमारे अडीच वर्षांपूर्वी सांगली येथे एक कोल्ड...
वऱ्हाडात पावसाने वाढवली खरिपाची चिंताअकोला ः या हंगामात जून महिन्याच्या दुसऱ्या...