agriculture news in Marathi mango flowering late due to variation temperature Maharashtra | Page 2 ||| Agrowon

बदलत्या वातावरणामुळे आंबेमोहराला विलंब

टीम अॅग्रोवन
शुक्रवार, 6 डिसेंबर 2019

रत्नागिरी ः सोबा चक्रीवादळामुळे कोकणातील वातावरण बदलले असून, त्याचा परिणाम संवेदनशील आंबा पिकावर होत आहे. सध्या पालवलेल्या कलमांवर मोहर येण्याची स्थिती आहे; मात्र पाऊस, ढगाळ वातावरणाने मोहराला उशीर होणार आहे. ढगाळ वातावरणामुळे मोहरासह पालवीला कीड लागण्याची भीती आंबा बागायतदारांकडून वर्तविण्यात येत आहे.

रत्नागिरी ः सोबा चक्रीवादळामुळे कोकणातील वातावरण बदलले असून, त्याचा परिणाम संवेदनशील आंबा पिकावर होत आहे. सध्या पालवलेल्या कलमांवर मोहर येण्याची स्थिती आहे; मात्र पाऊस, ढगाळ वातावरणाने मोहराला उशीर होणार आहे. ढगाळ वातावरणामुळे मोहरासह पालवीला कीड लागण्याची भीती आंबा बागायतदारांकडून वर्तविण्यात येत आहे.

रत्नागिरी जिल्ह्यात ६५ हजार हेक्टरवर, तर सिंधुदुर्गात ३० हजार हेक्टरवर आंब्याची लागवड होते. यंदा दोन मोठ्या चक्रीवादळांमुळे पाऊस लांबला आहे. त्याचा फटका आंबा पिकाला बसला आहे. दरवर्षी नोव्हेंबरच्या सुरुवातीला २५ ते ३० टक्के कलमांना फूट येते. तर देवगड भागातील कलमांना ४० टक्के फूट येते. त्यानंतर थंडी पडली की डिसेंबरअखेरीस कणी तयार होऊ लागते. पुढे आंबा तयार होण्यासाठी मार्च महिना उजाडतो; परंतु यंदा ऋतुचक्रच बदलले असून, थंडीचा अद्याप पत्ता नाही.

जिल्ह्यात काही भागांमध्ये कलमांना मोहर आला आहे. त्याचे प्रमाण अत्यल्प आहे. या बदलत्या वातावरणात हा मोहर किती टिकेल हे सांगणे शक्यच नाही. पाऊस उशिरापर्यंत राहिल्याने मोहरावर परिणाम झाला आहे. गेले दोन ते तीन दिवस ढगाळ वातावरण असून, मोहर अद्यापही आलेला नाही. फक्त काही पालवीवर मोहर येण्यास सुरुवात झाली आहे. त्याला थंडी आवश्यक आहे. मात्र, अद्यापही थंडी पडलेली नाही. 

पालवीसह आलेल्या मोहरावर ढगाळ वातावरणामुळे कीड रोगांसह तुडतुड्यांचा प्रादुर्भाव वाढण्याची भीती बागायतदारांकडून वर्तविली जात आहे. पहिल्या टप्प्यात येणाऱ्या आंबा उत्पादनावर परिणाम निश्‍चित होणार आहे. दुसऱ्या टप्प्यात किती उत्पादन येणार यावरच बागायतदारांचे आर्थिक गणित अवलंबून राहणार आहे. रत्नागिरी तालुक्यातील मालगुंड येथील आंबा बागायतदार डॉ. विवेक भिडे म्हणाले, की मोहर उशिरा आल्यानंतर त्याला आवश्यक थंडी पडली पाहिजे. तरच आलेल्या मोहराला फळधारणा होऊ शकते.

सुधारित जातीच्या काजू पिकांवर चांगल्या पद्धतीने मोहर येण्यास सुरुवात झाला आहे; मात्र गावठी जातींना मोहर येण्याची प्रक्रिया लांबणार आहे. सध्याच्या ढगाळ वातावरणामुळे मोहरावर टी मॉस्किटो कीड पसरण्याची दाट शक्यता आहे. काही ठिकाणी मोहर करपतोय, पण त्याचे प्रमाण अत्यल्प आहे. यंदाचा हंगाम आंब्यापेक्षा काजूला चांगला राहील, असे रत्नागिरी तालुक्यातील काजू बागायतदार एन. व्ही. बापट यांनी सांगितले.


इतर अॅग्रो विशेष
ग्लोबल अन् लोकल मार्केटमका आणि सोयाबीनच्या जागतिक उत्पादनात घट होण्याची...
निर्णय आता तुमच्या हाती : केंद्र सरकारनवी दिल्ली ः शेतकरी नेते ‘कृषी कायदे रद्द करणे...
शेतमाल निर्यात खर्च झाला दुप्पट नाशिक : लंडनमध्ये डिसेंबरअखेर कोरोनाचा नव्या...
बर्ड फ्लूने १३ हजार पक्ष्यांचा मृत्यू पुणे : राज्यातील काही जिल्ह्यांमध्ये बर्ड फ्लू...
कृषिपंपाच्या थकबाकीची आता ऊसबिलातून...सोलापूर :  कधी दुष्काळ, कधी अतिवृष्टी आणि...
थंडी कायम राहण्याची शक्यता पुणे ः कोरड्या झालेल्या वातावरणामुळे राज्यातील...
चॉकलेट्‌स......नव्हे गुळाचे जॅगलेट्‌सकोल्हापुरी प्रसिद्ध गूळ देश-परदेशातील बाजारपेठेचा...
‘जय सरदार’ कंपनीची उल्लेखनीय घोडदौडमलकापूर (जि. बुलडाणा) येथील ‘जय सरदार’ शेतकरी...
‘कनेक्शन कट’चे कारस्थान!बिलाची थकीत रक्कम न भरल्यास आता थेट वीजतोडणीची (...
कापसाचा शिल्लक साठा बाहेर पाठवा कोरोना संक्रमण काळातील सुरुवातीचे तीन-चार महिने...
शेतकरी मागण्यांवर ठाम; ट्रॅक्टर रॅलीही...नवी दिल्ली : प्रजासत्ताक दिनी दिल्लीत ट्रॅक्‍टर...
बर्ड फ्लू नुकसानग्रस्त पोल्ट्री...नागपूर ः राज्यात ११ जिल्ह्यांमध्ये बर्ड फ्लूचा...
एक लाख शेतकऱ्यांची तूर विक्रीसाठी...अकोला ः राज्यात या हंगामात उत्पादित तूर खरेदीला...
कापूस उत्पादकतावाढीसाठी ‘सीआयसीआर’चा ॲ...नागपूर ः जगाच्या तुलनेत भारताची आणि त्यातही...
सांगली जिल्ह्यातील द्राक्ष हंगामास उशीरसांगली ः जिल्ह्यात अगदी क्वचितच आगाप छाटणी...
आजरा घनसाळसह तूरडाळ, घेवडा मिळणार...कोल्हापूर : पारंपरिक विक्री व्यवस्थेच्या पलीकडे...
थंडीत चढ-उतार सुरुच पुणे ः हिमालय आणि पश्चिम बंगालच्या परिसरात कमी...
खांबापासून ३० मीटरच्या आतील कृषिपंपांना...पुणे ः राज्यातील शेतकऱ्यांना कृषिपंपांसाठी...
गव्यांच्या कळपाकडून केळी बागांचे नुकसानसिंधुदुर्गनगरी ः जिल्ह्यातील विलवडे मळावाडी (ता....
भाजीपाला, कणगर, दुधातून उंचावले...सिंधुदुर्ग जिल्ह्यातील वेतोरे (ता.वेंगुर्ला)...