सोलापूर ः ‘‘मराठा आरक्षणप्रश्नी समाज बांधवांनी मूक मोर्चे काढले. परंतु सरकारला याची जाण नाही. त्यामुळे काही साध्य झाले नाही. म्हणून आरक्षण मिळवण्यासाठी आता मराठा क्रांती मोर्चाच्या माध्यमातून राज्यभर आक्रमक मोर्चे काढण्यात येतील. त्याची सुरवात ४ जुलै रोजी सोलापुरातून करणार आहे’’, अशी माहिती माथाडी कामगार नेते नरेंद्र पाटील यांनी पत्रकार परिषदेत दिली.
पाटील म्हणाले, ‘‘या मोर्चासाठी खासदार संभाजीराजे, उदयनराजे, शिवेंद्रराजे यांच्यासह आमदार आणि खासदारांना आमंत्रित करण्यात आले आहे. जे मोर्चात सहभागी होतील, तेही आमचे आणि जे सहभागी नाहीत, तेही आमचेच. आम्ही कोणाला विरोध करणार नाही. आमच्या आक्रमकतेवरून जर कोणी आमचे पुतळे जाळतील तर जाळावेत. प्रत्येकाचे आपापले विचार आहेत.’’
‘‘माझे वडील काँग्रेस, तर मी राष्ट्रवादीतून आमदार झालो. ज्यांना माझ्याबद्दल माहिती नाही, असे लोक मला भाजपशी जोडत आहेत. मी राजकीय व्यक्ती नसून समाज बांधव म्हणून आरक्षणप्रश्नी मैदानात उतरलो आहे. २५ जून रोजी मुंबईत गोलमेज परिषद होईल. तिन्ही राजे, मंत्री रामदास आठवले, प्रवीण दरेकर, प्रसाद लाड यांच्यासह अनेक आमदार आणि खासदार येणार आहेत’’, असे पाटील यांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.