agriculture news in marathi, Marathwada leads the in the proposal Crop insurance | Agrowon

पीकविमा प्रस्तावात मराठवाडा आघाडीवर

टीम अॅग्रोवन
बुधवार, 1 ऑगस्ट 2018

औरंगाबाद : पिकाला विमा कवच मिळविण्यासाठी प्रधानमंत्री पीकविमा योजनेत सातत्याने पुढाकार घेणाऱ्या मराठवाड्यातील शेतकऱ्यांनी यंदाच्या खरिपातही पिकांना विमा कवच मिळविण्यात आघाडी घेतली आहे. मंगळवारी (ता. ३१) जुलैच्या सकाळपर्यंत मराठवाड्यातील आठही जिल्ह्यांमधून तब्बल ५७ लाख ९८ हजार ३०० वर विमा प्रस्ताव दाखल करण्यात आले. यामध्ये बीड जिल्ह्यातून सर्वाधिक विमा प्रस्ताव दाखल करण्यात आले असून नांदेड, उस्मानाबाद, जालना त्यानंतर अनुक्रमे आघाडीवर असल्याची माहिती सूत्रांनी दिली.

औरंगाबाद : पिकाला विमा कवच मिळविण्यासाठी प्रधानमंत्री पीकविमा योजनेत सातत्याने पुढाकार घेणाऱ्या मराठवाड्यातील शेतकऱ्यांनी यंदाच्या खरिपातही पिकांना विमा कवच मिळविण्यात आघाडी घेतली आहे. मंगळवारी (ता. ३१) जुलैच्या सकाळपर्यंत मराठवाड्यातील आठही जिल्ह्यांमधून तब्बल ५७ लाख ९८ हजार ३०० वर विमा प्रस्ताव दाखल करण्यात आले. यामध्ये बीड जिल्ह्यातून सर्वाधिक विमा प्रस्ताव दाखल करण्यात आले असून नांदेड, उस्मानाबाद, जालना त्यानंतर अनुक्रमे आघाडीवर असल्याची माहिती सूत्रांनी दिली.

गतवर्षीच्या खरीप हंगामात जवळपास ५३ लाख ७० हजारवर पीक विमा प्रस्ताव दाखल झाले होते. यंदा सुरवातीपासूनच ऑनलाइन विमा प्रस्ताव स्वीकारण्याला लागलेले ग्रहण लागल्याने शेतकऱ्यांना आपल्या पिकाचा विमा उतरविता येईल की नाही, याविषयी शंका व्यक्‍त होत होती. शासनाने बिगर कर्जदार शेतकऱ्यांना विमा उतरविण्यासाठीची मुदत ३१ जुलैपर्यंत वाढविली असली तरी आवश्‍यक ऑनलाइन तत्पर सुविधा तातडीने मिळत नसल्याने २५ जुलैपर्यंत केवळ २७ लाखांवरच विमा प्रस्ताव दाखल करणे शक्‍य झाले होते. त्यानंतर मात्र पिकाचा विमा उतरविण्याला प्रचंड गती मिळाली. त्यामुळे ३१ जुलैच्या सकाळपर्यंत मराठवाड्यातील दाखल पीकविमा प्रस्तावाचा आकडा ५७ लाख ९८ हजारावर पोहाेचला.

मराठवाड्यातील बीड, नांदेड, उस्मानाबाद, जालना, औरंगाबाद, परभणी व हिंगोली या सातही जिल्ह्यांतील शेतकऱ्यांनी प्रधानमंत्री पीक विमा योजनेत आपल्या पिकाचा विमा उतरविण्यात आघाडी घेतली असली तरी लातूर जिल्हा मात्र सर्वात पिछाडीवर असल्याचे चित्र आहे. लातूर जिल्ह्यात मंगळवार सकाळपर्यंत ९७ हजार ७८६ पीकविमा प्रस्तावच दाखल झाले होते.

मंगळवारी सकाळपर्यंत कोकण विभागात २९ हजार ६००, नाशिक विभागात २४ हजार ४४८, पुणे विभागात ४ लाख ६४ हजार १४७, कोल्हापूर विभागात १८ हजार ९३, अमरावती विभागात ८ लाख ६ हजार १३४ तर नागपूर विभागात ५२ हजार ८६४ पीकविमा प्रस्ताव दाखल झाले होते. संपूर्ण राज्यात मंगळवारी सकाळपर्यंत ७१ लाख ९३ हजार ६३४ पीकविमा प्रस्ताव दाखल झाल्याची माहिती सूत्रांनी दिली.

मराठवाड्यातील जिल्हानिहाय पीकविमा प्रस्ताव
बीड १३ लाख ६२ हजार ५८८
नांदेड ११ लाख २१ हजार ३५७
उस्मानाबाद ९ लाख ८७ हजार ९९२
जालना ९ लाख २९ हजार ७३६
औरंगाबाद ५ लाख ४२ हजार ३८५
परभणी ५ लाख २० हजार ३४१
हिंगोली २ लाख ३६ हजार १२४
लातूर ९७ हजार ७८६

 


इतर अॅग्रो विशेष
‘सरफेसी' कायदा आहे तरी काय? दिवसेंदिवस बॅंकांच्या थकीत रकमेत वाढ दिसून येत...
लष्करी’ हल्लाखरीप हंगामाच्या सुरवातीलाच राज्यात मका पिकावर...
कोकणात जोरदार पावसाची शक्यता पुणे : पावसाला पोषक हवामान असल्याने गेल्या काही...
सिंधुदुर्ग जिल्ह्यात पूरस्थिती सिंधुदुर्ग  ः जिल्ह्यात संततधार पाऊस सुरू...
कृषी निविष्ठा विक्रेत्यांचा उद्यापासून...औरंगाबाद ः कृषी निविष्ठा  विक्रेत्यांच्या...
सफरचंद झाडाला फळधारणा ! नाशिकच्या...नाशिक : जिल्हा फलोत्पादन व विविध प्रयोगात आघाडीवर...
कोल्हापूर जिल्ह्यातील ३१ बंधारे...कोल्हापूर : जिल्ह्याच्या पश्‍चिम भागात पडणाऱ्या...
एकाच आॅनलाइन अर्जावर कृषी योजनांचा लाभ...मुंबई  : कृषी विभागाच्या विविध योजनांचा लाभ...
लातूर जिल्ह्यात पोलिसांनी बांधावर जात...लातूर ः ‘कोरोना’च्या पार्श्वभूमीवर लॉकडाउनच्या...
न्यायालयाच्या भूमिकेनंतर गुणनियंत्रण...पुणे  : बियाण्यांमध्ये शेतकऱ्यांच्या...
वर्षभर विविध भाज्यांची चक्राकार...अवर्षणग्रस्त असलेल्या सालवडगाव (ता. नेवासा, जि....
संकटांशी सामना करीत टिकवली प्रयोगशीलतादाभाडी (ता.मालेगाव, जि. नाशिक) येथील धनराज निकम...
वाद-प्रतिवादांचा खेळ अन् हतबल शेतकरीनिकृष्ट बियाण्यांमुळे सोयाबीन न उगवल्याच्या...
शेतकऱ्यांनो, एक वर्ष सुटी घ्यायची का?जगभरात जनुकीय सुधारित (जेनिटिकली मॉडिफाइड/जीएम)...
...अन्यथा कृषी सहसंचालकांना अटक करून...औरंगाबाद ः सोयाबीनच्या बोगस बियाणे प्रकरणात...
`गोसेखुर्द'चे भू-संपादन संपेनानागपूर : गोसेखुर्द प्रकल्पाच्या कामाचा...
काटेपूर्णा, पेनटाकळी, खडकपूर्णा ...अकोला ः वऱ्हाडातील तीनही जिल्ह्यांत आत्तापर्यंत...
नगर जिल्ह्यातील धरणांमधील पाणीसाठ्यात...नगर  ः जिल्ह्यात यंदा सुरुवातीपासूनच चांगला...
दुग्धोत्पादकांना लिटरमागे १० ते १२...नगर ः अनेक शेतकऱ्यांसह बेरोजगारीवर मात करण्यासाठी...
धरणांच्या पाणलोटात पावसाचा जोरपुणे : कोकण किनारपट्टीलगतच्या अरबी समुद्रात...