मराठवाड्यात नव्याने ६८ महसूल मंडळांत दुष्काळ जाहीर

औरंगाबाद : राज्य शासनाने आधी जाहीर केलेल्या शासन निर्णयात मराठवाड्यातील ४७ तालुक्‍यांत गंभीर व मध्यम स्वरूपाचा दुष्काळ जाहीर केला होता. आता त्यामध्ये नव्याने मराठवाड्यातीलच जालना, लातूर, नांदेड, परभणी व हिंगोली जिल्ह्यातील ६८ मंडळांची भर घालण्यात आली आहे. त्यासंबंधीचा शासन निर्णय ६ नोव्हेंबरला निर्गमीत करण्यात आला आहे.

याआधी ३१ ऑक्‍टोबरच्या शासन निर्णयाप्रमाणे मराठवाड्यातील ४७ तालुक्‍यांत शासनाने दुष्काळ जाहीर केला होता. त्यामध्ये ४४ तालुक्‍यांत गंभीर तर ३ तालुक्‍यांत मध्यम स्वरूपाचा दुष्काळ असल्याचे शासनाने स्पष्ट केले होते. दुष्काळाची दुसरी कळ लागू झालेल्या मराठवाड्यातील तालुक्‍याचा गंभीर व मध्यम दुष्काळी तालुक्‍यात समावेश आहे. त्यामध्ये औरंगाबाद जिल्ह्यातील सर्वच्या सर्व ९, बीड जिल्ह्यातील सर्व ११, जालना जिल्ह्यातील ७, नांदेड जिल्ह्यातील ३, उस्मानाबाद जिल्ह्यातील ७, परभणी जिल्ह्यातील ६, हिंगोली जिल्ह्यातील ३ व लातूर जिल्ह्यातील एका तालुक्‍यांचा समावेश आहे.

आता नव्याने ६ नोव्हेंबरला काढलेल्या शासन निर्णयात राज्यातील २६८ महसूल मंडळांत दुष्काळ जाहीर करण्यात आला आहे. त्यामध्ये मराठवाड्यातील ६८ मंडळाचा समावेश आहे. या ६८ मंडळांत जमीन महसुलात सूट, सहकारी कर्जाचे पुनर्गठण, शेतीशी निगडित कर्जाच्या वसुलीस स्थगिती, कृषी पंपाच्या चालू वीजबिलात ३३.५ टक्‍के सूट, शालेय, महाविद्यालयीन विद्यार्थ्यांच्या परीक्षा शुल्काची माफी, रोहयोंतर्गत कामांच्या निकषात काही प्रमाणात शिथीलता, आवश्‍यक तेथे पिण्याचे पाणी पुरविण्यासाठी टॅंकर्सचा वापर, टंचाई जाहीर केलेल्या गावात शेतकऱ्यांच्या शेतीच्या पंपाची वीज जोडणी खंडीत न करणे आदी सवलती लागू करण्यासह शासनाने मंजुरी दिली आहे. दुष्काळात समाविष्ट करण्यात आलेल्या मंडळात जालना जिल्ह्यातील २, लातूर जिल्ह्यातील ४२, नांदेड जिल्ह्यातील १४, परभणी जिल्ह्यातील ८ व हिंगोली जिल्ह्यातील २ मंडळांचा समावेश आहे.

दुष्काळ जाहीर झालेली मंडळ जालना जिल्हा : 

लातूर जिल्हा :   

नांदेड जिल्हा

परभणी जिल्हा

हिंगोली जिल्हा