नाशिक जिल्ह्यात पावसाने झेंडू फुलांचे नुकसान

नाशिक  : जिल्ह्याच्या पश्चिम पट्ट्यातील सिन्नर, इगतपुरी तालुक्यात झालेल्या पावसामुळे द्राक्षबागा, टॉमटो, सोयाबीनचे नुकसान मोठ्या प्रमाणावर झाले आहे. तसेच झेंडू फुलांनाही पावसाचा मोठा फटका बसला आहे. दिवाळी सणाला सुरवात झाली असतानाच झेंडू उत्पादकांना मोठ्या नुकसानीला सामोरे जावे लागत आहे.

इगतपुरी तालुक्यातील साकुर गावाला पावसाचा प्रामुख्याने फटका बसला आहे. सिन्नर तालुक्यातील विंचूर दळवी, वंजारवाडी भागात हजारो एकर क्षेत्रावरील झेंडू फुलांचे नुकसान झाल्याचे दिसून येत आहे. जिल्ह्यातून नाशिक शहरासह मुंबई, वाशी, दादर मार्केटला मोठ्या प्रमाणावर झेंडू जातो. जिल्ह्यातील इगतपुरी, सिन्नर, निफाड, चांदवड या तालुक्यात झेंडूचे पीक हजारो एकरांवर घेतले जाते. दसरा व दिवाळी सणासाठी येथील शेतकरी झेंडू उत्पादनाचे नियोजन करतात. पिवळा व केसरी झेंडू अशा विविध वाणांच्या झेंडूचे उत्पादन घेतले जाते. मात्र ऐन तोडीच्या हंगामातच पावसामुळे फुलांवर करपा पडला असून, उत्पादन घटले आहे. ऐन दिवाळी सणात फुलाचे नुकसान होत असल्याने शेतकरी चिंतेत आहेत.

प्रामुख्याने दिसून येत असलेले नुकसान