सांगलीच्या बाजारपेठेत गुळाला ५५०० रुपये प्रतिक्विंटल दर

सांगलीच्या बाजारपेठेत गुळाला ५५०० रुपये प्रतिक्विंटल दर
सांगलीच्या बाजारपेठेत गुळाला ५५०० रुपये प्रतिक्विंटल दर

सांगली : महापुरामुळे तसेच बरेच रस्ते पाण्याखाली गेल्यामुळे कृषी उत्पन्न बाजार समितीतील बरीच आवक ठप्प होती. पूर ओसरल्यानंतर आवक सुरू झाली असून गूळ व बेदाणा सौद्यांना बुधवारी (ता १४) प्रारंभ झाला. गुळाच्या सौद्यांमध्ये प्रतिक्विंटल ५५०० रूपये असा उच्चांकी दर मिळाला.

निम्मी सांगली महापुरात गेले आठवडाभर बुडाली. तसेच सांगलीच्या आसपासची गावेदेखील पुराने वेढली गेली. सांगलीत येणारे पूर्वेकडील आणि उत्तरेकडील मार्ग सोडले, तर इतर मार्ग बंदच होते. काही व्यापारी आणि हमालांची घरेदेखील पाण्याखाली गेली. आवक बंद असल्यामुळे मार्केट यार्डातील तुरळक प्रमाणात व्यवहार सुरू होते. सौदे बंदच होते.

महापुराचा मार्केट यार्डातील व्यापाराला देखील चांगलाच फटका बसला. कोट्यवधी रुपयांची उलाढाल ठप्प झाली. दोन-तीन दिवसांपासून पुराचे पाणी ओसरू लागल्यानंतर मार्केट यार्डातही हळूहळू उलाढाल सुरू झाली आहे. त्यामुळे गूळ आणि बेदाणा सौदे सुरू करण्याचा निर्णय घेतला.

बुधवारी सकाळी गुळाचे सौदे सुरू झाले. मेसर्स मगदूम व लठ्ठे पेढीमध्ये झालेल्या गुळाच्या सौद्यात कर्नाटकातील प्रगतिशील शेतकरी, कारिगार अशोक मलकारी (रा. निडगुंदी ता. रायबाग) यांच्या गुळाला प्रतिक्विंटल ५५०० रुपये दर मिळाला. मे. महालक्ष्मी ट्रेडिंग कंपनीने हा गूळ खरेदी केला. 

दरम्यान, मार्केट यार्डातील सौदे पूर्ववत सुरू झाले असून, गूळ उत्पादक शेतकऱ्यांनी गूळ विक्रीसाठी कृषी उत्पन्न बाजार समितीमध्ये आणावा, असे आवाहन सभापती दिनकर पाटील व प्रभारी सचिव व्ही. जे. राजशिर्के यांनी केले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com