agriculture news in Marathi, market trade in NCDEX and MCX | Agrowon

कापूस, मका, सोयाबीनच्या भावात वाढ

डॉ.अरूण कुलकर्णी
शुक्रवार, 21 जून 2019

रब्बी पिकांचे भाव आवकेमुळे कमी झाले आहेत. हरभऱ्याचा शासनाकडील साठा कधीही बाजारात येईल, अशी अपेक्षा असल्याने त्याचे भाव नरम आहेत. या सप्ताहात कापूस, मका, गवार बी व सोयाबीन यांचे भाव वाढले. हळद, गहू व हरभरा यांचे भाव कमी झाले. 

रब्बी पिकांचे भाव आवकेमुळे कमी झाले आहेत. हरभऱ्याचा शासनाकडील साठा कधीही बाजारात येईल, अशी अपेक्षा असल्याने त्याचे भाव नरम आहेत. या सप्ताहात कापूस, मका, गवार बी व सोयाबीन यांचे भाव वाढले. हळद, गहू व हरभरा यांचे भाव कमी झाले. 

या वर्षी मॉन्सून उशिरा येत आहे.  १८ जूनपर्यंत झालेला मॉन्सून हा सरासरीपेक्षा ४४ टक्क्यांनी कमी आहे. यापुढील किमती बहुतांश मॉन्सूनच्या प्रगतीवर अवलंबून आहेत. पेरण्या उशिरा होत असल्यामुळे उत्पादनाचे अंदाज करणे कठीण झाले आहे. त्यामुळे खरीप पिकांचे भाव वाढले आहेत. रब्बी पिकांचे भाव आवकेमुळे कमी झाले आहेत. हरभऱ्याचा शासनाकडील साठा कधीही बाजारात येईल अशी अपेक्षा असल्याने त्याचे भाव नरम आहेत. या सप्ताहात कापूस, मका, गवार बी व सोयाबीन यांचे भाव वाढले. हळद, गहू व हरभरा यांचे भाव कमी झाले.  पुढील काही महिन्यांत सोयाबीन व कापूस वगळता इतर सर्व पिकांचे भाव वाढतील, पुढील वर्षासाठी खरीप पिकांचे हमीभाव जूनअखेर जाहीर होण्याची शक्यता आहे. 

गेल्या सप्ताहातील एनसीडीईएक्स आणि एमसीएक्समधील किमतीतील चढ-उतार 
मका (रब्बी) 
रब्बी मक्याच्या (जुलै २०१९) किमती मे महिन्यात २३ तारखेपर्यंत वाढत रु. १,९९४ पर्यंत गेल्या. नंतर त्या घसरू लागल्या. या सप्ताहात त्या ७.८ टक्क्यांनी वाढून रु. १,९५२ वर आल्या आहेत. स्पॉट किमती (गुलाब बाग) रु. १,८४३ वर आल्या आहेत. हमीभाव रु. १,७०० आहे. (गेल्या वर्षी तो रु. १,४२५ होता). बाजारातील स्पॉट किमती सध्या हमीभावापेक्षा अधिक आहेत. सप्टेंबर डिलिव्हरीचे भाव रु. २,०१६ आहेत. 

हरभरा 
हरभऱ्याच्या फ्युचर्स (जुलै २०१९) किमती  २० मे पर्यंत वाढत रु. ४,७९३ पर्यंत गेल्या. नंतर त्या घसरल्या. गेल्या सप्ताहात त्या ३.२ टक्क्यांनी घसरून रु. ४,४२१ वर आल्या होत्या. या सप्ताहात त्या ४.१ टक्क्यांनी घसरून रु. ४,२४१ वर आल्या आहेत. स्पॉट (बिकानेर) किमती रु. ४,२०० वर आल्या आहेत.  सध्याच्या स्पॉट (बिकानेर) किमतींपेक्षा सप्टेंबर २०१९ मधील फ्युचर्स किमती ३.२ टक्क्यांनी अधिक आहेत (रु. ४,३३५). शासनाकडे पुरेसा साठा आहे. आवक वाढू लागली आहे. नवीन हमीभाव रु. ४,६२० आहे. (गेल्या वर्षी तो रु. ४,४०० होता). 

सोयाबीन 
सोयाबीन फ्युचर्स (जुलै २०१९) किमती  १५ मेपर्यंत वाढत रु. ३,८२५ पर्यंत गेल्या. नंतर त्या घसरत आहेत. या सप्ताहात त्या रु. ३,६४२ वर आल्या आहेत. स्पॉट (इंदूर) किमती ०.६ टक्क्यांनी वाढून रु. ३,७८५ वर आल्या आहेत. १८ जून रोजी ऑगस्ट, सप्टेंबर, ऑक्टोबर, नोव्हेंबर, डिसेंबर व जानेवारी डिलिव्हरी साठी अनुक्रमे रु. ३,६६०, ३,६८४, ३,४७१, ३,५२५, ३,५३५ व ३,५२५ भाव होते.  

साखर 
साखरेच्या (जुलै २०१९) किमती मेमध्ये व्यवहार नसल्याने रु. ३,११९ वर स्थिर होत्या. स्पॉट (कोल्हापूर) किमती रु. ३,१५० वर आलेल्या आहेत.  भारतातील उत्पादन या वर्षी व पुढील वर्षीसुद्धा वाढण्याचा अंदाज आहे.  

गहू  
गव्हाच्या (जुलै २०१९) किमती मे महिन्यात वाढत रु. २,०५१ पर्यंत गेल्या होत्या.  गेल्या सप्ताहात त्या ०.६ टक्क्यांनी घसरून रु. १,९७८ वर आल्या होत्या. या सप्ताहात त्या पुन्हा ०.७ टक्क्यांनी घसरून रु. १,९६५ वर आल्या आहेत. स्पॉट (कोटा) किमती रु. १,९५७ वर  आल्या आहेत. सप्टेंबर २०१९ च्या फ्युचर्स किमती सध्याच्या स्पॉट किमतींपेक्षा ४.४ टक्क्यांनी अधिक आहेत (रु. २,०४४).  नवीन हमीभाव रु. १,८४० आहे. (गेल्या वर्षी तो रु. १,७३५ होता). 

गवार बी 
गवार बीच्या फ्युचर्स (जुलै २०१९) किमती  मे  महिन्यात घसरत  होत्या (रु. ४,५६८ ते रु. ४,३३०). गेल्या सप्ताहात त्या २.२ टक्क्यांनी घसरून रु. ४,२१० वर आल्या होत्या. या सप्ताहात त्या १.५ टक्क्यांनी वाढून रु. ४,२७३ वर आल्या आहेत.  स्पॉट (जोधपूर) किमती  रु. ४,२९९ वर स्थिर आहेत.  सध्याच्या स्पॉट (जोधपूर) किमतींपेक्षा सप्टेंबर २०१९ मधील फ्युचर्स किमती २.१ टक्क्यांनी अधिक आहेत (रु. ४,३९०).

 कापूस 
एमसीएक्समधील कापसाच्या फ्युचर्स (जुलै २०१९) किमती १३ मेपर्यंत घसरत होत्या. नंतर त्या वाढत आहेत. गेल्या सप्ताहात त्या ३.६ टक्क्यांनी घसरून  रु. २१,३२० वर आल्या होत्या. या सप्ताहात त्या ३ टक्क्यांनी वाढून रु. २१,९६० वर आल्या आहेत. स्पॉट (राजकोट) किमती रु. २१,८६० वर आल्या आहेत. ऑक्टोबर २०१९ च्या फ्युचर्स किमती रु. २०,८२० वर आल्या आहेत. त्या सध्याच्या स्पॉट किमतींपेक्षा ४.८ टक्क्यांनी कमी आहेत. गेल्या वर्षीपेक्षा या वर्षी कापसाचे उत्पादन कमी आहे. पण आंतरराष्ट्रीय घटनांचा परिणामसुद्धा किमतींवर होत आहे. 
(टीप ः सर्व किमती प्रति क्विंटल; कापसाची किंमत प्रति १७० किलोच्या गाठी).    

    
इमेल ः  arun.cqr@gmail.com


इतर अॅग्रोमनी
कापूस उत्पादक शेतकऱ्यांसाठी स्थिती...कापसाचा नवीन हंगाम (२०१९-२०) सुरू होऊन जवळपास दोन...
मध ठरू पाहतेय साखरेला पर्याय...खरंच ‘...नागपूर : साखरेमुळे वाढत चाललेल्या आरोग्याच्या...
कापसाची ४९०० ते ५००० रुपये दरात खेडा...जळगाव  ः राज्यात कापूस पट्ट्यात कापसाचे दर...
पपईला जागेवरच १८ रुपये प्रतिकिलो दरजळगाव ः खानदेशात पपईचा हंगाम सुरू झाला असून,...
गुजरातमधून मागणी मंदावल्याने गूळ दरांत...कोल्हापूर : गेल्या वर्षीच्या तुलनेत यंदा गुजरातला...
वाशीम : त्रुट्यांमुळे ‘किसान सन्मान’...वाशीम  ः पंतप्रधान किसान सन्मान निधी योजनेचा...
हळद, गवार बीच्या फ्युचर्स किंमतीत घटया सप्ताहात हरभरा, गवार बी, हळद व गहू यांच्या...
नागपुरी संत्रा चीनच्या 'प्रोटोकॉल'...नागपूर : माजी केंद्रीय कृषिमंत्री शरद पवार...
संकेश्‍वरी मिरचीचा ‘ठसका’ यंदा गायबकोल्हापूर : गेल्या महिन्यातील अतिवृष्टीने यंदा...
वायदा बाजारात सोयाबीन, कापसाच्या...या सप्ताहात खरीप मका, हळद, गवार बी यांच्यात घट...
कडधान्यातील स्वयंपूर्णता यंदा ठरणार...नवी दिल्ली ः देशात यंदा मॉन्सूनच्या उशिरा...
देशात रब्बी मूग पेरणीत २९ टक्के घटनवी दिल्ली: देशात रब्बी हंगामाच्या पेरणीला...
सोयाबीनशिवाय सर्व पिकांच्या वायदा...या सप्ताहात गहू व गवार बी वगळता इतर सर्व...
राज्यात कापूस दर हमीभावापेक्षा कमीचजळगाव  ः राज्यात कापसाचे दर हमीभावापेक्षा...
‘कॉन्टॅक्टलेस लेंडिंग’ पद्धतीची...नोव्हेंबर २०१६ मध्ये सरकारने ५०० आणि १०००...
चौदा गुंठ्यांतील वैविध्याने अर्थकारणाला...पाच एकर शेतीचे नियोजन करताना ऊस, आले, केळी अशा...
तीन वर्षांत हळदीच्या दरात दीड हजार...सांगली ः सांगली जिल्ह्यासह अन्य भागांत  ...
मका, हळद, गव्हाच्या किमतीमध्ये वाढरब्बी मक्याच्या बाजारातील स्पॉट किमती सध्या...
पाडव्याच्या मुहूर्तावर कोल्हापुरात...कोल्हापूर  : कोल्हापूर कृषी उत्पन्न बाजार...
अर्थशास्त्राला शेती, शेतकऱ्यांचे प्रश्न...सन २०१९ चे अर्थशास्त्राचे नोबेल भारतीय वंशाचे...