अमरावती ः कोरोना विषाणूचा संसर्ग रोखण्यासाठी मास्क उपयुक्‍त ठरत आहेत. त्यामुळे मास्कची वाढती मागणी पाहता जिल्ह्यात १३ बचतगटांनी मास्क निर्मितीचे काम हाती घेतले आहे. यातून या बचतगटांना आर्थिकस्त्रोतही उपलब्ध झाला आहे.
दिनदयाल अंत्योदय योजना राष्ट्रीय उपजिविका अभियाना अंतर्गंत अमरावती मधील १३ महिला बचतगटांचा समूह अमरावती महापालिकेसाठी मास्क बनविण्याचे काम करीत आहे. या गटांनी महापालिकेसाठी आतापर्यंत दहा हजार मास्क तयार केले आहेत. पालिकेअंतर्गंत काम करणारे डॉक्‍टर, आरोग्य सेविकांसह सफाई कर्मचारी, संचारबंदी दरम्यान जिल्ह्यात अडकलेले नागरिक, निराधारांना हे मास्क मोफत वितरित करण्यात येत आहेत.
लक्ष्मी महिला बचतगट, पूजा महिला बचतगट, दत्तप्रभु महिला बचतगट, त्रिवेणी महिला बचतगट, रेणुका महिला बचतगट, यश महिला बचतगट, ओम, वैभवलक्ष्मी, शारदा, अनमोल, प्रगती, यश महिला बचतगटाव्दारे हे काम होत आहे. सहा तास काम करून त्या माध्यमातून ६०० ते ८०० मास्क तयार करण्यात येतात. आरोग्य विभागाच्या निर्देशानुसार हे मास्क तयार करण्यात येत आहेत.
हे मास्क कापडी असल्यामुळे त्यांचा पुनर्वापरही करता येणे शक्‍य आहे. लॉकडाऊनच्या काळात या गटांना रोजगार मिळाल्यामुळे त्यांची आर्थिक विवंचनाही काही प्रमाणात दूर झाली आहे. तसेच त्यांना आपात्कालीन परिस्थितीत सेवा देण्याची संधीही मिळाली असल्याची भावना अभियानाचे शहर प्रकल्प अधिकारी नरेंद्र वानखडे यांनी व्यक्‍त केली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.