agriculture news in marathi, MAT objection of Krushi sevak exam, Maharashtra | Agrowon

कृषिसेवक भरतीला न्यायाधीकरणाची मनाई

टीम अॅग्रोवन
रविवार, 17 मार्च 2019

पुणे : कृषिसेवक पदासाठी झालेल्या परीक्षेच्या निकालाकडे राज्यातील हजारो उमेदवारांचे लक्ष लागून असताना उमेदवारांची अंतिम यादी जाहीर करण्यास महाराष्ट्र प्रशासकीय न्यायाधीकरणाने (मॅट) नुकतीच मनाई केली आहे. ‘पदविके’च्या विद्यार्थ्यांना ‘पदव्युत्तर’चे प्रश्न विचारल्यामुळे चार विद्यार्थ्यांनी न्यायाधीकरणात धाव घेतली आहे. 

पुणे : कृषिसेवक पदासाठी झालेल्या परीक्षेच्या निकालाकडे राज्यातील हजारो उमेदवारांचे लक्ष लागून असताना उमेदवारांची अंतिम यादी जाहीर करण्यास महाराष्ट्र प्रशासकीय न्यायाधीकरणाने (मॅट) नुकतीच मनाई केली आहे. ‘पदविके’च्या विद्यार्थ्यांना ‘पदव्युत्तर’चे प्रश्न विचारल्यामुळे चार विद्यार्थ्यांनी न्यायाधीकरणात धाव घेतली आहे. 

शेतकरी कुटुंबातील नंदू रासकर, सुनील केकाण, सोपान बाचकर आणि भगवान मिसाळ यांनी कृषिसेवक परीक्षेतील गोंधळ महाराष्ट्र प्रशासकीय न्यायाधीकरणासमोर (मॅट) आणला आहे. राज्यात एक हजार ४१६ जागांसाठी झालेल्या या परीक्षेसाठी ८३ हजार अर्ज आले होते. प्रत्येक विद्यार्थ्याकडून अडीचशे रुपये शुल्क वसूल करण्यात आले. शुल्क वसूल करूनदेखील चुकीच्या पद्धतीने परीक्षा घेतल्यामुळे ग्रामीण भागातील विद्यार्थ्यांनी तीव्र नाराजी व्यक्त केली आहे. 

कृषिसेवक परीक्षेचा धोरणात्मक मसुदा शासन निर्णय १९ सप्टेंबर २०१७ नुसार ठरलेला आहे.  मात्र, निर्णयातील अटींकडे दुर्लक्ष करून पदविकाधारकांना सरळसरळ डावलून ही परीक्षा घेण्यात आली. परीक्षेचा गोंधळ मिटविण्यासाठी विद्यार्थ्यांनी एकदा नव्हे तर तीनवेळा आयुक्तालयातील अधिकाऱ्यांची भेट घेतली. परीक्षेत पदविका अभ्यासक्रमाच्या ऐवजी चक्क पदवीच नव्हे तर पदव्युत्तर अभ्यासाचे देखील प्रश्न विचारले जाणार आहेत, असे विद्यार्थ्यांनी निदर्शनास आणून दिले. मात्र, आयुक्तालयाने दुर्लक्ष केल्याचे न्यायाधीकरणात सांगण्यात आले. 

कृषिसेवक परीक्षा यापूर्वी मराठी भाषेतून घेण्यात आल्या होत्या. मात्र, प्रश्नपत्रिका इंग्रजी भाषेत देखील देण्यात आल्या. यामुळे परीक्षा दोन्ही भाषेत होण्याचा हा बदल कसा व कोणाच्या आदेशानुसार करण्यात आला, असा सवाल विद्यार्थ्यांनी उपस्थित केला आहे. न्यायाधीकरणाने कृषी सचिव, कृषी आयुक्त तसेच सामान्य प्रशासन विभागाच्या अतिरिक्त मुख्य सचिवांना नोटिसा बजावून म्हणणे सादर करण्यास सांगितले आहे. 

दरम्यान, सामान्य प्रशासन विभागाने परीक्षेतील धोरणात्मक बदल आम्ही केलेले नसून केवळ परीक्षा घेतली आहे, असा दावा केला आहे. परीक्षा नियमावलीच्या पाचव्या अटीनुसार कृषी विभागाने दिलेल्या अभ्यासक्रमानुसार परीक्षेत प्रश्न गेले आहेत. ‘प्रश्नावलीची निर्मिती आम्ही नव्हे तर अर्थ कृषी विभागानेच निश्चित केलेल्या अभ्यासक्रमावर आधारित आहे,’ असे नमूद केले आहे. 

कृषी खात्यातील आस्थापना विभागाने ही परीक्षा कृषी खात्याकडून नव्हे तर महापरीक्षा नावाच्या ऑनलाइन पोर्टलकडून घेतली जात आहे. परीक्षा प्रक्रियेत आयुक्तालयाने कोणताही हस्तक्षेप केलेला नाही, असा प्रतिदावा केला आहे. त्यामुळे कोण खरे आणि कोण खोटे असा प्रश्न तयार झाला असून न्यायाधीकरणात शासनाला जाब द्यावा लागेल, असे विद्यार्थ्यांचे म्हणणे आहे. 

कृषिसेवक भरती म्हणजे दिवाळी 
कृषी विभागाकडून यापूर्वी घेण्यात आलेल्या चारही कृषिसेवक पदाच्या परीक्षा वादग्रस्त ठरल्या आहेत. परीक्षेच्या आधीच उमेदवारांचा शोध घेऊन पास-नापास करणाऱ्या टोळ्या अनेक जिल्ह्यांत सक्रीय होतात, असे विद्यार्थ्यांचे म्हणणे आहे. या टोळ्यांमध्ये कृषी खात्यातील कर्मचारी, परीक्षेचे संगणकीय कामकाज करणारी मंडळी, परीक्षा परिषद आणि एजंट सहभागी आहेत. कृषिसेवक पदासाठी गेल्या परीक्षेत कोट्यवधी रुपयांची उलाढाल झाली. धक्कादायक बाब म्हणजे राज्याच्या कृषी आयुक्तालयाने स्वतःहून पोलिसांकडे गुन्हा दाखल करून यात गैरप्रकार झाल्याचे घोषित केले. मात्र, या गुन्ह्याची उकल होणार नाही याची दखल या टोळ्यांनी घेतली. मलिद्याला चटावलेल्या टोळ्यांनी पुन्हा २०१९ च्या कृषिसेवक भरतीमध्ये देखील गोंधळ घडवून आणला, असे विद्यार्थी सांगतात.


इतर अॅग्रो विशेष
मॉन्सूनने मुक्काम हलविला; राजस्थानातून...पुणे : पश्चिम राजस्थानात २५ जूनच्या दरम्यान दाखल...
कृषी विधेयकांवर राष्ट्रपतींची स्वाक्षरीनवी दिल्ली : संसदेने मंजूर केलेल्या तिन्ही कृषी...
कृषी विधेयकांत शेतकऱ्यांचाच फायदा : मन...नवी दिल्लीः ‘मन की बात’ या मासिक रेडिओ...
कोकण कृषी विद्यापीठ कारळा पिकाच्या...दापोली, जि.रत्नागिरी  : कमी मेहनत, कमी...
खावटी अनुदान योजनेच्या नावाखाली...मुंबई: राज्य सरकारने जाहीर केलेली खावटी अनुदान...
मुंबईतील व्यापारी, कामगारांमध्ये कृषी...मुंबई: केंद्र शासनाच्या तीन कृषी विधेयकांचे पडसाद...
कृषी पर्यटनामध्ये रानभाज्यांना महत्त्वसिंधुदुर्ग: राना-वनात, जंगलामध्ये असलेल्या...
इथेनॉलकडे साखर वळविणारकोल्हापूर: येत्या हंगामात जादा ऊस गाळपाच्या...
मॉन्सूनचा परतीचा प्रवास आजपासून पुणे ः उत्तर भारतात लवकरच दाखल झालेल्या मॉन्सूनचा...
मराठवाडा, विदर्भात उद्या पावसाचा अंदाज पुणे ः परतीच्या पावसासाठी काही कालावधी बाकी आहे....
अभूतपूर्व साखर साठ्याचे संकट पुणे: राज्यात ७२ लाख टन साखर शिल्लक असताना येत्या...
श्री स्वामी समर्थ शेतकरी कंपनीप्रमाणे...पुणे ः आठवडे बाजारात थेट विक्रीच्या माध्यमातून...
ऊस गाळप यंदा वाढणार कोल्हापूर: गेल्या वर्षी महापूर व अवर्षणामुळे...
चिकन, अंड्यांची मागणी वाढली, दरात...नगर ः कोरोना व्हायरस संसर्गाच्या पार्श्वभूमीवर...
ऊस तोडणी कामगारांच्या मागण्यांबाबत साखर...पुणे: राज्यातील ऊस तोडणी व वाहतूक कामगारांच्या...
शेतकऱ्यांच्या बांधापर्यंत जाणार लालपरी सोलापूर : एक लाखांहून अधिक कर्मचारी, साडेसतरा...
राज्यात सर्वदूर हलक्या पावासाची शक्यतापुणे ः राज्यातील अनेक भागांत कमी अधिक स्वरूपात...
मध्य महाराष्ट्र, मराठवाड्यात पाऊस पुणे ः उत्तर भारतात परतीच्या पावसासाठी पोषक...
सरकार शेतकऱ्यांच्या पाठीशी : कृषिमंत्री...कन्नड, जि. औरंगाबाद: अतिवृष्टीमुळे झालेल्या पीक...
तीनशे टन हळद बांगलादेशाला निर्यात नांदेड : शेतीमालास अधिकचा दर मिळावा, यासाठी...