Agriculture news in marathi In a matter of priority, The choice is for another benefit | Agrowon

प्राधान्यक्रम एका बाबीला, निवड दुसऱ्याच लाभासाठी

टीम अॅग्रोवन
शनिवार, 10 एप्रिल 2021

कृषी विभागाच्या राष्ट्रीय कृषी विस्तार व तंत्रज्ञान अभियानांतर्गत कृषी यांत्रिकीकरण उपअभियानातून ३ कोटी १८ लाखाचा वाढीव निधी मिळाल्याने नव्याने ३८१ लाभार्थींची निवड केली आहे.

 नगर : कृषी विभागाच्या राष्ट्रीय कृषी विस्तार व तंत्रज्ञान अभियानांतर्गत कृषी यांत्रिकीकरण उपअभियानातून ३ कोटी १८ लाखाचा वाढीव निधी मिळाल्याने नव्याने ३८१ लाभार्थींची निवड केली आहे. त्यासाठी मात्र ऑनलाइन अर्ज भरताना शेतकऱ्यांनी ज्या औजारासाठी प्राधान्य दिले होते. त्या ऐवजी दुसऱ्याच बाबीसाठी निवडी झाल्या आहेत. त्यामुळे प्राधान्यक्रमाने निवडी झाल्या नसल्याचे दिसत आहे. 

यंदा भरलेल्या अर्जात एकापेक्षा अनेक बाबी भरलेल्या असल्या तरी एका वर्षासाठी एकाच योजनेसाठी लाभ असेल. नव्याने पुढील वर्षासाठी त्याच अर्जात अपडेट करता येत आहे. नव्या वर्षासाठी (२०२१-२२) ऑनलाइन अर्ज भरण्याला सुरुवात झाली आहे. कृषी विभागाकडून मात्र ही बाब फारशी गांभिर्याने घेतली नाही. त्यामुळे आठ दिवसांचा कालावधी उलटून गेला तरी अर्ज भरायला सुरुवात झाली हे नगर जिल्ह्यातील कोणत्याही शेतकऱ्यांना कल्पना नाही. नगरचा कृषी विभागच मुळात शेतकऱ्यांबाबत बेफिकीर असल्याचे सातत्याने दिसून आले.  

शेतकऱ्यांना शेती औजाराचा लाभ देण्यासाठी राष्ट्रीय कृषी विस्तार व तंत्रज्ञान अभियानांतर्गत कृषी यांत्रिकीकरण उपअभियानातून अनुदानाचा लाभ दिला जात आहे. यंदा यंदा तब्बल १ लाख ९१ हजार ८०६ शेतकऱ्यांनी शेती औजारांच्या अनुदानासाठी अर्ज केले होते. नगर जिल्ह्यासाठी सुरवातीला ६ कोटी ३२ लाखाचा निधी मिळाला. त्यातून ८५२ शेतकऱ्यांची अनुदानासाठी ऑनलाइन सोडतीतून निवड केली. त्यानंतर आता ३ कोटी १८ लाखाचा वाढीव निधी मिळाला असल्याने नव्याने ३८१ लाभार्थ्यांची निवड झाली असून, निवड झालेल्या शेतकऱ्यांना थेट वरिष्ठ पातळीवर मेसेज दिले आहे. मात्र संबंधित शेतकऱ्यांनी ऑनलाइन अर्ज भरताना ज्या बाबीला प्राधान्यक्रम दिले, त्या ऐवजी दुसऱ्याच बाबीसाठी निवड झाल्याचे मेसेजमुळे शेतकऱ्यांना कळले आहे. त्या बाबत कृषी विभागात चौकशी केली असता याबाबत येथील कार्यालयाला काहीही सांगता येत नाही. मात्र एका वर्षात एकच योजनेसाठी लाभ मिळेल. त्यानंतर दुसऱ्या वर्षासाठी अर्ज करताना त्यात अपडेट करता येते. आता आठ दिवसांपासून (१ एप्रिल) नव्याने अर्ज भरण्याला सुरुवात झाली आहे असे सांगण्यात आले. विशेष म्हणजे नव्या वर्षासाठी अर्ज भरण्याला १ एप्रिलपासून सुरवात झाली. मात्र शेतकऱ्यांमध्ये जागृती करण्यात आली नाही.

सर्वाधिक मागणी ट्रॅक्टरला
नगर जिल्ह्यात यांत्रिकीकरणासाठी यंदा दरवर्षीच्या तुलनेत तीनपट अधिक अर्ज आले आहेत. त्यात ट्रॅक्टरसाठी ५६ हजार अर्ज आलेले असून, केवळ पंचवीस लोकांना अनुदानाचा लाभ मिळणार आहे. पूर्वी तालुका पातळीवर अवजारनिहाय सोडत निघायची. आता वरिष्ठ पातळीवरून ऑनलाइन सोडत निघते आहे. त्यामुळे सोडत काढण्याची पद्धत कशी, कोणता प्राधान्यक्रम लावून लाभार्थी निवडले जात आहेत याची कोणताही माहिती खुद्द कृषी विभागाच्या  वरिष्ठ आधिकाऱ्यांनाच नाही. त्यांनीही त्या बाबत फार गांभीर्याने घेतल्याचे दिसत नाही.


इतर बातम्या
मॉन्सूनच्या प्रवाहाला पोषक स्थिती पुणे : गेल्या दोन ते तीन दिवसांपासून अरबी...
महिनाभरातच गाईच्या दूधदरात ८ रुपये कपात नगर ः कोरोना लॉकडाउनमुळे दुधाची मागणी कमी...
काबुली हरभऱ्याच्या दरात घसरणीची शक्यता...नवी दिल्ली ः देशात यंदा काबुली हरभऱ्याचे उत्पादन...
ग्राम कृषी विकास समित्या स्थापन करा :...पुणे ः कोरोना लॉकडाउनमुळे राज्याच्या खरीप...
पीकविम्यासाठी राज्यात बीड मॉडेल ः ...अमरावती : प्रशासकीय खर्च आणि दहा टक्के नफा अशी...
माढा, उत्तर सोलापूर, अक्कलकोटला पाऊससोलापूर ः जिल्ह्यात रविवारी (ता.९) काही भागात...
उजनीचे पाणी पळविण्याचा प्रश्न...सोलापूर ः उजनी जलाशयातील पाच टीएमसी पाण्याला...
जळगाव जिल्ह्यातील पीक कर्जवाटपाला गती...जळगाव ः जिल्ह्यात खरिपासंबंधी पीक कर्जवाटप गेल्या...
वार्सा येथे पाणीटंचाईशी पंधरा...वार्सा, जि. धुळे : धज्या आंबापाडा येथील...
बीडमध्ये वादळी पावसाचा दुसऱ्या दिवशीही...बीड : जिल्ह्यात दुसऱ्या दिवशीही वादळी पावसाचा...
नांदेड जिल्ह्यात पावसाचा तडाखा सुरुच नांदेड : जिल्ह्यात पूर्व मोसमी पावसाने मुक्काम...
‘लिंबोटी’चे पाणी २३ गावांना मिळणारनांदेड : कंधार तसेच लोहा तालुक्यातील संभाव्य...
साताऱ्यात आले लागवडपूर्व कामांना गतीसातारा ः जिल्ह्यात अक्षय तृतीयेच्या शुभ...
पुणे बाजार समितीमध्ये लसीकरणाला प्रारंभपुणे ः गुलटेकडी येथील पुणे बाजार समितीच्या वतीने...
केवळ जाहिरातींद्वारे कोरोना संपणार नाही...मुंबई ः कोरोना परिस्थिती लक्षात घेता ‘एक देश एक...
कोरोनानंतर ‘कृषी’चा अनुशेष दूर करणार ः...नागपूर : विदर्भातच नाही तर राज्याच्या कृषी...
कृषी कर्मचाऱ्यांना कोरोनाचा धसकाकोल्हापूर : राज्यात कोरोनाचा वाढता प्रादुर्भाव...
बुलडाण्यात तीन लाखांवर शेतकऱ्यांना...बुलडाणा : सातत्याने संकटाचा सामना करणाऱ्या...
कांदा बियाणे भेसळीचा शेतकऱ्यांना फटकाश्रीरामपूर, जि. नगर ः यंदा खरिपात कांदा उत्पादक...
पशुवैद्यक करणार घरपोच सेवा बंदनागपूर : पशुवैद्यकांना फ्रंटलाइन वर्कर्स व कोरोना...