कमाल तापमान वाढण्यास सुरुवात 

उन्हाचा चटका वाढू लागला असून, कमाल तापमानात वाढ होण्यास सुरुवात झाली आहे. शनिवारी (ता. १७) सकाळी चोवीस तासांत विदर्भातील अकोला येथे सर्वाधिक ४१ अंश सेल्सिअस तापमानाची नोंद झाली असल्याचे हवामान विभागाच्या सूत्रांनी सांगितले.
The maximum temperature began to rise
The maximum temperature began to rise

पुणे : राज्याच्या अनेक भागांत आकाश कोरडे झाले आहे. उन्हाचा चटका वाढू लागला असून, कमाल तापमानात वाढ होण्यास सुरुवात झाली आहे. शनिवारी (ता. १७) सकाळी चोवीस तासांत विदर्भातील अकोला येथे सर्वाधिक ४१ अंश सेल्सिअस तापमानाची नोंद झाली असल्याचे हवामान विभागाच्या सूत्रांनी सांगितले. 

गेल्या दोन दिवसांपासून पूर्वमोसमी पावसाचा प्रभाव कमी झाला आहे. तुरळक ठिकाणी अधूनमधून ढगाळ वातावरण होत आहे. मात्र आज, उद्यापासून ढगाळ वातावरणही निवळू लागेल. सध्या अजूनही काही प्रमाणात हवेत गारवा असल्याने कमाल तापमानात सरासरीच्या तुलनेत एक ते दोन अंश घट झालेली आहे. 

पुणे, मालेगाव, सातारा, मुंबई, अलिबाग, डहाणू, औरंगाबाद, बीड, अकोला, ब्रह्मपुरी, चंद्रपूर भागांत कमाल तापमान सरासरी एवढे आहे. किमान तापमानातही सरासरीच्या तुलनेत पाच अंश सेल्सिअसपर्यंत घट झाली. पुणे येथे सर्वांत कमी १८.६ अंश सेल्सिअस तापमान नोंदविले गेले. 

सध्या विदर्भ ते तमिळनाडू, मराठवाडा आणि कर्नाटक या भागांत कमी दाबाचा पट्टा आहे. हा पट्टा समुद्र सपाटीपासून ९०० मीटर उंचीवर आहे. अरबी समुद्राचा आग्नेय भाग ते केरळ किनारपट्टी ते उत्तर कर्नाटक, दक्षिण कर्नाटक दरम्यान कमी दाबाचा पट्टा तयार होत आहे. तसेच मागील दोन दिवसांपासून ओडिशाच्या दक्षिण व उत्तर परिसरातही चक्रीय वाऱ्याची स्थिती कायम असून, ते ३.१ आणि ४.५ किलोमीटर उंचीवर आहे. 

केरळ व परिसरातही चक्रीय वाऱ्यांची स्थिती कायम आहे. उत्तर प्रदेशचा पूर्व भाग, बिहार व परिसरातही काही प्रमाणात चक्रीय वाऱ्यांच्या स्थितीचा प्रभाव आहे. त्यामुळे येत्या काही दिवसांत उन्हाचा पारा वाढून पुन्हा पावसासाठी पोषक वातावरण तयार होण्याचा अंदाज हवामान विभागाने वर्तविला आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com