agriculture news in Marathi may impact on seed availability due to employee strike Maharashtra | Agrowon

महाबीज’ कर्मचाऱ्यांच्या संपामुळे बियाणे उपलब्धतेवर परिणाम शक्य

टीम अॅग्रोवन
गुरुवार, 26 नोव्हेंबर 2020

महाराष्ट्र राज्य बियाणे महामंडळाच्या (महाबीज) कर्मचाऱ्यांनी सातवा वेतन आयोग व इतर मागण्यांसाठी सात डिसेंबरपासून बेमुदत संपाचा इशारा दिला आहे. 

अकोला ः महाराष्ट्र राज्य बियाणे महामंडळाच्या (महाबीज) कर्मचाऱ्यांनी सातवा वेतन आयोग व इतर मागण्यांसाठी सात डिसेंबरपासून बेमुदत संपाचा इशारा दिला आहे. हा संप वाढल्यास पुढील हंगामासाठी बियाणे उपलब्धतेवर परिणाम होऊ शकतो, असा दावा संघटनेकडून केला आत आहे.

‘महाबीज’ अधिकारी/कर्मचाऱ्यांना सातवा वेतन व इतर प्रलंबित मागण्यांचा प्रस्ताव ‘महाबीज’ संचालक मंडळाने मान्यता देऊनही केवळ शासनाचे वित्त विभागात प्रलंबित असल्यामुळे हा बेमुदत संप पुकारण्यात आला आहे. पर्यायाने बीजोत्पादकांचे कच्चे बियाणे स्वीकारणे, बियाणे प्रक्रिया करणे, बीज परीक्षण अहवाल वेळेत प्राप्त करणे, बियाणे पॅकिंग करणे, बियाणे पुरवठा करणे इत्यादी कामांवर विपरीत परिणाम होण्याची शक्यता आहे. राज्यातील शेतकऱ्यांना खरीप-२०२१ हंगामात लागणाऱ्या बियाणे उपलब्धतेवर विपरीत परिणाम होण्याची शक्यता व्यक्त होत आहे.

मागील ४४ वर्षांपासून सेवेत असलेल्या ‘महाबीज’चा अत्यावश्यक सेवेत समावेश केलेला आहे. राज्यातील शेतकऱ्यांना लागणाऱ्या एकूण बियाणेवाटपामध्ये जवळपास ५० टक्के वाटा एकट्या ‘महाबीज’चा आहे. राज्यातील शेतकऱ्यांना रास्त दरात व वेळेत बियाणे पुरविण्याचे कार्य ‘महाबीज’मार्फत होत आहे. यामध्ये शेतकरी भागधारक, महाबीज विक्रेता, कृषी विभाग व अधिकारी, कर्मचाऱ्यांचा फार मोठा वाटा आहे.

अपुरे मनुष्यबळ उपलब्ध असूनही आणि संपूर्ण जगात कोविड-१९ या महामारीचा प्रादुर्भाव असताना सुद्धा ‘महाबीज’
कर्मचाऱ्यांनी शेतकऱ्यांचे हित लक्षात घेऊन स्वतःचा जीव धोक्यात घालून सेवा दिली. बीज प्रक्रिया केंद्र, जिल्हा व विभागीय कार्यालये, तसेच मुख्यालय सतत सुरू ठेवल्यामुळे गेल्या खरीप-२०२० हंगामात शेतकऱ्यांना वेळेवर बियाणे उपलब्ध होऊ शकले होते. ‘महाबीज’ ही स्वायत्त संस्था असल्यामुळे सातवा वेतन आयोग व इतर मागण्या लागू करण्यास आर्थिकदृष्ट्या सक्षम आहे. 

शासनाच्या तिजोरीवर कुठलाही आर्थिक भुर्दंड पडणार नाही. कर्मचाऱ्यांच्या मागण्या बरेच वर्षांपासून शासनाच्या वित्त विभागात प्रलंबित आहेत. त्या पूर्ण करण्यासाठी सात डिसेंबरपासून बेमुदत संप पुकारण्यात आला आहे. शासनाने संपकऱ्यांच्या मागण्यांची दखल घेऊन त्या सोडवाव्यात, अशी मागणी कर्मचारी संघटनेचे अध्यक्ष निळोबा ढोरे, उपाध्यक्ष श्‍यामजी दिवे, सचिव विजय अस्वार या प्रमुख पदाधिकाऱ्यांसह संघटनेने केली आहे.

मागण्या मान्य करण्याची आमदार सावरकरांचीही शासनाकडे मागणी शासनाने कर्मचाऱ्यांना वेतन आयोग लागू करण्यास मान्यता द्यावी अशी मागणी भाजपा जिल्हाध्यक्ष आमदार रणधीर सावरकर यांनी कृषीमंत्री दादा भुसे, उपमुख्यमंत्री अजित पवार यांच्याकडे केली आहे. ‘महाबीज’ने स्थापनेपासून आजतागायत ४४ वर्षात केंद्र शासनाकडून १७ वेळा राष्ट्रीय उत्पादकता पारितोषिकाने सन्मानित झाली आहे. संस्था भरभराटीस असण्यास भागधारक, अधिकारी, कर्मचारी व कामगार यांचा असलेला सिंहाचा वाटा नजरेआड करता येत नाही. त्यामुळे अधिकारी, कर्मचाऱ्यांना आपल्या हक्कापासून वंचित ठेवू नये, असेही म्हटले आहे.

 


इतर ताज्या घडामोडी
औरंगाबादेत सर्वच पक्षांकडून गुलालाची...औरंगाबाद : मतदानाची प्रक्रिया शांततेत पार...
पुणे जिल्ह्यात संमिश्र निकाल; दावे-...पुणे ः जिल्ह्यातील विविध तालुक्यांमध्ये...
साताऱ्यात स्थानिक आघाड्यांचा जल्लोषसातारा ः दोन दिवसांपूर्वी मतदान झाले. गेले दोन...
नांदेड जिल्ह्यात प्रस्थापितांनी सत्ता...नांदेड : नांदेड जिल्ह्यात ग्रामपंचायत निवडणुकीचे...
नाशिक जिल्ह्यात प्रस्थापितांना धक्कानाशिक : जिल्ह्यात एकूण ६२१ ग्रामपंचायतीच्या...
माजी मुख्यमंत्री वसंतराव नाईक यांच्या...यवतमाळ : माजी मुख्यमंत्री व जलक्रांतीचे प्रणेते...
परभणी जिल्ह्यात संमिश्र यशपरभणी ः परभणी जिल्ह्यातील मतदान झालेल्या ४९८...
भाजपचे ४४, शिवसेनेचे २२ ग्रामपंचायतीवर...सिंधुदुर्गनगरी : जिल्ह्यातील ७० ग्रामपंचायतीपैकी...
नागपुरात संत्रा दरात तेजीनागपूर ः आंबिया बहाराचा हंगाम अंतिम टप्प्यात...
सांगलीत भाजपला धक्का;  महाविकास आघाडीला...सांगली : ग्रामपंचायतींच्या निवडणूक निकालात...
रत्नागिरीत शिवसेनेला कौल रत्नागिरी : जिल्ह्यातील ३६० ग्रामपंचायतींचे निकाल...
सोलापुरात प्रस्थापितांना धक्कासोलापूर : सोलापूर जिल्ह्यातील ५९०...
उमरेड येथील महिलांनी स्थापन केली शेतकरी...उमरेड. जि. नागपूर : शेतीमधील विषम परिस्थितीची दखल...
स्वाभिमानीचा विजयासाठी संघर्षकोल्हापूर : कोण म्हणतंय येत नाही, आल्याशिवाय राहत...
‘ब्लॅक राइस’ बियाणे निर्मितीचे काम सुरुरत्नागिरी ः तालुक्यातील शिरगाव येथील कृषी संशोधन...
सोलापुरात वांगी, गाजराला उठावसोलापूर ः सोलापूर कृषी उत्पन्न बाजार समितीच्या...
विदर्भात महाविकास आघाडी, भाजपला संमिश्र...नागपूर : विदर्भात महाविकास आघाडी, भाजप प्रणीत...
वऱ्हाडात महाविकास आघाडीला यश अकोला : ग्रामपंचायत निवडणुकीत महाविकास आघाडीच्या...
जळगाव जिल्ह्यात ‘बर्ड फ्लू’चा शिरकाव...जळगाव : परभणी जिल्ह्यात आढळून आलेल्या ‘बर्ड फ्लू’...
भूक मंदावण्यावर सुंठ, जिरे, ओवा उपयुक्तजनावरांनी खाद्य न खाणे, त्याचे पोट गच्च होणे,...