agriculture news in Marathi mazi narsary mazi lagan for cane planting Maharashtra | Agrowon

क्रांती कारखान्याचा ऊस बेण्यासाठी ‘माझी नर्सरी-माझी लागण’ प्रयोग

टीम अॅग्रोवन
मंगळवार, 7 जुलै 2020

क्रांतिअग्रणी कारखान्याच्या ‘माझी नर्सरी-माझी लागण’ या अभियानातून नर्सरी तयार करणाऱ्या शेतकऱ्यांना प्रोत्साहनपर अनुदान दिले जाणार आहे. त्यामुळे शेतकऱ्यांच्या खर्चात बचत होऊन एकरी उत्पादनात देखील वाढ होण्यास मदत होईल.      - अरुण लाड, चेअरमन, क्रांती कारखाना, कुंडल (जि. सांगली)

सांगली : शेतकऱ्यांना दर्जेदार ऊस बेणे मिळाले तरच उत्पादन चांगले येते. शेतकऱ्यांनी स्वतःच्या शेतात ऊस बेणे तयार केले तर खर्चात देखील बचत होण्यास मदत होईल, हा दृष्टिकोन डोळ्यासमोर ठेवून कुंडल (ता. पलूस) येथील क्रांती साखर कारखान्याने ‘माझी नर्सरी-माझी लागण’ हा प्रयोग गेल्यावर्षीपासून सुरू केला. हा प्रयोग यशस्वी झाल्याने यंदाच्या हंगामात सुमारे ४५ एकरांवर हा प्रयोग सुरू केला आहे.

क्रांती साखर कारखाना ऊस उत्पादक शेतकऱ्यांच्या उत्पादनात वाढ करण्यासाठी विविध प्रयोग करत आहे. यामध्ये ऊस विकास योजना महत्त्वाचा दुवा आहे. एकरी शंभर टन उत्पादन कसे घेता येईल याचे प्रयोग शेतकऱ्यांच्या बांधावर घेतले जाते. यामध्ये शेतकऱ्यांना मार्गदर्शनही केले जाते. गेल्यावर्षी कारखान्याने आपल्या शेताच्या बांधावरच उसाची नर्सरी करण्याचा निर्णय घेतला, त्यानुसार प्रायोगिक तत्त्वावर सुमारे २७ एकरांवर हा प्रयोग करण्यात आला.यंदापासून कारखान्याने अनुदानही जाहीर केले आहे.

जे शेतकरी वाफ्यावर ‘माझी नर्सरी-माझी लागण’ या अभियानातून उसाची लागवड करतील त्या शेतकऱ्यांना कारखान्यामार्फत ‘व्हीएसआय’कडील ६ लिटर जिवाणू औषध १००% अनुदानावर देण्यात येणार आहेत. कारखान्याने हंगाम २०२०-२१ साठी कारखान्यामार्फत विविध सोयी सुविधा व रोख रकमेचे अर्थसहाय्य उपलब्ध करून दिले जाणार आहे.

योजनांची प्रभावी अंमलबजावणी व शेतकऱ्यांच्या सहभागामुळे कार्यक्षेत्रातील सरासरी एकरी उत्पादन ४६ टनापर्यंत पोहचले आहे. ऊस उत्पादनवाढीबरोबरच उसाचा उत्पादन खर्च कमी करणे, जमिनीची सुपीकता वाढविणे यासाठीही कारखान्याकडून विशेष प्रयत्न केले जात आहेत. 

खर्चातही बचत 
ऊस लागणीमध्ये बेण्याऐवजी प्लॅस्टिक टड्ढेमधील रोपांचा वापर केल्यामुळे उत्पादनात एकरी ८ ते १० टनांची वाढ होत असल्यामुळे कारखान्यामार्फत दरवर्षी सुमारे ५० लाख रोपे उधारीने शेतकऱ्यांना पुरवठा केली जातात. रोपे व वाहतूक यासाठी एकरी सुमारे १२ हजार रुपये खर्च येतो. प्रति रोपात १.२० रुपये, वाहतूक खर्चात प्रति रोप ९० पैसे अशी बचत होते.

अशी आहे ही पद्धत
एक एकर क्षेत्राची रोपे तयार करणेसाठी सुमारे ४०० चौ.फूट इतकी कमी जागा लागते. ही जागा शेतकऱ्यांच्या घराशेजारी सुध्दा उपलब्ध होऊ शकते. त्यामुळे या पद्धतीने रोपे करणे त्रासाचेदायक होत नाही. रोपे तयार करण्यासाठी लागणारे प्रमाणित बियाणे व मार्गदर्शन कारखान्याच्या ऊस विकास विभागामार्फत केल्यामुळे हा प्रयोग यशस्वीपणे राबविता येणार आहे.

 


इतर अॅग्रो विशेष
टोमॅटोवर जिवाणूजन्य ठिपक्या रोगाचा...नाशिक: चालू वर्षी टोमॅटोवरील विषाणूजन्य रोगांचा...
मराठवाड्यातील प्रकल्पांतील पाणीसाठा ५०...औरंगाबाद : मराठवाड्यातील ८७३ प्रकल्पातील उपयुक्त...
परस्पर पुनर्गठन केल्याने शेतकरी...दानापूर, जि. अकोला ः येथील सेवा सहकारी सोसायटीने...
राज्यातील साखर कारखान्यांकडून एफआरपीचे...पुणे: राज्यातील साखर कारखान्यांनी लॉकडाउन आणि...
शेतमाल नियमनमुक्ती : आहे मनोहर, तरी... पुणे ः संपूर्ण शेतमाल नियमनमुक्तीचे स्वागतच आहे....
कृषी सुविधा निधीला आजपासून प्रारंभनवी दिल्ली ः कृषी क्षेत्रातील पायाभूत सुविधांच्या...
बाजार समित्यांपुढे स्पर्धेचे आव्हान पुणे ः केंद्र सरकारच्या ‘एक देश, एक बाजार'...
धक्कादायक, सरकारी समित्यांमध्ये ...पुणे: पीकविमा योजनेसहित कृषी योजने संबंधित सर्व...
कोकण, मध्य महाराष्ट्र, विदर्भात हलक्या...पुणे ः गेल्या दोन दिवसांपासून राज्यातील पावसाचा...
उमाताईंनी मिळवली आयुष्याची भाकरी गाडीवर फिरून ज्वारीच्या कडक भाकरीची विक्री करत...
गुणवत्ता अन् विश्वासाचा ब्रॅण्ड ः...प्रथम गुणवत्तापूर्ण आणि दर्जेदार सीताफळ उत्पादक...
सर्व शेतीमाल संपूर्ण नियमनमुक्त ! ‘एक...पुणे ः सर्व शेतीमालाच्या संपूर्ण नियमनमुक्तीच्या...
कोरोनाच्या संकटातही गुळाचा गोडवा कायमकोल्हापूर : महापुराच्या तडाख्यात सापडूनही सरत्या...
दूध दराच्या दुखण्यावरील इलाजहल्लीच झालेल्या दोन आंदोलनात दूध दराच्या दोन...
‘रेपो रेट’शी आपला काय संबंध?भारतीय रिझर्व्ह बॅंकेने (आरबीआय) ऑगस्ट,...
आदिवासी तालुक्यांमध्ये कोरडा दुष्काळ...नाशिक: कोरोना विषाणूच्या फैलावामुळे राज्याचे...
शेतकरीविरोधी कायद्यावर ‘किसानपूत्र’चे...औरंगाबाद: किसानपूत्र आंदोलनाच्यावतीने...
कोल्हापुरात नद्यांच्या पाण्यात वाढ...कोल्हापूर: जिल्ह्याच्या बहुतांशी भागात पावसाचा...
राज्यात पावसाचा जोर ओसरला पुणे ः कोकण, मध्य महाराष्ट्रात गेल्या चार ते पाच...
शेतकरी विरोधी अध्यादेश रद्द करा मुंबई: केंद्र सरकारने ५ जून २०२० रोजी काढलेले...