विषबाधितांवरील उपचाराबाबत वैद्यकीय अधिकाऱ्यांची कार्यशाळा

विषबाधितांवरील उपचाराबाबत वैद्यकीय अधिकाऱ्यांची कार्यशाळा
विषबाधितांवरील उपचाराबाबत वैद्यकीय अधिकाऱ्यांची कार्यशाळा

अकोला  ः कृषी विभाग, जिल्हा परिषद व सिंजेंटा इंडिया यांच्या संयुक्त विद्यमाने येथे कीटकनाशके फवारताना विषबाधित झालेल्या शेतकरी, शेतमजूर यांच्यावर उपचार करण्यासंदर्भात जिल्हा नियोजन सभागृहात अमरावती विभागातील सर्व जिल्ह्यातील वैद्यकीय अधिकाऱ्यांची कार्यशाळा घेण्यात आली. या कार्यशाळेचे उद्‌घाटन जिल्हाधिकारी जितेंद्र पापळकर यांच्या हस्ते झाले. या वेळी जिल्हा परिषदेचे मुख्य कार्यकारी अधिकारी आयुष प्रसाद, आरोग्य विभागाचे उपसंचालक डॉ. फारूखी, कोचिन येथून आलेले प्रमुख मार्गदर्शक डॉ.  व्ही. व्ही. पिल्ले, जिल्हा शल्यचिकित्सक डॉ. राजकुमार चव्हाण, जिल्हा अधीक्षक कृषी अधिकारी मोहन वाघ, कृषी विकास अधिकारी डॉ. मुरली इंगळे, आयएमएचे अध्यक्ष डॉ. मोरे आदी अधिकारी उपस्थित होते. कार्यशाळेत अमरावती विभागातील अकोला, बुलढाणा, अमरावती, यवतमाळ व वाशीम जिल्ह्यांतील वैद्यकीय अधिकारी सहभागी झाले होते. या वेळी मार्गदर्शन करताना पापळकर म्हणाले, की कीटकनाशक फवारणी करताना घ्यावयाची खबरदारी व दक्षता याबाबत शासन जनजागृती करीत आहे. तथापि विषबाधेच्या घटना होत असताना बाधितांवरील उपचाराबाबत प्राथमिक आरोग्य केंद्र उपकेंद्र स्तरावरील वैद्यकीय अधिकारी या संदर्भात अत्याधुनिक उपचारपद्धतीबाबत अवगत असावेत. कारण विषबाधेनंतर प्रथम उपचार गावातील आरोग्य केंद्रातच होत असतात. तेथेच वेळेवर व योग्य उपचार झाल्यास पुढील अनर्थ टाळता येऊ शकेल. जिल्ह्यातील शेतकरी, शेतमजुरांतील योग्य व वेळीच उपचार करण्यात गावपातळीवरील वैद्यकीय अधिकाऱ्यांची भूमिका महत्त्वाची आहे. या कार्यशाळेत दोन सत्रात उपस्थित वैद्यकीय अधिकाऱ्यांना मार्गदर्शन करण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com