agriculture news in marathi, meeting about sugarcane rate, mumbai, maharashtra | Agrowon

ऊसदर नियंत्रण समितीची पहिली बैठक निर्णयाविनाच
टीम अॅग्रोवन
मंगळवार, 18 सप्टेंबर 2018

गेल्या अनेक वर्षांपासून शेतकरी चळवळीत काम करत
असताना, कायदेशीर लढाई लढत असताना साखर कारखानदार कशा पद्धतीने शेतकऱ्यांची लूट करतात हे माहिती असल्यामुळे कायदेशीर बाबी, तांत्रिक मुद्दे अशा सर्व बाबींच्या अभ्यासाचा शेतकऱ्यांना ऊस दर मिळवून देण्यासाठी उपयोग करणार आहे.
- प्रल्हाद इंगोले, सदस्य, ऊस दर नियंत्रण समिती.

मुंबई : ऊसदर नियंत्रण समितीची बैठक सोमवारी (ता.१७) कोणत्याही निर्णयाविनाच संपली. बैठकीत ऊसदरावरून संघटनेचे प्रतिनिधी आणि कारखानदार यांच्यात खडाजंगी झाल्याचे समजते. ऊसदर नियामक मंडळाची नियुक्ती झाल्यानंतरची ही पहिली बैठक मुख्य सचिव दिनेशकुमार जैन यांचे अध्यक्षतेखाली मंत्रालयात पार पडली.

मागील हंगामातील ऊस दर निश्चित करणे व येत्या गाळप हंगामाचा ऊस दर ठरवणे याबाबत या बैठकीत महत्त्वपूर्ण निर्णय होणे अपेक्षित होते. पण याबाबत कोणताही ठोस निर्णय बैठकीत झाला नाही. बैठकीत प्रामुख्याने ऊसदराचा मुद्दाही चर्चेला आला. साखरेचे दर पडल्याने ‘एफआरपी’ देताना अडचणी येत असल्याचे कारखानदारांचे प्रतिनिधींनी बैठकीत स्पष्ट केले. त्यावर साखरेचे दर पडल्याने शेतकऱ्यांचे नुकसान होत असेल तर ते योग्य नाही, अशी भूमिका संघटनांच्या प्रतिनिधींनी मांडली. यावरुन एका खासगी साखर कारखान्याचे अध्यक्ष असलेले प्रतिनिधी आणि संघटनेचे प्रतिनिधी यांच्यात खडाजंगी झाली.

राज्यात शुगरकेन अॅक्टचे उल्लंघन होत असल्याचे संघटनेच्या प्रतिनिधींनी शासनाच्या निदर्शनाला आणून दिले. उसाचा दर हंगामाआधी निश्चित करणे अपेक्षित असताना २०१६-१७ च्या हंगामात दुष्काळामुळे बंद असलेल्या साखर कारखान्यांनी २०१७-१८ च्या हंगामातील उसाला अंतिम दर दिलेला नाही. त्यामुळे शेतकऱ्यांचे नुकसान झाले आहे. ७०-३० च्या फॉर्म्यूल्यानुसार शेतकऱ्यांना २०१६-१७ च्या हंगामातील काही कारखानदारांकडून सुमारे ९० कोटी मिळालेले नाहीत. गेल्या हंगामाच्या बाबतीतही हीच स्थिती आहे. आगामी हंगामाबाबत नेमके कोणते धोरण असणार आहे, अशी विचारणा संघटनेच्या प्रतिनिधींनी केल्याचे सांगण्यात आले.

काही कारखानदार रिकव्हरीचा अहवाल वस्तुनिष्ठ देत नाहीत. त्यामुळे शेतकऱ्यांचा उतारा कमी दाखवून नुकसान केले जाते, याकडेही लक्ष वेधण्यात आले. ऊसदर नियंत्रण समितीवर २ सहकारी साखर कारखाने, २ खासगी साखर कारखाने व ५ शेतकरी प्रतिनिधी सदस्य म्हणून आहेत. राज्याचे मुख्य सचिव हे या समितीचे अध्यक्ष असून महाराष्ट्राचे साखर आयुक्त हे या समितीचे सदस्य सचिव आहेत.
 

इतर अॅग्रो विशेष
बॅंक एकत्रीकरण एक अनावश्‍यक पाऊलभारताने १९९० मध्ये नवीन आर्थिक धोरण स्वीकारले....
भूगर्भ तहानलेलाच!रा ज्यात या वर्षी जोरदार पाऊस झाला. अनेक भागांत...
साखर उद्योगाने मूल्यपदार्थांकडे वळणे...पुणे: देशाच्या ग्रामीण अर्थकारणात मोलाचा वाटा...
देशात कापूस उत्पादन घटणारजळगाव ः देशात सर्वाधिक कापूस उत्पादित करणाऱ्या...
राष्ट्रीय कृषिमुल्य आयोगासमोर ऊस...पुणे : कायद्यातील उणिवांचा फायदा घेत ऊस उत्पादक...
नुकसानग्रस्तांसाठीचे दोन हजार कोटी...मुंबई: राज्यातील ३४ जिल्ह्यांतील ३२५ तालुक्‍...
थंड वारे वाढणार...पुणे : राज्यात किमान तापमानातचा पारा १६ अंशांच्या...
दर्जेदार दुग्धोत्पादनांचा ‘गारवा’ ब्रॅंडकोल्हापूर जिल्ह्यातील मातब्बर दूध संघ दुग्धजन्य...
शेवगा कसे ठरले 'या' शेतकऱ्याचे हुकमी...कायम अवर्षण स्थिती असलेल्या सोलापूर जिल्ह्यातील...
'पणन'ची २७ पासून कापूस खरेदी नागपूर ः सिसिआयची खरेदी सुरूच असली तरी कापूस पणन...
शेतीला व्यावसायिक दर्जा आवश्यक: सुहास...पुणे: भावनिकतेच्या आधारे शेती न करता शेतकरी...
कुजलेल्या तुराट्यांच्या झाडण्याही होणार...परभणी ः यंदा तुरीचं पीक लई जोरात आलं होतं. चांगली...
सांगली जिल्ह्यातील अंडी उत्पादकांना...सांगली ः एप्रिल ते ऑक्टोबर या सात महिन्यांत...
मानवी, शेती आरोग्यासाठी नैसर्गिक शेतीचा...मानवी व शेतीचे आरोग्य याबाबत अधिक जागरूक झालेल्या...
अभ्यास, नियोजनातून देशी दुग्धव्यसाय...भाजीपाला शेती करण्याबरोबरच रेशीमशेती आणि...
इथेनॉल उत्पादन घटणारपुणे:  देशाच्या इथेनॉलनिर्मितीत मोठी घट...
अकोला जिल्ह्यात कपाशीवर बोंड अळीअकोला ः परतीच्या पावसाने कापूस पिकाचे मोठ्या...
पीकविम्यासाठी शासकीय पातळीवर धावपळपुणे: अतिपावसामुळे नुकसान झाल्यानंतर शेतकऱ्यांना...
देशात मागणीच्या तुलनेत ४० टक्केच कांदा...पुणे: देशभरात ऑगस्ट महिन्यातील खरीप कांद्याच्या...
किमान तापमानात घटपुणे: राज्यात होत असलेले ढगाळ हवामान निवळल्यानंतर...