agriculture news in marathi, meeting of congress committee, mumbai, maharashtra | Agrowon

काँग्रेसचे आमदार फोडण्यासाठी  मुख्यमंत्री प्रयत्नशील ः अशोक चव्हाण

टीम अॅग्रोवन
मंगळवार, 11 जून 2019

लोकसभा निवडणुकीत विजय मिळाला म्हणून विखे पाटील यांनी फाजील आत्मविश्वास बाळगणे योग्य नाही. लोकसभेला यश मिळाले म्हणून भाजपनेही हुरळून जाण्याचे कारण नाही. या सरकारवर लोक नाराज आहेत ही वस्तुस्थिती आहे. लोकसभा आणि विधानसभेचे विषय वेगळे असतात. त्यामुळे निकालही वेगळे असू शकतात हे याआधी सिद्ध झाले आहे. महाराष्ट्राच्या विधानसभा निवडणुकीत याचा प्रत्यय येईल.

- अशोक चव्हाण, प्रदेशाध्यक्ष, काँग्रेस

मुंबई : काँग्रेस आमदारांनी पक्ष सोडावा म्हणून मुख्यमंत्री देवेंद्र फडणवीस आमदारांना फोन करीत असल्याचा आरोप काँग्रेसचे प्रदेशाध्यक्ष अशोक चव्हाण यांनी शुक्रवारी येथे केला. भाजपमध्ये गेलेले काँग्रेसचे जुने सहकारीसुद्धा आमच्या आमदारांना गळाला लावण्याचा प्रयत्न करीत असल्याचे चव्हाण यांनी सांगितले.

विधान सभेचे माजी विरोधी पक्षनेते राधाकृष्ण विखे-पाटील यांनी काँग्रेसचा राजीनामा देऊन भाजप प्रवेशाची तयारी चालवली आहे. त्यांच्यासोबत काँग्रेसचे ८ ते १० आमदार भाजपमध्ये जातील, असा दावा केला जात आहे. भाजपमध्ये प्रवेश करण्यास इच्छुक असलेल्या आमदारांमध्ये अब्दुल सत्तार, जयकुमार गोरे, कालिदास कोळंबकर, भारत भालके यांच्या नावांची चर्चा आहे. या पार्श्वभूमीवर चव्हाण यांनी मुख्यमंत्र्यांवर फोडाफोडीचे राजकारण करीत असल्याचा आरोप केला. काँग्रेस पक्षाचे आमदार फोडण्यासाठी मुख्यमंत्री प्रचंड खटाटोप करीत आहेत. अनेक आमदारांना ते फोन करत आहेत. मात्र आता कोणीही पक्ष सोडेल असे वाटत नाही. काँग्रेसचे आमदार भाजपच्या दिशेने जाणार नाहीत, असा विश्वासही त्यांनी व्यक्त केला.

लोकसभा निवडणुकीत दारुण पराभव पत्करलेल्या काँग्रेसने विधानसभा निवडणुकीची तयारी सुरू केली आहे. त्यासाठी अशोक चव्हाण यांनी टिळक भवनमध्ये मराठवाडा आणि उत्तर महाराष्ट्रातील आजी-माजी आमदार, खासदार, जिल्हाध्यक्ष तसेच पदाधिकारी यांच्यासोबत बैठक घेतली. बैठकीनंतर पत्रकारांशी बोलताना श्री. चव्हाण यांनी लोकसभेतील पराभवाची जबाबदारी स्वीकारून नांदेड जिल्ह्यातील पदाधिकाऱ्यांनी राजीनामे सादर केल्याची माहिती दिली. नांदेड जिल्हाध्यक्षांनी दिलेल्या राजीनाम्यावर विचार केला जाईल, असे चव्हाण यांनी सांगितले. बैठकीत प्रकाश आंबेडकर यांच्या नेतृत्वाखालील वंचित बहुजन आघाडीला सोबत घेण्याबाबत चर्चा झाली. बहुतांश पदाधिकाऱ्यांनी प्रकाश आंबेडकर यांना सोबत घेण्यास हरकत नाही, असा सूर लावला. आंबेडकर यांना सोबत घेऊन जाण्याची आमची तयारी आहे. त्यामुळे यासंदर्भात आता त्यांनीच निर्णय घ्यावा, असे चव्हाण यांनी एका प्रश्नाच्या उत्तरात सांगितले.
 


इतर ताज्या घडामोडी
आव्हानाला सामोरे जाण्यासाठी शेतकरी...हवामान बदलाच्या समस्येला सामोरे जाण्यासाठी शेतकरी...
खानदेशात कमाल तापमानात ९ अश सेल्सिअसने...जळगाव  : भर दुपारीही अंगात हुडहुडी भरविणारी...
फ्लॉवर रोपांना कंदच आले नाही;...नाशिक : ‘‘नाशिक शहराजवळील विविध गावांमध्ये...
'जलयुक्त शिवार' सामूहिक चळवळीतून...जळगाव : ‘महाराष्ट्र शासनाने सुरू केलेली...
वाशीममध्ये मूग, उडीद नुकसानग्रस्तांना...वाशीम  ः जिल्ह्यात या खरीप हंगामात नुकसान...
औरंगाबाद, जालना जिल्ह्यांत केंद्रांवरील...औरंगाबाद : बाजारात हमी दरापेक्षा कमी दराने तुरीची...
ग्रामीण भागात आरोग्यसेवा द्या : भगतसिंह...नाशिक : महाराष्ट्र आरोग्य विज्ञान...
रत्नागिरी दूध संघाकडून १ कोटी २० लाख...रत्नागिरी : जिल्ह्यातील दूध उत्पादक शेतकऱ्यांसाठी...
नांदेड, परभणी जिल्ह्यांतील चाळीस...नांदेड : महात्मा जोतिराव फुले शेतकरी कर्जमुक्ती...
सांगली, कोल्हापूरसाठी विशेष पॅकेज : डॉ...सांगली : ‘‘महापूराने सांगली, कोल्हापूर जिल्ह्याचे...
वीज दरवाढीबाबत चार फेब्रुवारीला हरकती...मसूर, जि. सातारा ः महावितरणचा २०.४ टक्के वीज...
नियमित कर्ज फेडणाऱ्या शेतकऱ्यांचीही...मेढा, जि. सातारा : नियमित कर्जफेड करणाऱ्या...
कुलगुरू डॉ. विलास भाले यांना हरितरत्न...अकोला  ः नवी दिल्ली येथील अखिल भारतीय कृषी...
अकोले तालुका गैरव्यवहार प्रकरणी तीन...नगर ः अकोले तालुक्‍यातील पाच ग्रामपंचायती व...
मोहोळ येथे शेतकऱ्यांनी बॅंक...मोहोळ, जि. सोलापूर : अतिवृष्टीमुळे मोहोळ तालुक्‍...
बॅंकांनी रोखली गटशेतीची वाट :...नागपूर  ः गटशेती योजनेचे अनुदान ६०...
हवामान बदल सहनशील वाण संशोधनाला मिळणार...परभणी: बदलत्‍या हवामानात शाश्‍वत उत्‍पादन...
ग्रामपंचायतींमध्ये राष्ट्रीयदिनी...मुंबई ः राज्यातील सर्व ग्रामपंचायती, पंचायत...
अल्पसंख्यांक समाजामुळे सत्ता परिवर्तन ः...मुंबई : महाराष्ट्रात झालेल्या निवडणुकीत मुस्लिम...
शंकरराव चव्हाण यांच्या...नांदेड ः नांदेडचे नगराध्यक्ष ते...