शेतकरी संघटनेच्या राज्य कार्यकारिणीची आज बैठक 

शेतकरी संघटनेच्या राज्य कार्यकारिणीची आज बैठक 
शेतकरी संघटनेच्या राज्य कार्यकारिणीची आज बैठक 

औरंगाबाद : शेतकरी संघटनेच्या राज्य कार्यकारिणीची बैठक औरंगाबाद येथील गांधी भवनात बुधवारी (ता. १५) आयोजित करण्यात आली आहे. शेतकरी आत्महत्यांचा मुद्दा या बैठकीच्या केंद्रस्थानी राहणार असून, शेतमालाला हमी दर, शेतकरी विरोधी कायदे, आयात-निर्यात धोरण आदींवर चिंतन करून पुढील आंदोलनाची रणनीती ठरविली जाणार असल्याचे शेतकरी संघटनेने स्पष्ट केले आहे. 

या संदर्भात शेतकरी संघटनेने दिलेल्या प्रसिद्धी पत्रकानुसार, २०१९ च्या निवडणुकीत बहुतांश राजकीय पक्षांनी सरसकट कर्जमाफीचा नारा दिला. परंतू मोदी व ठाकरे सरकारने शब्द पाळला नाही. शेतकऱ्यांचा विश्वासघात करणाऱ्यांनाच नेहमी सत्तेची संधी मिळत आहे. केंद्रात व्ही. पी. सिंगांपासून मोदी सरकारपर्यंत आणि महाराष्ट्रात अ. र. अंतुलेंपासून फडणवीस यांच्यापर्यंत हाच अनुभव आहे. स्व. शरद जोशी यांच्या नेतृत्वात शेतकरी संघटनेने केलेल्या कर्जमुक्‍ती आंदोलनात शेतकऱ्यांवरील कर्ज हे सरकारचे पाप असल्याचे सर्वोच्च न्यायालयाने मान्य केले आहे. 

तरीही निवडणुका जिंकण्यासाठी राजकीय पक्ष वारंवार कर्जमाफी करून शेतकऱ्यांच्या जिवाशी खेळत आहेत. शिवसेना, राष्ट्रवादी कॉंग्रेस व कॉंग्रेसने निवडणुकांमध्ये सातबारा कोरा करण्याचे आश्वासन देऊनही धोका दिला आहे. दुष्काळ व अतिवृष्टीने शेतकरी मेटाकुटीला आला आहे. केंद्राने घोषित केलेल्या हमीभावाने एकाही बाजार समितीत शेतीमालाची खरेदी होत नाही. ई-नाम सारख्या सुविधा हाणून पाडण्यासाठी बाजार समित्यांच्या संचालक मंडळांसह आमदार, खासदार प्रयत्न करीत आहेत. 

या बैठकीला शेतकरी संघटनेचे अध्यक्ष रघुनाथ पाटील, कार्याध्यक्ष कालिदास आपेट, प्रदेशाध्यक्ष ॲड. अजित काळे, महिला आघाडी अध्यक्षा विमलताई आकणगिरे, बळिराजा पार्टीचे शिवाजीनाना नांदखिले, विभाग प्रमुख बंडू सोळंके, बाळासाहेब पटारे, धनंजय काकडे, दिनकर दाभाडे, गणेश घुगे, उपाध्यक्ष दत्ता कदम, जिल्हाध्यक्ष  निलेश बारगळ आदी उपस्थिती राहणार आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com