Agriculture news in marathi Merchants, farmers' dilemmas | Agrowon

व्यापारी, अडत्यांकडून शेतकऱ्यांची कोंडी

टीम अॅग्रोवन
गुरुवार, 8 एप्रिल 2021

दादर ज्वारीची मळणी पूर्ण झाली आहे. पण आवक वाढताच दादर ज्वारीचे दर व्यापारी, अडतदारांनी पाडले आहेत. या बाबत शेतकऱ्यांनी चोपडा, अमळनेर, जळगाव बाजार समितीत नाराजी व्यक्त केली आहे. 

जळगाव : खानदेशात दादर ज्वारीची मळणी पूर्ण झाली आहे. पण आवक वाढताच दादर ज्वारीचे दर व्यापारी, अडतदारांनी पाडले आहेत. या बाबत शेतकऱ्यांनी चोपडा, अमळनेर, जळगाव बाजार समितीत नाराजी व्यक्त केली आहे. बाजार समित्यांमध्ये प्रशासन लक्ष देत नाही, व्यापारी मनमानी करतात, असे शेतकऱ्यांचे म्हणणे 
आहे. 

दादरची पेरणी खानदेशात यंदा वाढली आहे. सकस चारा व दर्जेदार धान्य मिळत असल्याने दादर ज्वारीचे पेरणी वाढली आहे. मका, संकरित ज्वारी ऐवजी दादर ज्वारीच्या विद्यापीठातर्फे संशोधित वाणांची पेरणी अनेक शेतकऱ्यांनी केली आहे. 

दादर ज्वारीचे दर मार्च महिन्याच्या सुरवातीला २४०० ते २५०० रुपये प्रतिक्विंटल होते. सुरुवातीला जळगाव बाजार समितीत प्रतिदिन ५०० ते ६०० क्विंटल आवक सुरू होती. परंतु या आठवड्यात आवक प्रतिदिन १५०० क्विंटलवर पोचली आहे. चोपडा, अमळेरातही आवक वाढली आहे.  आवक वाढताच किमान दर १८०० व कमाल दर २५०० एवढा झाला. फक्त काही शेतकऱ्यांच्या दादर ज्वारीला ३३०० रुपये प्रति क्विंटलचा दर मिळाला. सरासरी दर २२०० रुपये प्रति क्विंटल झाला. मध्यंतरी या प्रकाराबाबत जळगाव बाजार समितीमध्ये काही शेतकऱ्यांनी प्रशासनाकडे नाराजी व्यक्त केली होती. परंतु प्रशासनाने शेतकऱ्यांच्या तक्रारीची दखल घेतली 
नाही. 

चोपडा, जळगाव बाजार समितीत काही अडतदार एकी करून एकच दर लिलावात जाहीर करीत आहेत. तर काही अडतदार लिलावात सहभागीच होत नाहीत. आम्हाला लिलावात येण्याची गरज नाही, अशी अरेरावी देखील अडतदार, खरेदीदार करतात. त्यामुळे शेतकऱ्यांची कोंडी झाली आहे. आवक वाढत आहे. कोरोनाचे संकटही आहे, अशा स्थितीत शेतकऱ्यांना दुहेरी फटका बसत आहे. यावर जिल्हा उपनिबंधक, प्रशासनाने अडतदार, शेतकरी यांची बैठक घेऊन तोडगा काढावा, अशी मागणी शेतकरी करीत आहेत. अन्यथा या मुद्द्यावरून चोपडा, अमळनेर व जळगावात संतप्त शेतकऱ्यांचा उद्रेक होऊ शकतो, असा इशारा देखील देण्यात आला आहे.


इतर ताज्या घडामोडी
खरीप हंगामाच्या तोंडावर ...यवतमाळ : गेल्या दशकात जिल्ह्यातील शेतकरी कधी...
अमरावतीत शासकीय दूध योजनेच्या संकलनात ...अमरावती : कोरोनामुळे हॉटेल आणि दुग्धजन्य पदार्थ...
‘आंबेओहोळ’ची घळभरणी अंतिम टप्यात उत्तूर, जि. कोल्हापूर : आरदाळ-उत्तूर (ता. आजरा)...
म्हैसाळ योजनेतून सांगोल्यासाठी पाणी...सांगोला, जि. सोलापूर : सांगोला वितरिका क्रमांक...
सहा कारखान्यांनी उरकले गाळप; ९७ लाख ३८... सातारा : जिल्ह्यातील साखर हंगाम अंतिम टप्प्यात...
खरिपासाठी नगरमध्ये साडेसहा लाख हेक्टर...पुणे नगर : नगर जिल्ह्यात यंदा खरिपासाठी यंदा ६...
परभणीतील शेतकऱ्यांना ८३ कोटींचा विमा...परभणी : पंतप्रधान पीकविमा योजनेअंतर्गंत सन...
ग्रामसभा करणार तेंदुपत्याची विक्री गडचिरोली : पेसा (पंचायत एक्स्टेंशन टू शेडूल...
ग्रामीण रुग्णांसाठी जिल्हा परिषद...सोलापूर ः जिल्ह्याच्या ग्रामीण भागामध्ये कोरोनाचा...
कृषी पणन मंडळाकडून आॅनालाइन आंबा...पुणे ः कोरोना संकटातही आंबा उत्पादक शेतकऱ्यांच्या...
अखेर मोसंबी उत्पादकांना विमा परतावा...जालना : जिल्ह्यातील सहा हजारांवर मोसंबी...
राहीबाई पोपेरे यांची वनस्पती संरक्षण...नाशिक : भारत सरकारच्या कृषी व शेतकरी कल्याण...
डाळिंब अंबिया बहरातील कीड- रोग...डाळिंब बागेत विविध कीड-रोगांचा प्रादुर्भाव मोठ्या...
कोरोनाबाबत डाॅ. सिंग यांनी सूचवलेला...नांदेड : कोरोनाविरूद्ध लढण्यासाठी माजी पंतप्रधान...
कोरोना व्हॅक्सिनसाठी वयाची अट शिथिल...कोल्हापूर : भाजीपाला, दूध उत्पादक तसेच...
पुणे बाजार समितीत गर्दीला बसणार लगामपुणे : शहरात कोरोना संसर्गामुळे लावण्यात आलेल्या...
गोसीखुर्द धरणाच्या पाण्याचे ...चंद्रपूर : प्रकल्पाच्या पाणलोट क्षेत्रात झालेल्या...
पुणे जिल्ह्यातील धरणांत ७८ टीएमसी...पुणे : गेल्या दीड महिन्यापासून उन्हाच्या झळा...
कोट्यवधींच्या कर्जवसुलीसाठी स्थापन...नांदेड : जिल्हा मध्यवर्ती बँकेची आर्थिक परिस्थिती...
पालखेडच्या आवर्तनाने शेतीसह पिण्याच्या...येवला, जि. नाशिक : पालखेड डाव्या कालव्यातून...