agriculture news in marathi MGNREGA provide work to 75,000 workers in lockdown in Nashik division | Agrowon

नाशिक विभागात 'मनरेगा'कडून ७५ हजार मजूरांना रोजगार

टीम अॅग्रोवन
रविवार, 24 मे 2020

नाशिक विभागात वैयक्तिक स्वरुपाची ११,९७४ कामे सुरू आहेत. ४९ हजारावर मजूर कामावर आहेत. तर, सार्वजनिक स्वरुपाची १,१७७ कामे सुरू आहेत. तेथे सुमारे २७ हजार मजूर कामावर आहेत. कोरोनासारख्या संकटाच्या काळात अनेकांचे रोजगार गेले असताना ग्रामीण भागासाठी ही योजना उपयुक्त ठरत आहे. 
- डॉ. अर्जुन चिखले, उपायुक्त, रोजगार हमी योजना 

नाशिक : लॉकडाउनमुळे रोजगाराचा मोठा फटका सर्वत्र बसला आहे. प्रामुख्याने ग्रामीण भागात रोजगाराची स्थिती गंभीर आहे. मात्र, नाशिक विभागातील नागरिकांना महात्मा गांधी राष्ट्रीय ग्रामीण रोजगार हमी योजनेद्वारे ७५ हजार ९९७ मजूरांना रोजगार मिळाला आहे. या अडचणीच्या काळातही ग्रामीण भागात अनेक हात कामाला लागले आहेत. 

नाशिक विभागात ‘मनरेगा’अंतर्गत शेल्फवर ९८ हजार ८५१ कामे ठेवण्यात आली. १ लाखापेक्षा अधिक अपूर्ण कामे उपलब्ध आहेत. जॉबकार्ड असलेल्या व्यक्तीने कामाची मागणी करताच, त्याला रोजगार उपलब्ध करून देण्याची तयारी प्रशासनाने केली आहे. विभागातील एकूण ५,०७७ पैकी २,६०३ ग्रामपंचायतीमध्ये कामे सुरू करण्यात आली आहेत. शारीरिक अंतर ठेवण्यासह मास्क, रुमाल बांधून योग्य ती खबरदारी घेऊन सुरू आहे. मागील वर्षाच्या तुलनेत कामावरील मजूर वाढल्याची माहिती सूत्रांनी दिली. 

मुख्यमंत्री उद्धव ठाकरे यांनी ‘मनरेगा’द्वारे ग्रामीण भागातील नागरिकांना रोजगार देण्याचे निर्देश दिले आहेत. त्यानुसार विभागीय आयुक्त राजाराम माने, विभागाचे उपायुक्त डॉ. अर्जुन चिखले यांच्याकडून विभागात जलसंधारण व गाळ काढण्याची अधिकाधीक कामे हाती घेण्याचे प्रयत्न सुरू आहेत. मजूरांना एका दिवसासाठी २३८ रुपये मजूरी देण्यात येते. जिल्ह्यात मस्टर संपल्यानंतर आठ दिवसाच्या आत १०० टक्के मजूरांच्या खात्यावर मजूरीची रक्कम थेट जमा करण्यात येते. त्यामुळे ग्रामीण भागातील नागरिकांकडून या योजनेला चांगला प्रतिसाद मिळतो आहे. 

ही आहेत कामे... 

सीसीटी, वनतळे, गाळ काढणे, रस्ते, घरकूल, मजगी, सलग समतल चर, दगडी बांध, माती बांध, रोपवाटिका, फळबाग लागवड, वनीकरण अशी कामे योजनेअंतर्गत आहेत. ग्रामविकास होण्यासह अनेक ठिकाणी सुरू असलेल्या गाळ काढण्याच्या कामामुळे पाणी साठवण क्षमता वाढणार आहे. 

जिल्हानिहाय मजूर स्थिती

जिल्हा सहभागी मजूर
नगर १०,३१० 
धुळे ११,०८० 
जळगाव ५,४४१ 
नाशिक २०,३४४
नंदुरबार २८,८०० 

 


इतर बातम्या
राज्यात नवे २४८७ रुग्ण; सध्या ३४,४८०...मुंबई : राज्यात आज दिवसभरात २४८७ नवीन रुग्णांचे...
राज्य सरकारचे ‘पुनश्‍च हरीओम्’ :...मुंबई : कोरोनाच्या साथीचा प्रादुर्भाव रोखण्यासाठी...
शैक्षणिक वर्ष जूनपासूनच : मुख्यमंत्री...मुंबई : ‘‘शिक्षण हे जीवनावश्यक आहे ते...
अंतिम वर्षाची परीक्षा नाही :...मुंबई : सध्याच्या परिस्थितीत विद्यापीठाच्या...
टोळधाडबाधितांना मदत देणार : पंतप्रधान...नवी दिल्ली : देशातील अनेक भागांत टोळधाडीचे संकट...
पीकविम्याचे कामकाज या महिन्यातपुणे: राज्यातील शेतकऱ्यांना प्रधानमंत्री पीकविमा...
प्रतिबंधित क्षेत्राबाहेरील यंत्रमाग...मालेगाव, जि. नाशिक : ‘‘लॉकडाऊनमुळे यंत्रमागाची...
गोंधळी शिवारात ६२ हजारांचा एचटीबीटी...यवतमाळ ः कृषी विभागाच्या पथकाने अमरावती, यवतमाळ...
लोकांना पूर धोक्‍याची जाणीव करुन द्या ः...भंडारा ः वैनगंगा नदी तसेच इतर नदीकाठावरील खोलगट...
परवानगी नसलेल्या एचटीबीटी बियाण्यांचा...अमरावती ः घरपोच बियाणे वाटपाच्या माध्यमातून...
टोळधाड प्रादुर्भावग्रस्त क्षेत्राला...भंडारा ः भंडारा जिल्ह्यातील टोळधाड...
विदर्भ राज्य आंदोलन समितीचे ७ जूनला...अकोला ः कोरोनामुळे उद्योगधंदे, व्यापार, शेती,...
नांदेड जिल्ह्यात पाच हजारावर...नांदेड : किमान आधारभूत किंमत खरेदी योजनेअंतर्गंत...
शेतकऱ्यांनी डिजिटल व्यासपीठाचा वापर...पुणे ः कोरोनामुळे शेतीक्षेत्राचे चित्र बदलणार आहे...
‘सोयाबीन लागवड तंत्रज्ञान व प्रक्रिये’...परभणी : वसंतराव नाईक मराठवाडा कृषी विद्यापीठातील...
नांदेडमधील कापूस संशोधन केंद्रात...नांदेड : वसंतराव नाईक मराठवाडा कृषी...
नगर अर्बन बॅंकेला चाळीस लाखांचा दंडनगर : नगर अर्बन को-ऑपरेटिव्ह बॅंकेला रिझर्व्ह...
‘कुकडी’चे उन्हाळी आवर्तन सहा जूनला...नगर : ‘कुकडी’च्या उन्हाळी आवर्तनासाठी पुणे येथे...
दुग्ध व्यवसायाने घराला आधारशेतीपूरक व्यवसायामध्ये दुग्ध व्यवसाय पूर्वीपासूनच...
दोन वाहनांतील कापूस घेण्याचे आदेश द्या...परभणी : भारतीय कापूस महामंडळाच्या (सीसीआय) मानवत...