म्हैसाळची विस्तारित योजना पूर्ण करणार : फडणवीस

म्हैसाळची विस्तारित योजना पूर्ण करणार : फडणवीस
म्हैसाळची विस्तारित योजना पूर्ण करणार : फडणवीस

जत, जि. सांगली : ‘‘जत तालुक्याच्या पूर्व भागाला वरदान ठरणारी म्हैसाळची विस्तारित योजना पूर्ण करून दुष्काळी भागाला पाणी देण्यास कटिबद्ध आहे‘‘, अशी ग्वाही मुख्यमंत्री देवेंद्र फडणवीस यांनी दिली. शंभर वर्षाच्या काँग्रेसची जिल्ह्यात कुठेही शाखा नाही, अशी अवस्था झाली आहे. ज्यांना डाकू, लुटेरे म्हटले त्यांच्या मांडीला मांडी लावून बसण्यात कसला आला स्वाभिमान?, अशी खरमरीत टीका मुख्यमंत्री देवेंद्र फडणवीस यांनी केली.

सांगली लोकसभा मतदार संघातील भाजपचे उमेदवार संजय पाटील यांच्या प्रचारासाठी फडणवीस यांची संख (ता. जत) येथे बुधवारी (ता १७) सभा झाली. यावेळी खासदार संजय पाटील, पृथ्वीराज देशमुख, आमदार विलासराव जगताप, सुनील पवार, तमनगौडा पाटील, रवींद्र आरळी, श्रीपाद अष्टेकर, शिवाजीराव ताड, अजित पाटील, संजय कांबळे, आर. के. पाटील, सरदार पाटील, कविता खोत, रेखा बागेळी, मनोज जगताप, आदी उपस्थित होते.

फडणवीस म्हणाले, ‘‘जिल्ह्याचे नाव राज्यात पोहचविण्याचे काम वसंतदादा यांनी केले. त्याच्या कामाची पद्धत अनोखी होती. त्याच्या जन्मशताब्दी निमित्त कॉंग्रेसने एक ही कार्यक्रम केला नाही. त्यांच्या वारसांनी देखील काही केले नाही. वसंतदादा यांच्या जन्मशताब्दीचा कार्यक्रम आम्ही केला. त्यांच्या वारसांनी सोईची भूमिका घेतली.‘‘

‘‘म्हैसाळ योजनेतून जत तालुक्यातील पश्चिम भाग ओलिताखाली आला आहे. आता पूर्व भाग लवकर ओलिताखाली येईल.जिल्ह्याने आम्हाला भरभरून दिले. आता आशीर्वाद हवा आहे. गल्लीची निवडणूक नाही ही देशाची निवडणूक आहे. गेल्या पंधरा वर्षात आघाडीच्या सरकारने सिंचनासाठी एका रुपयाचा निधी दिला नाही. त्यामुळे टेंभू ताकारी म्हैसाळ उपसा सिंचन योजना अपूर्ण राहिल्या. या योजना पूर्ण करण्यासाठी बळीराजा सिंचन योजना आणि प्रधान मंत्री सूक्ष्म योजनाअंतर्गत पूर्ण केल्या. त्यामुळे योजना पूर्णत्वाकडे गेल्या आहेत. आघाडी सरकारने प्रस्थापिताना विस्थापित केले. आमचे सरकार आल्यानंतर विस्थापिताना प्रस्तापित केले,‘‘ असेही फडणवीस यांनी सांगितले.

जत तालुक्यातील मतदारांनी गेल्या निवडणुकीत संजय पाटील यांना जिल्ह्यातून मताधिक्य दिले. यावेळीसुद्धा संजय पाटील यांना गेल्या निवडणुकीपेक्षा अधिक मताधिक्य मिळे, असा विश्‍वासही त्यांनी व्यक्त केला. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com