agriculture news in Marathi micro food industry scheme stopped Maharashtra | Page 3 ||| Agrowon

सूक्ष्म अन्न उद्योग उन्नयन योजनेला गती मिळेना 

टीम अॅग्रोवन
शुक्रवार, 18 जून 2021

पंतप्रधान सूक्ष्म अन्न उद्योग उन्नयन योजना (पीएमएफएमइ) देशभर लागू केल्याची घोषणा झाली खरी; मात्र योजनेचे काम संथ गतीने सुरू असल्याने केंद्राने बॅंकांचे कान उपटले आहेत.

पुणे ः पंतप्रधान सूक्ष्म अन्न उद्योग उन्नयन योजना (पीएमएफएमइ) देशभर लागू केल्याची घोषणा झाली खरी; मात्र योजनेचे काम संथ गतीने सुरू असल्याने केंद्राने बॅंकांचे कान उपटले आहेत. योजनेकरिता केवळ अर्जांची संख्या वाढवू नका तर त्याचा योग्य निपटाराही करा, अशा सूचना बॅंकांना देण्यात आल्या आहेत. 

आत्मनिर्भर भारत पॅकेजच्या अंतर्गत जाहीर झालेल्या या योजनेतून राज्यातील २० हजार उद्योगांचे सक्षमीकरण केले जाणार आहे. २०२१ ते २५ अशी पाच वर्षे ही योजना राबविली जात आहे. यातून राज्यातील पात्र सूक्ष्म उद्योगांना प्रकल्प खर्चाच्या ३५ टक्क्यांपर्यंत किंवा दहा लाखापर्यंत अनुदान मिळणार आहे. 

कृषी विभागाच्या सूत्रांनी दिलेल्या माहितीनुसार, ही योजना पूर्णतः बॅंक कर्जाशी निगडित आहे. राज्यातून किमान २२ हजार प्रस्ताव मंजूर होऊ शकतात. केंद्राने तशी मान्यतादेखील दिली आहे. मात्र बॅंकांचा कारभार सुस्त असल्याने तत्काळ कर्ज होत नसल्याने योजनेतील अनुदानाचा लाभ मिळण्यात अडचणी येत आहेत. कृषी विभागाने यापूर्वीच बॅंकांना ही बाब निदर्शनास आणून दिली आहे. दुसऱ्या बाजूला केंद्रीय अन्न प्रक्रिया उद्योग मंत्रालयाने बॅंकांना पत्र पाठवून या योजनेला गती देण्याच्या सूचना केल्या आहेत. 

‘‘ही योजना वैयक्तिक लाभार्थ्यांसाठी आहेच; पण गट, शेतकरी उत्पादक कंपन्या किंवा संस्था तसेच स्वयंसाह्यता गटांनाही लागू आहे. ३५ टक्के अनुदान केंद्र देणार आहे. प्रकल्प खर्चाच्या ५५ टक्के रक्कम बॅंकांनी कर्ज म्हणून देणे अपेक्षित आहे. या योजनेकरिता पोर्टलवर अर्जदेखील येत आहेत. बॅंकांना कर्जविषयक प्रस्तावांची छाननी करण्यासाठी लॉगइन आयडी देखील देण्यात आलेले आहेत. त्यामुळे जिल्हा अग्रणी बॅंक व्यवस्थापकांच्या मदतीने केवळ अर्जांची संख्याच वाढविणे नव्हे तर त्याचा निपटारा देखील करायला हवा,’’ असे केंद्रीय मंत्रालयाने बॅंकांना कळविले आहे. 

केंद्राने चालू वर्षात किमान ५ हजार वैयक्तिक उद्योजकांना या योजनेचा लाभ देण्याचे उद्दिष्ट ठेवले आहे. तसेच पुढील वर्षात हेच उद्दिष्ट ४० हजारांच्या पुढे नेण्याचे ठरविले. मात्र बॅंकांनी मदत केली तरच ही योजना तग धरेल. अन्यथा, इतर योजनांसारखीच गत ‘पीएमएफएमइ’ची होईल, असे सूत्रांचे म्हणणे आहे. 

पार्श्‍वभूमी तपासूनच कर्जपुरवठा 
बॅंकांच्या म्हणण्यानुसार, केवळ उद्दिष्ट पूर्ण करण्यासाठी सरसकट कर्ज मंजुरीचे धोरण ठेवता येणार नाही. ही योजना मुळात कृषी प्रकल्पांशी निगडित आहे. कृषी प्रकल्पांना दिलेली भांडवली स्वरूपाची कर्जे कोणत्याही क्षणी अनुत्पादक (एनपीए) होण्याचा धोका असतो. त्यामुळे आम्हाला पार्श्‍वभूमी तपासूनच प्रस्ताव हातावेगळे करावे लागत आहेत. मुळात या योजनेबाबत कृषी खात्याने हव्या त्या प्रमाणात प्रसार-प्रचार केलेला नाही. त्यामुळे शेतकऱ्यांच्या संस्था व गटांकडून प्रस्ताव येण्याचे प्रमाण कमी आहे.  


इतर अॅग्रो विशेष
पूर परिस्थितीवर मात करण्यासाठी यापुढे...कोल्हापूर : सातत्याने निर्माण होणाऱ्या पूर...
दोष पीकविमा कंपन्यांचा, रोष आमच्यावर;...पुणे ः पीकविमा योजनेचे कंत्राट मिळवलेल्या खासगी...
दिवेकर, ताटेंसह १४ कृषी उपसंचालकांच्या...पुणे ः राज्याच्या कृषी आयुक्तालयातील ठिबक कक्षाचे...
मध्य महाराष्ट्र, कोकण, घाटमाथ्यावर हलका...पुणे : राज्यातील धरणक्षेत्रात पावसाचा जोर कमी...
पीकविमा तक्रार निवारण व्यवस्थेचे तीन...पुणे ः पंतप्रधान पीकविमा योजनेबाबत समस्या किंवा...
यवतमाळ जिल्ह्यात वाघांची संख्या वीस यवतमाळ : वनसंपदेने नटलेल्या यवतमाळ जिल्ह्यात...
बावीस जिल्ह्यांत उभारणार तेलघाणे नागपूर ः विदर्भात तेलबियावर्गीय पिकांना...
सोयाबीन पिकाची किडीकडून चाळणआर्णी, जि. यवतमाळ : तालुक्यातील लोणी येथील...
‘आयटी’ मित्रांची शेती व्यवस्थापन कंपनीतुमची शेती आमच्यावर सोपवा, आम्ही आधुनिक...
लवांडे यांनी उभारली चारा पिकांची...फत्तेपूर (जि.. नगर) येथील अल्पभूधारक सोमेश्वर...
‘एफपीओं’ना बनवा अधिक कार्यक्षमशेतीसाठीच्या सध्याच्या अत्यंत प्रतिकूल अशा...
विदर्भ, कोकण, मध्य महाराष्ट्रात हलक्या...पुणे : बंगालच्या उपसागरातील कमी दाब क्षेत्रामुळे...
नुकसानीच्या दोन लाखांहून अधिक सूचना...पुणे ः राज्यभर कृषी विभागाच्या कार्यालयांमध्ये...
विमा कंपन्यांच्या नफेखोरीला सरकारी...पुणे ः पंतप्रधान पीकविमा योजनेचा कारभार गेल्या...
राज्यात हलका, मध्यम पावसाची हजेरी पुणे : गेल्या पाच ते सहा दिवसांपासून पावसाने...
महाराष्ट्र सेंद्रिय प्रमाणीकरण यंत्रणा...मुंबई : महाराष्ट्र सेंद्रिय प्रमाणीकरण यंत्रणेची...
केबल शेडनेटला आता अनुदान पुणे ः राज्याच्या संरक्षित शेतीला चालना...
शेळीपालनापाठोपाठ घरालाही दिले ‘ॲग्रोवन...औरंगाबाद : शेतकऱ्याचं ‘ॲग्रोवन’वरचं प्रेम पुन्हा...
शेतकरी कंपन्यांसाठी २०० कॉपशॉप साकारणार पुणे : राज्यातील शेतकरी उत्पादक कंपन्यांना...
एकोप्याच्या बळावर बदलले वडगाव गुप्ताचे...दुष्काळाशी संघर्ष करणाऱ्या वडगाव गुप्ता (ता. जि....