Agriculture news in marathi Milk collection in bulldozers, Changes in delivery time | Agrowon

बुलडाण्यात दूध संकलन, वितरणाच्या वेळेत बदल

टीम अॅग्रोवन
गुरुवार, 22 एप्रिल 2021

कोरोना प्रादुर्भाव कमी करण्यासाठी शासनाकडून सातत्याने नवनवीन निर्बंध घातले जात आहेत. नव्या नियमावलीत दूध उत्पादकांसाठी अयोग्य वेळा दिल्याने त्या बदलण्याची स्वाभिमानी शेतकरी संघटनेने जिल्हाधिकाऱ्यांकडे विनंती केली.

बुलडाणा ः कोरोना प्रादुर्भाव कमी करण्यासाठी शासनाकडून सातत्याने नवनवीन निर्बंध घातले जात आहेत. नव्या नियमावलीत दूध उत्पादकांसाठी अयोग्य वेळा दिल्याने त्या बदलण्याची स्वाभिमानी शेतकरी संघटनेने जिल्हाधिकाऱ्यांकडे विनंती केली.

त्यानंतर नियमात बदल करून वेळा बदलून देण्यात आल्या आहेत.
शासनाच्या आदेशानुसार जिल्हाधिकाऱ्यांनी सकाळी ७ ते ११ या वेळेतच दूध संकलन आणि वितरणास परवानगी दिल्याने दूध उत्पादक शेतकरी व दूध डेअरी संचालकांचे मोठे आर्थिक नुकसान होणार होते. हा अन्यायकारक आदेश रद्द करावा, अशी मागणी बुधवारी (ता. २१) स्वाभिमानी शेतकरी संघटनेचे नेते रविकांत तुपकर यांच्याकडे शेतकऱ्यांनी केली.

तुपकर यांनी तातडीने जिल्हाधिकारी एस. रामामूर्ती यांच्याशी चर्चा केली तसेच निवासी उपजिल्हाधिकारी भूषण अहिरे यांची भेट घेऊन सविस्तर चर्चा केली. ही परिस्थिती अशीच राहिल्यास दूध उत्पादकांचे कंबरडे मोडेल, शिवाय रुग्ण, महिला, मुले व वृद्धांना यांनाही पोषक दुधाला मुकावे लागेल, ही बाब लक्षात आणून दिली. सायंकाळी दूध वितरणास परवानगी देण्याची मागणी रेटून धरली.

दरम्यान, जिल्हाधिकाऱ्यांनी तातडीने २० एप्रिलच्या आदेशात बदल करीत जिल्ह्यातील दूध संकलन व वितरण केंद्र (दूध डेअरी) सायंकाळीदेखील ६ ते रात्री ८ या वेळेत सुरू ठेवण्यास परवानगी दिली. सकाळी ७ ते ११ या वेळेनंतर आता सायंकाळी आणखी दोन तास मुभा देण्यात आली आहे. खेरीज घरपोच दूध वाटपाकरिता सकाळी ७ ते रात्री ८ वाजेपर्यंत सवलत राहणार आहे.

  वेळेत बदल करणारा पहिला जिल्हा
सुधारित आदेश काढणारा बुलडाणा राज्यात पहिला ठरला आहे. दुधाबाबत आदेशात सुधारणा करण्याकरिता तुपकर यांनी मुख्यमंत्री उद्धव ठाकरे व उपमुख्यमंत्री अजित पवार यांच्याकडे पत्रव्यवहार केला आहे. तसेच राष्ट्रवादीचे प्रदेशाध्यक्ष जयंत पाटील यांच्याशी यासंदर्भात भ्रमणध्वनीद्वारे चर्चा केली.

  दूधाबाबतच्या आदेशात बुलडाण्यात पहिल्यांदाच सुधारणा
राज्य शासनाने जीवनावश्यक सेवेतील दुकानांना सकाळी ७ ते ११ वाजेपर्यंतच परवानगी दिली आहे. त्यामध्ये दूध संकलन व वितरणाचाही समावेश होता. मात्र, तुपकर यांनी या नुकसानकारक निर्णयात बदल करण्याची मागणी रेटून धरली. अखेर प्रशासनाला शासनाच्या आदेशात सुधारणा करावी लागली.


इतर बातम्या
विदर्भात पूर्वमोसमीचा जोर वाढणार पुणे : हिंद महासागराचा परिसर आणि अरबी समुद्राचा...
कांदाकोंडी टाळणेच योग्य पुणेः कोरोना संसर्ग रोखण्यासाठी नाशिक जिल्ह्यात...
मंत्री साहेब, कोटींच नुकसान होईल हो ! नाशिक: जिल्ह्याचे पालकमंत्री छगन भुजबळ यांनी...
साखर निर्यातीचा यंदा विक्रम? कोल्हापूर: साखर निर्यातीची गती पाहता यंदा...
कृषी निविष्ठा केंद्रे सुरू ठेवण्याचा...सांगली ः जिल्ह्यात १५ मे नंतर लॉकडाउन संपल्यानंतर...
नगर जिल्हा बॅंकेकडून मुख्यमंत्री...नगर ः कोरोना संकटाच्या सामन्यासाठी मदत म्हणून नगर...
बुलडाण्यात शेतकऱ्यांना पेट्रोल, डिझेल...बुलडाणा ः कोरोना संसर्गाची साखळी मोडून...
पारनेर बाजार समितीत कांदा खरेदी-विक्री...नगर ः कोरोनाची साखळी तोडण्यासाठी पारनेर कृषी...
कृषी निविष्ठा विक्रेत्यांच्या...पुणे ः राज्यातील कृषी निविष्ठा विक्रेत्यांच्या...
पूर्व विदर्भात ४५ लाख क्विंटल धान खराब...गोंदिया : भात उत्पादक पूर्व विदर्भातील पाच...
समूह सहायक, कृषी सहायकांनी पोकराच्या...अकोला : नानाजी देशमुख कृषी संजिवनी प्रकल्पात निवड...
`किमतीची शहानिशा करूनच रासायनिक खते...औरंगाबाद : ‘‘शेतकऱ्यांनी बॅगवरील किमतीची शहानिशा...
जळगावात वितरकांकडे कापूस बियाणे दाखल जळगाव ः जिल्ह्यात खरिपासंबंधी शेतकरी जशी उमेदीने...
साखर संघातर्फे मुख्यमंत्री सहायता निधीस...कोल्हापूर : महाराष्ट्र राज्य सहकारी साखर कारखाना...
खानदेशात कांद्याच्या दरात सुधारणाजळगाव ः खानदेशात कांद्याच्या दरात सुधारणा होत आहे...
कांदा बियाणे मळणीला खानदेशात आला वेगजळगाव ः खानदेशात कांदा बियाणे मळणी सुरू आहे. मळणी...
नांदेड जिल्ह्यात वीज पडून तिघांचा मृत्यूनांदेड : जिल्ह्यात पूर्व मोसमी पावसाने मागील काही...
एकाच अर्जाद्वारे शेतकऱ्यांना अनेक...सोलापूर : शेतकऱ्यांना सर्व योजनांचा लाभ एकाच...
हळदीच्या मुल्यसाखळीचा अभ्यास करावा ः...हिंगोली ः ‘‘शेतकऱ्यांनी हळद पिकाच्या मुल्यसाखळीचा...
नाशिकमध्ये पूर्वमोसमी पावसाचा ४५९...नाशिक : जिल्ह्याच्या विविध भागात एप्रिल...