agriculture news in marathi, milk collection stop, nagar, maharashtra | Agrowon

नगर जिल्ह्यात दूध संकलन बंद

टीम अॅग्रोवन
मंगळवार, 17 जुलै 2018

नगर  : दूध दरप्रश्नी स्वाभिमानी शेतकरी संघटनेतर्फे पुकारण्यात अालेल्या अांदोलनाला नगर जिल्ह्यामध्ये चांगला प्रतिसाद मिळाला. जिल्हाभरात असलेल्या सहकारी अाणि खासगी दूध संकलन केंद्रावर सोमवारी (ता. १६) दूध संकलन बंद होते. जिल्हाभरात दर दिवसाला साधारण २४ लाख लिटर दूध संकलन होते. सोमवारी मात्र सुमारे दोन लाख लिटरही दूध संकलन झाले नाही.

दरम्यान, पोलिसांनी जिल्हाभरातील `स्वाभिमानी` सह विविध संघटनांच्या ३५ कार्यकर्त्यांना अटक केली. स्वाभिमानी शेतकरी संघटना, किसान महासभेसह दूध आंदोलनाला पाठिंबा देणाऱ्या ३५० कार्यकर्त्यांना पोलिसांनी नोटिसा दिल्या.

नगर  : दूध दरप्रश्नी स्वाभिमानी शेतकरी संघटनेतर्फे पुकारण्यात अालेल्या अांदोलनाला नगर जिल्ह्यामध्ये चांगला प्रतिसाद मिळाला. जिल्हाभरात असलेल्या सहकारी अाणि खासगी दूध संकलन केंद्रावर सोमवारी (ता. १६) दूध संकलन बंद होते. जिल्हाभरात दर दिवसाला साधारण २४ लाख लिटर दूध संकलन होते. सोमवारी मात्र सुमारे दोन लाख लिटरही दूध संकलन झाले नाही.

दरम्यान, पोलिसांनी जिल्हाभरातील `स्वाभिमानी` सह विविध संघटनांच्या ३५ कार्यकर्त्यांना अटक केली. स्वाभिमानी शेतकरी संघटना, किसान महासभेसह दूध आंदोलनाला पाठिंबा देणाऱ्या ३५० कार्यकर्त्यांना पोलिसांनी नोटिसा दिल्या.

दुधाला २७ रुपये प्रतिलिटर दर मिळावा किंवा प्रतिलिटर पाच रुपये अनुदान शेतकऱ्यांच्या खात्यावर जमा करावे, या मागणीसाठी स्वाभिमानी शेतकरी संघटनेने सोमवारपासून आंदोलन पुकारले आहे. त्याला जिल्हाभरातील शेतकरी, कार्यकर्त्यांनी प्रतिसाद दिला. जिल्ह्यामध्ये बारा सहकारी दूध संघाअंतर्गत ८७९ दूध संस्था अाहेत. शिवाय १४५ खासगी दूध संकलन केंद्रे आणि म.िल्टस्टेट दूध संघ अाहेत. या सर्वांमार्फत जिल्हाभरात २४ लाख लिटर दूध संकलन केले जाते. सोमवारी मात्र काही अपवाद वगळता सर्व ठिकाणी दूध संकलन बंद होते.

शेवगाव शहरात क्रांती चौकात ‘स्वाभिमानी’चे तालुकाध्यक्ष संतोष गायकवाड, दत्ता फुंदे, बाळासाहेब फटांगरे, भीमराज भडके, रमेश कुसळकर, मच्छिंद्र आरले यांनी मोफत दूध वाटले. तालुक्यातील निंबेनांदुर येथे सोमनाथ पावले, अजय बुधवंत, रमेश कुटे, भाऊसाहेब गर्जे, बाळासाहेब बडे यांनी रस्त्यावर दूध अोतून सरकारच्या भूमिकेचा निषेध केला.

राहुरी तालुक्यातील जोगेश्वरी अाखाडा येथे ग्रामदैवत जगदंबा देवीला अभिषेक कररून मराठा महासंघाचे शिवाजीराव डौले, प्रकाश भुजाडी, रोहिदास धनवडे, दादा सरोदे, अादिनाथ गुंजाळ, राजेंद्र येवले यांच्यासह शेतकऱ्यांनी सुमारे सात हजार लिटर दूध मोफत वाटले. भाळवणी (ता. पारनेर) येथील शेतकरी संदीप व्यवहारे यांनी दूध अोतून सरकारचे निषेध केला. वडगाव अामली येथे कल्याणकारी दूध संघटनेचे गुलाबराव डेरे यांच्यासह कार्यकर्त्यांनी ग्रामदैवतेला अभिषेक केला. दूध उत्पादनात कायम अग्रेसर असलेल्या देहेरे (ता. नगर) येथे एक लिटरही दूध संकलन झाले नाही. मानोली (ता. संमगनेर) येथेही कार्यकर्ते, शेतकऱ्यांनी ग्रामदेवतेला दुग्धाभिषेक केला. अनेक ठिकाणी लोकांना मोफत दूध वाटले गेले. जिल्ह्यामधील प्रमुख दूध संघांनी या आंदोलनाला पाठिंबा दिला अाहे.

स्वाभिमानी शेतकरी संघटनेच्या कार्यकर्त्यांनी रविवारी रात्रीच आंदोलनाला सुरवात केली. त्यानुसार जिल्हाध्यक्ष रवी मोरे, दिनेश वराळे, अरुण डौले, किशोर वराळे, गोविंद वारघुले अादींसह कार्यकर्त्यांनी शिर्डी येथे श्री साई बाबा मंदिरासमोर दुग्धाभिषेक करण्याचा प्रयत्न केल्याने त्यांना अटक करण्यात आली.

पाथर्डीचे तालुकाध्यक्ष शरद मरकड यांच्यासह अन्य दोन कार्यकर्त्यांना पोलीसांनी ताब्यात घेतले. जिल्हाभरात सुमारे ३५ कार्यकर्त्यांना अटक करण्यात आली अाहे. किसान सभेचे नेते डॉ. अजित नवले यांच्यासह दूध आंदोलनाला पाठिंबा देणाऱ्या ‘स्वाभिमानी’, किसान सभेसह अन्य संघटनेच्या कार्यकर्त्यांना पोलिसांनी आंदोलन करण्यास प्रतिबंध करत असल्याबाबतच्या नोटिसा दिल्या अाहेत.

जिल्हाभर दूध अांदोलन सुरू असून, दूध संकलन बंद अाहे. मात्र, जिल्ह्यामधील संगमनेर, नगर, पारनेर, नेवासे अादी भागांतील सुमारे २५ टॅंकर दूध पोलिस संरक्षणात मुंबई, पुण्याकडे नेल्याचा दावा पोलिस प्रशासनाने केला आहे. शेतकऱ्यांना गरज पडेल तेथे सक्षमपणे पोलिस संरक्षण दिले जाईल, असे प्रशासन अाणि पोलिस सांगत अाहेत.


इतर ताज्या घडामोडी
सांगा साहेब, खरीप कसा पेरू? शेतकऱ्याने...नाशिक : मागील खरिपाच्या हंगामात अतिवृष्टीची...
जैविक शेती मिशनद्वारे यूट्यूब चॅनलच्या...अमरावती ः कमी खर्चाच्या जैविक शेतीला प्रोत्साहन...
मका पिकाची हेक्टरी उत्पादकता वाढवा ः...बुलडाणा ः शासनाने यावर्षी पाऊस चांगला असताना...
समृद्धी महामार्गाच्या धुळीमुळे नुकसान...कारंजालाड, जि. वाशीम : समृद्धी महामार्गाच्या...
बुलडाण्यात पीकविमा बचत खात्यात जमा...बुलडाणा ः जिल्ह्यातील बऱ्याच शेतकऱ्यांचा पीकविमा...
म्हैसाळ योजनेतून तलाव भरून देण्याची...सांगली ः म्हैसाळ उपसा योजना सुरू होऊन महिन्याचा...
शेतकऱ्यांनो पीक कर्जासाठी ऑनलाइन मागणी...औरंगाबाद : ‘‘कोरोनाच्या पार्श्‍वभूमीवर होणाऱ्या...
जळगावात ज्वारी खरेदीसाठी स्वस्त धान्य...जळगाव : जिल्ह्यात भरडधान्याच्या साठवणुकीसाठी...
अमरावती : पीककर्जाच्या व्याज माफीचा...अमरावती ः महात्मा जोतिराव फुले शेतकरी कर्जमुक्‍ती...
केंद्राच्या शेतकरीविरोधी धोरणांच्या...नाशिक : केंद्र सरकारने लॉकडाऊन जाहीर केल्यानंतर...
जालना जिल्ह्यात नोंदणीकृत शेतकऱ्यांकडील...जालना : जिल्ह्यातील विविध बाजार समितींकडे...
परभणीत उद्या मध्यरात्रीपर्यंत संचारबंदी परभणी  ः कोरोनाचा प्रादुर्भाव रोखण्यासाठी...
‘कोरोना’च्या पार्श्‍वभूमीवर हिवरेबाजार...नगर  : हिवरेबाजार येथील कोरोना ग्रामसुरक्षा...
नगर जिल्ह्यात ‘रोहयो’ची अडीच हजार कामे...नगर  ः मागेल त्याला काम देण्यासाठी...
पिकांचे अवशेष, ऊस पाचटाचे व्यवस्थापन... नगर  : कोरडवाहू शेतीत तीन वर्षांतून...
नांदेडचा फलोत्पादनाचा ८ कोटी ४२...नांदेड : एकात्मिक फलोत्पादन अभियानअंतर्गंत...
परभणी जिल्ह्यात पावणे तीन कोटींचा निधी...परभणी : वसुंधरा पाणलोट क्षेत्र विकास...
घाटंजीत ४३ हजार हेक्‍टरवर कापूस...यवतमाळ ः घाटंजी तालुका कृषी विभागाने यावर्षी...
वेल्ह्यात शासकीय दरात उपलब्ध होणार कृषी...पुणे  : ‘कोरोना’च्या पार्श्वभूमीवर सध्या...
‘कोरोना’ मुळे मुंबईच्या पाहुण्यांची... नगर  ः ‘कोरोना’चा प्रादुर्भाव वरचेवर...