agriculture news in marathi, milk collection stop, nagar, maharashtra | Agrowon

नगर जिल्ह्यात दुसऱ्या दिवशीही दूध संकलन बंद

टीम अॅग्रोवन
बुधवार, 18 जुलै 2018

नगर  : दूध दरप्रश्नी स्वाभिमानी शेतकरी संघटनेतर्फे सोमवारपासून (ता.१६) पुकारण्यात आलेल्या आंदोलनाला नगर जिल्ह्यामध्ये दुसऱ्या दिवशीही (मंगळवारी) चांगला प्रतिसाद मिळाला. मंगळवारी जवळपास सगळ्याच ठिकाणी दूध संकलन बंद होते. मात्र जिल्हा दुग्ध विकास अधिकाऱ्यांनी दिलेल्या माहितीनुसार जिल्ह्यात मंगळवारी तीन लाख लिटर दुधाचे संकलन झाले आहे.

नगर  : दूध दरप्रश्नी स्वाभिमानी शेतकरी संघटनेतर्फे सोमवारपासून (ता.१६) पुकारण्यात आलेल्या आंदोलनाला नगर जिल्ह्यामध्ये दुसऱ्या दिवशीही (मंगळवारी) चांगला प्रतिसाद मिळाला. मंगळवारी जवळपास सगळ्याच ठिकाणी दूध संकलन बंद होते. मात्र जिल्हा दुग्ध विकास अधिकाऱ्यांनी दिलेल्या माहितीनुसार जिल्ह्यात मंगळवारी तीन लाख लिटर दुधाचे संकलन झाले आहे.

दुधाला २७ रुपये प्रतिलिटर दर मिळावा किंवा प्रतिलिटर पाच रुपये अनुदान शेतकऱ्यांच्या खात्यावर जमा करावे, या मागणीसाठी स्वाभिमानी शेतकरी संघटनेने सोमवारपासून आंदोलन पुकारले आहे. त्याला जिल्हाभरातील शेतकरी,कार्यकर्त्यांनी प्रतिसाद दिला. शिवसेना व अन्य पक्ष, संघटनांच्या कार्यकर्त्यांनीही या आंदोलनाला पाठिंबा दिला आहे.

जिल्ह्यामध्ये बारा सहकारी दूध संघाअंतर्गत ८७९ दूध संस्था, १४५ खासगी दूध संकलन केंद्रे आणि मल्टिस्टेट दूध संघामार्फत जिल्हाभरात दर दिवसाला साधारण २४ लाख लिटर दूध संकलन केले जाते. मंगळवारी एखादा अपवाद वगळता सर्वच ठिकाणी दूध संकलन बंद होते.

मंगळवारी सकाळी संकलन केलेले दूध घेऊन वाहन जात असल्याची माहिती मिळताच स्वाभिमानी शेतकरी संघटनेच्या कार्यकर्त्यांनी नगर- औरंगाबाद रस्त्यावरील इमामपुर घाटात ते वाहन अडवून त्यातील दूध रस्त्यावर ओतून दिले आणि कार्यकर्ते पसार झाले. श्रीगोंदा येथे काँग्रेस पक्षातर्फे दूध दरासह विविध मागण्यांसाठी आंदोलन करण्यात आले.

नगर तालुक्‍यातील देहेरे हे दूध उत्पादनात आघाडीवर असलेले गाव आहे. या गावांत दर दिवसाला साधारण बारा हजार लिटर दूध संकलित केले जाते. मात्र, दुधाला दर मिळत नसल्याने शेतकरी त्रस्त आहेत. त्यामुळे साऱ्या गावानेच आंदोलनात सहभाग घेतला. दूध संकलन केंद्र चालकांनीही त्याला पाठिंबा दिला. त्यामुळे मंगळवारीदेखील देहऱ्यात दूध संकलन बंद होते, असे संकलन केंद्र चालक विजय लांडगे यांनी सांगितले.

सरकारमध्ये मागच्या दाराने आलेल्या दुग्धविकास मंत्री महादेव जानकर व कृषी राज्यमंत्री सदाभाऊ खोत शेतकरी आणि आंदोलकावर दडपशाही करत आहेत. पोलिस आमच्या पाळतीवर असून फोनवरील बोलणे टॅप करत आहेत. कार्यकर्त्यांच्या घरी जाऊन कुटुंबाला त्रास देण्याचेही काम चालू आहे. आम्ही हक्क मागत असताना गुन्हेगाराप्रमाणे वागणूक देत असून आंदोलन मोडण्यासाठी बळाचा वापर करण्याचा सरकारचा प्रयत्न आहे, असा आरोप शेतकरी संघटनेचे जिल्हाध्यक्ष रवींद्र मोरे यांनी केला. काही झाले तरी मागण्या मान्य होईपर्यंत दूध जाऊ देणार नाही, असे त्यांनी सांगितले.  

स्वाभीमानी शेतकरी संघटनेने पुकारलेल्या दूध आंदोलनाला नगर जिल्ह्यामध्ये मोठा प्रतिसाद मिळत आहे. त्यामुळे प्रशासनाचा नाईलाज झाला आहे. ‘स्वाभिमानी’सह आंदोलनाला पाठिंबा देणाऱ्यांची पोलिस वेगवेगळ्या कारणाने धरपकड करत आहेत. मात्र अटकेची तसेच अन्य माहिती दिली जात नाही.

जिल्हा दुग्ध विकास अधिकारी व्ही. एन. नारखेडे म्हणाले, की मंगळवारी अनेक भागात दूध संकलन सुरू झाले आहे. सोमवारी सकाळी जेथे केंद्रे सुरू झाली नाही ती संध्याकाळी सुरू होती. आजपर्यंत (बुधवार) अनेक भागातील संकलन केंद्रे सुरू होतील. मंगळवारी दिवसभरात २४ लाखांपैकी तीन लाख लिटरच्या जवळपास दूध संकलन झाले आहे.


इतर ताज्या घडामोडी
सोलापूर जिल्ह्यात मराठा आरक्षणासाठी...सोलापूर  : मराठा समाजाला आरक्षण...
मुक्त विद्यापीठात कृषीविषयक अभ्यासक्रम...नाशिक : ‘‘यशवंतराव चव्हाण महाराष्ट्र मुक्त...
सोलापूर जिल्ह्यात दहा हजार हेक्‍टरवर...सोलापूर : जिल्ह्यात गेल्या तीन-चार दिवसांपासून...
सोलापूर जिल्हा बॅंक देणार अल्प मुदतीचे...सोलापूर : सोलापूर जिल्हा मध्यवर्ती सहकारी...
परभणी, हिंगोलीत ओल्या दुष्काळाचे सावटपरभणी : परभणी, हिंगोली जिल्ह्यातील अनेक मंडळांत...
जळगाव जिल्ह्यात उडीद, मूग खरेदीची...जळगाव : शासकीय उदीद, मूग खरेदीसंबंधीची प्राथमिक...
परभणीत भरपाईसाठी ‘स्वाभिमानी’ची पिकांसह...परभणी : अतिवृष्टीमुळे शेती पिकांचे अतोनात नुकसान...
नाशिक जिल्ह्यात खरिपासह भाजीपाला पिके...नाशिक : जिल्ह्याच्या सर्वदूर भागात शनिवारी (...
`औरंगाबाद जिल्ह्यातील नुकासानग्रस्त...औरंगाबाद : सतत सुरू असलेल्या पावसाने कोणत्या...
ऊसतोडणी दर ठरविताना उत्पादकांवरील बोजा...पुणे : दहा लाख ऊसतोडणी कामगारांच्या वतीने विविध...
मराठा आरक्षणावरील अंतरिम स्थगिती उठवावीमुंबई : मराठा आरक्षणासंदर्भात सर्वोच्च...
‘मुळा’तून विसर्ग बारा हजार क्युसेकवर...नगर ः नगर जिल्ह्यातील मुळा धरणाच्या पाणलोटात पाऊस...
शेतकऱ्यांना कॉर्पोरेट कंपन्यांच्या...कोल्हापूर : पाशवी बहुमताच्या बळावर भलेही तुम्ही...
मोताळा तालुक्यात वादळी पावसाने नुकसानबुलडाणा ः जिल्ह्यात शनिवारी (ता. १९) वादळी...
नाशिकमध्ये वाटाण्याची आवक कमीच; दरात...नाशिक : येथील कृषी उत्पन्न बाजार समितीमध्ये...
नागपूर जिल्ह्यात पुराचा २९ हजार...नागपूर : पुरामुळे जिल्ह्यात २९ हजार २६२...
सोलापुरात पितृपंधरवड्यामुळे गवार,...सोलापूर ः पितृपंधरवड्यामुळे सोलापूर कृषि उत्पन्न...
डाळिंब फळपिकातील तेलकट डाग व्यवस्थापनसोलापूर, सांगली, नाशिक आणि नगर यासारख्या...
औरंगाबादमध्ये मूग, उडीद, ज्वारी,...औरंगाबाद : येथील कृषी उत्पन्न बाजार समितीमध्ये गत...
बार्शी बाजार समितीत उडीद, मूग हमीभाव...सोलापूर : बार्शी कृषी उत्पन्न बाजार समितीमध्ये...