Agriculture news in Marathi Milk price cut again by Rs 2 | Agrowon

दूधदरात पुन्हा दोन रुपयांची कपात

टीम अॅग्रोवन
शनिवार, 15 मे 2021

कोरोना संसर्ग वरचेवर वाढत असल्याने लॉकडाउन कायम असून दुधाची मागणी कमी होत असल्याचे कारण सांगत दूध संघाकडून दुधाच्या दरात सातत्याने कपात केली जात आहे.

नगर ः कोरोना संसर्ग वरचेवर वाढत असल्याने लॉकडाउन कायम असून दुधाची मागणी कमी होत असल्याचे कारण सांगत दूध संघाकडून दुधाच्या दरात सातत्याने कपात केली जात आहे. गेल्या दोन दिवसांपासून दुधाच्या दरात पुन्हा दोन रुपयांनी कपात केली आहे.

कमीशन व वाहतुकीसह २२ ते २३ रुपये दिले जात असल्याने शेतकऱ्यांच्या हातात आता प्रति लिटरला केवळ २१ रुपये पडणार आहेत. त्यामुळे दर दिवसाला बसणाऱ्या आर्थिक नुकसानीतही अडीच कोटी रुपयांनी भर पडली आहे. सध्या राज्यात दर दिवसाला तेरा कोटींपेक्षा दूध उत्पादक शेतकऱ्यांचे नुकसान होत आहे. गेल्या वर्षीप्रमाणे यंदाही कोरोनामुळे वरचेवर दूध व्यवसाय अडचणीत येत आहे.

लॉकडाउन होणार असल्याचे दिसताच खासगी दूध संघचालकांनी मागणी घटल्याचे सांगत दुधाच्या दरात १ एप्रिलपासून सुरुवातीला तीन ते चार रुपयांनी कपात केली. त्यानंतर त्यात टप्प्याटप्प्याने कपात करत दीड महिन्यात आता प्रति लिटरमागे तब्बल दहा ते अकरा रुपयांनी कपात केली आहे. गेल्या दोन दिवसांपासून कमिशन व वाहतुकीसह २२ ते २३ रुपये दिले जात असल्याने शेतकऱ्यांच्या हातात आता प्रति लिटरला केवळ २१ रुपये पडत आहेत. दोन रुपयांनी दरात कपात केल्याने आर्थिक नुकसानीत अडीच कोटीने वाढ झाली आहे. आता राज्यातील दूध उत्पादक शेतकऱ्यांना दररोज १३ कोटींपेक्षा अधिक नुकसान सोसावे लागत आहेत. राज्यात गायीचे १ कोटी ३० लाख लिटरच्या जवळपास संकलन होते. या आकड्यात सातत्याने कमी-जास्त होते. त्यातील ६० ते ६५ लाख लिटर दूध थेट ग्राहकांना पिशव्यांमधून विकले जाते तर साधारण पंधरा ते वीस लाख लिटर दुधाचे उपपदार्थ केले जातात. उर्वरित दुधाची भुकटी होते.

दूध भेसळीकडे दुर्लक्ष ः जयाजी सूर्यवंशी
शेतकरी नेते जयाजी सूर्यवंशी म्हणाले, ‘‘राज्यात दूधप्रश्‍नासोबत दुधात होणाऱ्या भेसळीकडेही सरकारचे कायम दुर्लक्ष राहिले आहे. सध्या दुधाची मागणी कमी झाल्याने दराचे प्रश्‍न निर्माण केला जात आहे. मात्र दुधातील होणारी भेसळही शेतकऱ्यांच्या मुळावर आहे. दुधातील भेसळ कमी झाली तरी बऱ्यापैकी दूधदराचा प्रश्‍न कमी होईल. मात्र सरकारी आणि खासगी दूध संघाचे मालक मागील सरकारमध्ये होते, याही सरकारमध्ये आहेत. २०१७ च्या शेतकरी संपात दुधाला ४० रुपये हमी भाव मागितला, पण त्यावर एकमत झाले नाही. दूध संघापुढे जाणकार हताश झाले होते. त्या वेळेस २७ रुपये दर देण्याचा एकमुखी निर्णय झाला, परंतु नंतर सुकाणू समिती आली तो निर्णय गुंडाळला.

शेतकरी नेते गप्प
राज्यात दूधदराचा प्रश्‍न अधिक किचकट होत आहे. गेल्या दीड महिन्याचा विचार केला तर गाईच्या दुधाच्या दरात प्रति लिटरमागे तब्बल दहा रुपयांनी कपात झाली आहे. दुधाचे दर कमी झाल्याने राज्यभर दूध उत्पादक शेतकरी हवालदिल झाले आहे. ग्राहकांना विकल्या जाणाऱ्या दुधाचे व उपपदार्थांचे दर कायम असताना शेतकऱ्यांकडून खेरदी केलेल्या दुधाचे दर मात्र मागणी नसल्याचे कारण पुढे करून संघानी कमी केले. गेल्या वर्षी तरी अतिरिक्त दूध खरेदी करण्याचा सरकारने निर्णय घेतला होता. यंदा मात्र तो तसा कोणताही प्रयत्न झाला नाही. दूध संघचालक मात्र वाटेल तसे सोयीने दर कमी करत आहेत. नेहमी दुधाच्या प्रश्‍नावर आवाज उठवणारे राज्यभरातील नेते गप्प आहेत.


इतर ताज्या घडामोडी
सातव्या वेतन आयोगासाठी महामंडळांमधील...नगर : राज्यातील विविध महामंडळांमधील अधिकारी-...
रत्नागिरी, संगमेश्‍वर, राजापूरला ...रत्नागिरी : सलग दुसऱ्या दिवशी रत्नागिरी...
चक्रीवादळामुळे नुकसान झालेल्यांना...वडाळी जि. अकोला : या हंगामाला सुरुवात होताच...
पशुचिकित्सा व्यावसायिक संघटना करणार...नागपूर : पशुचिकित्सा व्यवसायी संघटनेच्या...
जागोजागी होणारी लुट थांबवा, ...नगर : ‘‘राज्यात जागोजागी प्रत्येक क्षेत्रात...
‘घटनादुरुस्ती करून आरक्षण देणे  हाच...कोल्हापूर : घटनादुरुस्ती करून मराठा आरक्षण देणे...
कोकणातील डच, पोर्तुगाल वखारींचे होणार...पुणे : भारतातील आंतरराष्ट्रीय सागरी व्यापारासाठी...
गोसीखुर्द प्रकल्प पूरनियंत्रणासाठी ...मुंबई ः गोसीखुर्द प्रकल्प पूरनियंत्रणाबाबत...
प्रकल्पग्रस्तांच्या जमिनींना पाच पट...नाशिक : देशातील पहिला सेमी हायस्पीड रेल्वेमार्ग...
आरक्षण देण्याची राज्यकर्त्यांची इच्छाच...पुणे : मराठा समाजाला आरक्षण देण्याची राजकीय...
नांदेडमध्ये थकीत ‘एफआरपी’साठी धरणेनांदेड : ऊस गाळप होऊनही पैसे न दिल्याने...
सांगली जिल्ह्यात खरिपाची दहा टक्के...सांगली : जिल्ह्यात खरीप हंगामाच्या पेरणीस प्रारंभ...
आर्थिक दुर्बल घटकांना बियाणे वाटपाचे...नाशिक : राष्ट्रीय अन्नसुरक्षा अभियानांतर्गत विविध...
‘विष्णुपुरी’तून ४७१ क्सुसेकने विसर्गनांदेड : गोदावरी नदीवरील डॉ. शंकरराव चव्हाण...
परभणी, हिंगोली जिल्ह्यातील ७४ मंडळांत...परभणी ः परभणी, हिंगोली जिल्ह्यातील ७४ मंडळांमध्ये...
टोमॅटोवरील टुटा ॲबसोलुटा किडीची ओळख,...टोमॅटो पिकात टुटा ॲबसोलुटा या किडीचा प्रादुर्भाव...
नागपुरात सोयाबीन दरात तेजीनागपूर : सोयाबीन दरातील तेजी कायम असून कळमना...
सागरी शेवाळ उत्पादनात व्यावसायिक संधीसागरी शेवाळ उत्पादनामुळे व्यावसायिक संधी उपलब्ध...
नगरमध्ये दोडका, वांगी, भेंडीच्या दरात...नगर ः नगर येथील दादा पाटील शेळके कृषी उत्पन्न...
सांगलीत वीस लाखांचा खतसाठा जप्तसांगली : विना परवाना खत विक्री प्रकल्पावर कृषी...