जळगाव जिल्ह्यात दूध दरवाढीचा तिढा कायम 

जळगाव : कोरोना विषाणूच्या प्रादुर्भावामुळे लॉकडाउनच्या काळात संघाकडे अतिरिक्त दूध खरेदी करण्यात आले. जिल्ह्यातील उत्पादकांच्या आर्थिक हिताचा विचार करून संघाने दूध खरेदी बंद न करता सुरूच ठेवली आहे. या शिवाय शासनाने जाहीर केलेल्या दरानुसारच दूध खरेदीही सुरू आहे. अशा कठीण परिस्थितीत आर्थिक क्षमतेबाहेर अवास्तव दूध खरेदीच्या दराची मागणी संघास न पडवणारी आहे, असे जिल्हा दूध संघाचे कार्यकारी संचालक मनोज लिमये यांनी स्पष्ट केले आहे.
Milk price hike persists in Jalgaon district
Milk price hike persists in Jalgaon district

जळगाव : कोरोना विषाणूच्या प्रादुर्भावामुळे लॉकडाउनच्या काळात संघाकडे अतिरिक्त दूध खरेदी करण्यात आले. जिल्ह्यातील उत्पादकांच्या आर्थिक हिताचा विचार करून संघाने दूध खरेदी बंद न करता सुरूच ठेवली आहे. या शिवाय शासनाने जाहीर केलेल्या दरानुसारच दूध खरेदीही सुरू आहे. अशा कठीण परिस्थितीत आर्थिक क्षमतेबाहेर अवास्तव दूध खरेदीच्या दराची मागणी संघास न पडवणारी आहे, असे जिल्हा दूध संघाचे कार्यकारी संचालक मनोज लिमये यांनी स्पष्ट केले आहे. 

पाचोरा व भडगाव तालुक्‍यातील दूध उत्पादकांनी दूध खरेदी दरात वाढीची मागणी केली आहे. याबाबतचे वृत्त सकाळमध्ये प्रसिद्ध करण्यात आले होते. त्याबाबत जिल्हा दूध संघाचे कार्यकारी संचालक श्री. लिमये यांनी खुलासा दिला आहे. यात त्यांनी म्हटले आहे, की लॉकडाउनच्या वेळी संघाकडे सुमारे ३.५० लाख लीटर प्रतीदिन दूधाचे संकलन केले जात होते. त्याचप्रमाणे दूध विक्री सुमारे दोन लाख लीटर वरून प्रतिदिन एक लाख लीटर होत आहे. 

पर्यायाने संघाकडे दररोज अडीच लाख लीटर दूध अतिरिक्त होते. संघाची दूध रूपांतरण क्षमता सुमारे एक लाख लीटर प्रतिदिन आहे. सुमारे दीड लाख प्रतिदिन दूध अतिरिक्त साठा तयार होत होता. संघाकडे बाहेर दूध रुपांतरासाठी पाठविण्याशिवाय कोणताही पर्याय उपलब्ध नव्हता. बाहेरील प्लॅंट सुद्धा संघाचे दूध रूपांतरणासाठी स्वीकारण्यास तयार नव्हते. परिणामी, या कालावधीत एक दिवस दूध खरेदीही बंद करावी लागली होती. आज सुद्धा कोणतीही परिस्थिती सुधारलेली नाही. 

संघाने उत्पादकांच्या आर्थिक हिताचा विचार करता दूध संकलन बंद केलेले नसून दूध रूपांतरण करण्याच्या कामात यश मिळविले आहे. संघाने रूपांतरित केलेली दूध भुकटी व लोणी याचे भविष्यात मार्केटमध्ये विक्री दर काय राहतील, तसेच सदरच्या मालाची विक्री केंव्हा होईल याचा आज तरी अंदाज करणे अश्‍यक्‍य आहे. संघाने दूध खरेदीचे पैसे वेळेवर द्यावे, यासाठी एनडीडीबीकडून सुमारे ४५ कोटीचे कर्ज घेतले असून पुन्हा ३० कोटीसाठी अर्ज केला आहे. 

जिल्हा दूध संघ गाईच्या दुधासाठी २५.२० पैसे दर अदा करीत आहे. राज्यातील इतर दूध संघ अनेक अटीशर्तीस अधीन राहून २० ते २५ रूपये प्रति लीटर दराने दूध खरेदी करीत आहे. राज्यातील दूध संघाची शिखर संस्था महानंद डेअरीनेही गाईचे दूध खरेदी २५ रूपये प्रतिलिटर निर्धारित केले आहे. तेच दर शासनानेही जाहीर केले आहे. पशुखाद्य दरात कोणतीही घट झालेली नाही, असे सांगण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com