agriculture news in marathi, Milk processing industry to benefit by value added products | Agrowon

दुधावर प्रक्रिया करणाऱ्या कंपन्यांना ‘अच्छे दिन’ : क्रिसिल

वृत्तसेवा
सोमवार, 16 जुलै 2018

देशात दुधाचा पुरवठा वाढला असून केवळ दूध विकणाऱ्या कंपन्या मागे पडतील; परंतु मूल्यवर्धित उत्पादनांची वाढती मागणी लक्षात घेता ही उत्पादने बनविणाऱ्या कंपन्या मात्र चांगली कामगिरी करतील, असे रेटिंग एजन्सी ‘क्रिसिल’च्या अहवालात म्हटले आहे. 

देशात दुधाचा पुरवठा वाढला असून केवळ दूध विकणाऱ्या कंपन्या मागे पडतील; परंतु मूल्यवर्धित उत्पादनांची वाढती मागणी लक्षात घेता ही उत्पादने बनविणाऱ्या कंपन्या मात्र चांगली कामगिरी करतील, असे रेटिंग एजन्सी ‘क्रिसिल’च्या अहवालात म्हटले आहे. 

मूल्यवर्धित दुग्धजन्य उत्पादनांना डोळ्यांसमोर ठेवून देशातील डेअरी क्षेत्रात पुढील तीन वर्षांत १३० ते १४० अब्ज रुपयांची गुंतवणूक होण्याचा अंदाज ‘क्रिसिल’ने व्यक्त केला आहे. दुधाची खरेदी आणि त्यावर प्रक्रिया करण्यासाठी आवश्यक पायाभूत सुविधांच्या बळकटीकरणासाठी संघटित क्षेत्रातील कंपन्यांनी गेल्या तीन वर्षांच्या काळातही साधारण एवढीच गुंतवणूक केलेली होती. पुढील तीन वर्षेही हाच कल कायम राहील, असे ‘क्रिसिल’चे म्हणणे आहे.   
देशातील डेअरी उद्योगाची पुढील तीन वर्षांत वार्षिक १४-१५ टक्के वाढ होईल, असे या अहवालात नमूद केले आहे. कंपन्यांच्या संभाव्य गुंतवणुकीमुळे दुधावर प्रक्रिया करण्याची क्षमता २५ ते ३० टक्क्यांनी वाढणे अपेक्षित आहे. तसेच दूध खरेदीची व्यवस्था अधिक भक्कम होण्याचा अंदाज आहे. सार्वजनिक आणि खासगी इक्विटी, तसेच केंद्र सरकारच्या डेअरी प्रक्रिया व पायाभूत सुविधा विकास निधीतून कर्ज या माध्यमातून या गुंतवणुकीसाठी निधी उपलब्ध होईल, असे मानले जात आहे.

‘क्रिसिल’ने या अहवालासाठी १०० कंपन्यांचा अभ्यास केला. संघटित डेअरी क्षेत्रातील महसुलात या कंपन्यांचा वाटा ६० टक्क्यांच्या आसपास आहे. दूध विक्रीतील सातत्यपूर्ण वाढ पाहता डेअरी क्षेत्र २०२०-२१ पर्यंत ७५०० अब्ज रुपयांचा महसूल प्राप्त करेल, असा अंदाज आहे. २०१७-१८ मध्ये महसूल ५७०० अब्ज रुपये होता. 
अमूल ब्रँडने दूध आणि दुग्धजन्य पदार्थांची विक्री करणाऱ्या गुजरात को-ऑपरेटिव्ह मिल्क मार्केटिंग फेडरेशनने (जीसीएमएमएफ) २०२२ पर्यंत ५० अब्ज रुपयांची गुंतवणूक करणार असल्याचे जाहीर केले आहे. मुख्यतः दूध प्रक्रियेची क्षमता वाढविणे आणि वितरण यासाठी ही गुंतवणूक असेल.

देशांतर्गत बाजारपेठेत आणि परदेशातील भारतीयांकडून मागणी वाढल्यामुळे २०१८ या आर्थिक वर्षात ‘अमूल’ची उलाढाल २९५ अब्ज रुपयांपर्यंत जाऊन पोचली. हेरिटेज फुड्स या बलाढ्य कंपनीने रिलायंस डेअरी अधिग्रहित केल्यानंतर आता उत्तर भारतात मोठा विस्तार करण्याची आखणी केली आहे. ‘हेरिटेज फूड्स’ने तेलंगणातील शाह मोतीलाल फूड्स आणि पंजाबमधील वमन मिल्क फूड्स या कंपन्याही विकत घेतल्या आहेत. पराग मिल्क फूड्स या कंपनीने मूल्यवर्धित उत्पादनांवर लक्ष केंद्रित केल्यामुळे २०१७ ते २०२० या कालावधीत कंपनीच्या नफ्यात ४९ टक्के वाढ होण्याचा अंदाज आहे.    

देशातील दूध उत्पादनात १९९४-९५ ते २०१७-१८ या कालावधीत वार्षिक ४.४ टक्के वाढ झाली आहे. याच कालावधीत अन्नधान्य उत्पादनातील वाढीचा दर १.५ टक्के राहिला. वाढते शहरीकरण आणि लोकांच्या आहारविषयक सवयींमध्ये झालेला बदल यामुळे दूध आणि दुग्धजन्य पदार्थांच्या मागणीत वाढ झाल्याचे दिसून येते.


इतर अॅग्रोमनी
आर्थिक निर्णयांनी वाढवला प्रियंकाताईंचा...पती गौरव काकडे यांच्या आग्रहावरून पुणे शहरातील...
गेल्या वर्षीच्या साखर निर्यातीसाठी...कोल्हापूर : गेल्या वर्षीची (२०१८-१९) साखर निर्यात...
आंतरराष्ट्रीय डाळ परिषदेकडे उद्योजकांचे...पुणे  : जागतिक कडधान्य उत्पादन व बाजारपेठेला...
कच्च्या साखरेच्या दरात उच्चांकी वाढकोल्हापूर : जागतिक बाजारात कच्च्या साखरेच्या दरात...
साखरेच्या दुहेरी किमतीसाठी सूत्र तयार...नवी दिल्ली: साखरेचे घसरणारे दर स्थिर...
आंतरपिकांतून कुटुंबाचे अर्थकारण केले...माचले (ता. चोपडा, जि. जळगाव) येथील दीपक माणिक...
खानदेशात १२ लाख गाठी बाजारात कापसाची आवकजळगाव : कापसाची खेडा खरेदी मागील आठवड्यात...
ब्राझील भारताकडून गव्हासह भरडधान्य...नवी दिल्ली: दोन्ही देशांच्या कृषिमंत्र्यांमध्ये...
हरभरा, सोयाबीन वगळता सर्व पिकांच्या...खरीप पिकाच्या उत्पादनात जरी घट अपेक्षित असली तरी...
खाद्यतेल आयात शुल्क कमी कराः ग्राहक...नवी दिल्ली: देशांतर्गत वाढलेले खाद्यतेलाचे...
खाद्यतेल बाजारात सटोडियांकडून खोड्याचा...पुणे : खाद्यतेलासह तेलबिया वायदे बाजारात सध्या...
नव्या बेदाण्यास १७५ रुपये दर तासगाव, जि. सांगली ः तासगाव कृषी उत्पन्न बाजार...
कापड गिरण्या बाजारातून कापूस खरेदीस...मुंबई ः साउथ इंडियन मिल्स असोसिएशनने केंद्रीय...
देशात साखर उत्पादनात २६ टक्के घटनवी दिल्ली ः देशात १५ जानेवारीपर्यंत ४४० साखर...
साखर दराची दुहेरी पद्धत ठरवाकोल्हापूर : साखर उद्योगाला बळकटी आणण्यासाठी...
जालन्यात रेशीम कोषाला मिळाला ५०० रुपये...जालना : येथील बाजार समितीच्या आवारात रेशीम कोष...
तादंळाच्या आफ्रिकेतील बाजारपेठेवर चीनचा...नवी दिल्ली : तांदळाची आयात करणारा देशच आता...
खान्देशची केळी निर्यातीत आघाडीकेळीने जगात जळगावला मोठी ओळख दिली आहे. ही ओळख...
कोल्हापुरात गुळाच्या आवकेत तीस टक्क्‍...कोल्हापूर: येथील बाजार समितीत गेल्या हंगामाच्या...
हळद, कापसाच्या फ्युचर्स किमतीत वाढया सप्ताहात बहुतेक सर्वच पिकांच्या मागणीत वाढ...