दूध दराबाबतचे हमीपत्र देणे बंधनकारक

पुणे  ः दूधदरप्रश्‍नी शासनाने जाहीर केलेल्या २५ रुपये प्रतिलिटर दूध खरेदी दर घाेषणेच्या अंंमलबजावणीचा शासन आदेश प्रसिद्ध झाला आहे. शेतकऱ्यांना गायीच्या दुधासाठी २५ रुपये दर देणाऱ्या दूध संघांना शासन ५ रुपये अनुदान देणार आहे. या आदेशानुसार दूध भुकटी निर्यातीसाठी प्रतिकिलो ५० रुपये आणि दुधाची निर्यात करणाऱ्या प्रकल्पांना ५ रुपये प्रतिलिटर अनुदान मिळणार आहे. या याेजनेचा लाभ घेऊ इच्छिणाऱ्या दूध संघांना दूध खरेदी दराबाबतचे हमीपत्र प्रादेशिक दुग्ध विकास अधिकाऱ्यांकडे सादर करावे लागणार आहे.  हा दर आज शनिवार (ता. २१) पासून शेतकऱ्यांच्या बॅंक खात्यावर थेट जमा करणे बंधनकारक असणार आहे. तर शालेय पाेषण आहारात दुधाच्या समावेशाबाबतचा शासन निर्णय संबंधित विभागाने काढण्याचे आदेश देण्यात आले आहेत. शालेय पाेषण आहारात दुधाचा समावेश  विविध उपाययाेजनांमध्ये शालेय पाेषण आहारात दुधाचा समावेश करण्यासाठी शालेय शिक्षण, महिला बाल कल्याण, आदिवासी, सामाजिक न्याय आणि सार्वजनिक आराेग्य विभागाने स्वतंत्र शासन निर्णय काढावेत, असे स्पष्ट करण्यात आले आहे. या आहेत अटी