agriculture news in Marathi milk rate split in Solapur Maharashtra | Page 2 ||| Agrowon

दुधाला दर नसल्याने, दुभती जनावरे सांभाळण्यासाठी शेतकऱ्यांची कसरत 

टीम अॅग्रोवन
रविवार, 12 जुलै 2020

माझ्याकडे १० एकर शेती आहे, तीन जर्सी गाई आणि तीन म्हशी आहेत. सर्व दुधाच्या आहेत. घरची वैरण आहे. त्यावरच भागते, पण दुधाला दर नसल्याने सध्या अडचण झाली आहे. पशुखाद्याचे दर वाढल्याने तेही परवडत नाही. पण करायचं म्हणून करतो आहे. 
- सतीश साळुंखे, दूध उत्पादक, खेडभाळवणी, ता. पंढरपूर, जि. सोलापूर 

सोलापूर ः दुधाला मागणी असूनही केवळ योग्य तो दर मिळत नसल्याने शेतकऱ्यांचे आर्थिक गणित बिघडले आहे. दुभत्या जनावरांच्या चारा आणि पशुखाद्याच्या वाढत्या खर्चासाठी नुसती कसरत करण्याची वेळ शेतकऱ्यांवर आली आहे. आधीच कोरोनामुळे विविध संकटांना तोंड देत शेतकरी पशुपालन करत असताना, त्यात आता दूध दराच्या या समस्येने त्याच्या संकटात आणखीनच भर पडली आहे. 

गेल्या तीन ते चार महिन्यांपासून दूध उत्पादक शेतकऱ्यांना याची झळ बसते आहे. सरकारने दूध उत्पादकांचे अतिरिक्त दूध खरेदी करण्याचे आश्वासन दिले असले, तरी त्याचा थेट फायदा गावातील दूध उत्पादकांपर्यंत जाणवत नाही. जिल्हा दूध संघासह खासगी संघही या सगळ्या परिस्थितीचा गैरफायदा घेत असल्याचे दिसत आहे. सरळसरळ शेतकऱ्यांना थेट वाऱ्यावर सोडले जात असल्याचे दिसत आहे. कोणीच शेतकऱ्यांची दखल घेत नाही. 

पूर्वी गाईच्या दुधाचा ३० ते ३२ रुपयांपर्यंत असणारा दर आता १८ ते २० रुपयांवर खाली आला आहे. तर म्हशीच्या दुधासाठी ३२ रुपयांपर्यंत दर मिळतो आहे. फॅट कमी निघाल्यास त्यापेक्षाही आणखी दर कमी होतो. एकीकडे ही परिस्थिती असताना, दुभत्या जनावरांना जगवण्यासाठी शेतकऱ्यांची धडपड सुरू आहे. किमान एका गाईला दिवसाला २ ते ४ किलो ओला आणि सुका चारा लागतो. तसेच तेवढेच पशुखाद्य लागते. या संपूर्ण खर्चाचा मेळ बसवण्यासाठी नुसती कसरत सुरू आहे. 

बाजारातील पशुखाद्याचे दर 
सुग्रास पोते (५० किलो) १२०० ते १४०० रुपये, खापरी पेंड (५० किलो) २२०० ते २४००, मका भरडा (५० किलो) ८०० ते ९०० रुपये असे दर आहेत. गेल्या दोन वर्षात तर पशुखाद्याचे दर आणखीनच वाढले आहेत. ओला, सुका चारा असतोच, पण दूधवाढीसाठी पशुखाद्यही आवश्यकच असते. त्यामुळे महाग असले, तरी ते शेतकऱ्यांना घ्यावेच लागते. 
 


इतर बातम्या
बाजार समित्यांपुढे स्पर्धेचे आव्हान पुणे ः केंद्र सरकारच्या ‘एक देश, एक बाजार'...
धक्कादायक, सरकारी समित्यांमध्ये ...पुणे: पीकविमा योजनेसहित कृषी योजने संबंधित सर्व...
कोकण, मध्य महाराष्ट्र, विदर्भात हलक्या...पुणे ः गेल्या दोन दिवसांपासून राज्यातील पावसाचा...
औरंगाबादमध्ये बटाटे २००० ते २४०० रुपये...औरंगाबाद  : येथील कृषी उत्पन्न बाजार...
सर्व शेतीमाल संपूर्ण नियमनमुक्त ! ‘एक...पुणे ः सर्व शेतीमालाच्या संपूर्ण नियमनमुक्तीच्या...
कोरोनाच्या संकटातही गुळाचा गोडवा कायमकोल्हापूर : महापुराच्या तडाख्यात सापडूनही सरत्या...
औसा तालुक्यात उडीद, मूग व्हायरसच्या...औसा, जि. लातूर : तालुक्यातील उडीद आणि मूग ही पिके...
आदिवासी तालुक्यांमध्ये कोरडा दुष्काळ...नाशिक: कोरोना विषाणूच्या फैलावामुळे राज्याचे...
शेतकरीविरोधी कायद्यावर ‘किसानपूत्र’चे...औरंगाबाद: किसानपूत्र आंदोलनाच्यावतीने...
शेतमजुरांसाठी कौशल्याधारीत प्रशिक्षण...नाशिक: बदलत्या पीक पद्धतीमध्ये कीडनाशक फवारणी,...
कोल्हापूर जिल्ह्यात वादळ, पुराचा उसाला...कोल्हापूर: जोरदार वाऱ्यासह सुरु असलेल्या पावसाने...
कोल्हापुरात नद्यांच्या पाण्यात वाढ...कोल्हापूर: जिल्ह्याच्या बहुतांशी भागात पावसाचा...
राज्यात पावसाचा जोर ओसरला पुणे ः कोकण, मध्य महाराष्ट्रात गेल्या चार ते पाच...
शेतकरी विरोधी अध्यादेश रद्द करा मुंबई: केंद्र सरकारने ५ जून २०२० रोजी काढलेले...
राज्यात पावसाचा जोर सोमवारपासून वाढणार पुणे ः बंगालच्या उपसागरात कमी दाबाचे क्षेत्र...
पुणे जिल्ह्यात पावसामुळे भात लागवडीला...पुणे ः गेल्या चार ते पाच दिवसांपासून पुणे...
किसान रेल्वेला नाशिकमधून प्रारंभ नाशिक: केंद्र सरकारने २०२० च्या अर्थसंकल्पात...
नाशवंत शेतमाल वाहतुकीसाठी किसान...नाशिक: कृषी क्षेत्रात प्रगत असलेल्या नाशिक...
पाथरूडच्या बंधाऱ्यांत मुबलक पाणीपाथरूड, जि. उस्मानाबाद : येथील दुधना नदीवर...
नंदुरबारमध्ये अनेक भागात पाऊस नंदुरबार ः जिल्ह्यात मागील दोन दिवसांत...