agriculture news in marathi, MLA Bacchu kadu assures support to | Agrowon

कष्टाचे पैसे ना बे?... बुडवणा-यांचं टाळकं फोडू : आमदार बच्चू कडूंचा शेतकऱ्यांना वऱ्हाडी दिलासा

सरकारनामा ब्युरो
गुरुवार, 26 एप्रिल 2018

आमदार बच्चू कडू यांची आता शेतकऱ्यांची फसवणूक करणाऱ्या व्यापाऱ्यांकडे नजर वळली आहे. कडु यांनी नाशिक जिल्ह्यातील फसवूक झालेल्या कांदा उत्पादकांकडून प्रश्न समजून घेत जिल्हाभर मोठे जनआंदोलन उभे करण्याचा निर्धार केला आहे.

येवला, जि. नाशिक : तुमचे कष्टाचे पैसे ना बे, मग घाबराले काय झालं..... शेतक-याचे पैसे व्यापारी पण लुटून राहिले ना भाऊ.... त्यांच्या टाळक्यात प्रहार करायला मागपुढं कामुन पहायचं... घाबरायचं नाही.... बच्चु कडू आहे तुमच्या सोबत.... असं सांगत आमदार बच्चू कडू यांनी आपल्या खास व-हाडी स्टाईलमध्ये येवल्याच्या शेतक-यांचे आंदोलन आपल्या हाती घेतले. त्यामुळे या शेतक-यांना धीर मिळाला. 

आतापर्यंत निराधार, निराश्रीत, दिव्यांग आदींचे प्रश्‍न सोडविण्यासाठी कायदा हातात घेऊन चर्चेत राहिलेल्या आमदार बच्चू कडू यांची आता शेतकऱ्यांची फसवणूक करणाऱ्या व्यापाऱ्यांकडे नजर वळली आहे. कडु यांनी नाशिक जिल्ह्यातील फसवणूक झालेल्या कांदा उत्पादकांकडून प्रश्न समजून घेत जिल्हाभर मोठे जनआंदोलन उभे करण्याचा निर्धार केला आहे.
  
वैजापूर येथील शहीद जवान किरण थोरात यांच्या कुटुंबाचे सांत्वन करण्यासाठी आमदार कडू आले होते. यावेळी येवला येथील व्यापाऱ्यांकडून फसवणूक झालेल्या कांदा उत्पादक शेतकऱ्यांनी त्यांची भेट घेतली. "तुमचे कष्टाचे पैसे ना बे, मग घाबराले काय झालं ? शेतकऱ्यांना सर्वेच लुटून राहिले. आता तर व्यापारी पण पैसे बुडूवून राहिले ना भाऊ, मग त्यांच्या टाळक्‍यात प्रहार करायला माग पुढं कामुन पहायचं?... तुमच्या सोबत बच्चू कडू आहे ना बे...पण आधी तुह्या अधिकाराची तर जाणीव करून घेशील ना,".... अशा खास वऱ्हाडी स्टाईलमध्ये आमदार बच्चू कडू यांनी शेतकऱ्यांना धीर दिला. 

त्यांनी येवल्यातील शेतकऱ्यांना पैशांसाठी लढण्याचा सल्ला दिला. या वेळी कांदा ऊत्पादक शेतकऱ्यांना आपण न्याय मिळवून देऊ. ज्या शेतकऱ्यांचे पैसे बुडवण्याचा प्रयत्न व्यापारी करत आहेत त्यांना धडा शिकवू, असे आमदार कडू यांनी स्पष्ट केले. येथील फसवणूक झालेल्या शेतकऱ्यांची यादीच यावेळी प्रहार शेतकरी संघटनेचे तालुका अध्यक्ष हरीभाऊ महाजन, उपाध्यक्ष वसंत झांबरे यांनी आमदार कडू यांना दिली. 

येवल्यातील व्यापाऱ्यांनी कांदा उत्पादक शेतकऱ्यांची फसवणूक केल्यामुळे मागील आठवड्यात बेमुदत उपोषणास बसलेल्या कांदा उत्पादक शेतकऱ्यांचे प्रतिनिधी म्हणून संपत आहेर, बाबासाहेब तुपे, कैलास चव्हाण, भास्कर कदम, गणपत सत्रे, शांताराम तुपे, विनायक थोरात, दत्तात्रय चव्हाण, श्रावण चव्हाण यांनी पैसे मिळत नसल्याची व्यथा मांडली.


इतर ताज्या घडामोडी
कृषी कायदे शेतकऱ्यांना गुलाम करणारे :...नागपूर : केंद्रातील भाजप सरकारने लोकशाही आणि...
कोरोना लसीकरण क्रांतिकारक पाऊल : ...मुंबई : कोरोना लसीकरणाचा आजचा कार्यक्रम हे एक...
सातारा जिल्ह्यात रब्बीची ९५ टक्के...सातारा : जिल्ह्यातील रब्बी हंगामातील पेरणीची कामे...
औरंगाबाद, जालना, बीड जिल्ह्यांत गहू...औरंगाबाद : तीन जिल्ह्यात यंदा रब्बी हंगामात...
सांगलीत कारखानदारांनी एफआरपीचा केला...सांगली : कोल्हापूर जिल्ह्यातील बहुतांश साखर...
बँकांनी पीक कर्जवाटप वेळेत पूर्ण करावे...नगर:  ‘‘जिल्ह्यात रब्बी हंगामासाठी बँकांना...
सांगलीत ‘पीएम किसान’च्या अपात्र...सांगली : पंतप्रधान किसान योजनेतील जिल्ह्यातील ५...
सांगली जिल्हा बॅंकेसह १७३ संस्थांच्या ...सांगली : सहकारी संस्थांच्या निवडणुका घेण्याचे...
नाशिकला मका खरेदीसाठी ५६ हजार क्विंटलचे... येवला : केंद्र शासनाच्या परवानगीनंतर ही...
नांदेड जिल्ह्यात मतदानासाठी केंद्रांवर...नांदेड ः जिल्ह्यातील ९०७ ग्रामपंचायतींसाठी...
नाशिकमध्ये उत्साहात ग्रामपंचायतींचे...नाशिक : जिल्ह्यातील ६२१ पैकी ५६५...
गोसेखुर्द प्रकल्पासाठी भूसंपादनाचा तिढा...नागपूर : पूर्व विदर्भातील शेतकऱ्यांसाठी वरदान...
नव्या परवानगीमुळे मका उत्पादकांचा जीव...बुलडाणा : राज्यात सर्वाधिक मका खरेदी झालेल्या...
राज्यात कृषी पीएचडीची प्रवेश प्रक्रिया...पुणे ः राज्याच्या चारही कृषी विद्यापीठांमधील...
खानदेशात मका दरात सुधारणाजळगाव ः खानदेशातील प्रमुख बाजार समित्यांमध्ये...
सकाळी सौम्य थंडी; दुपारी उष्ण हवामानमहाराष्ट्रावर १०१० हेप्टापास्कल इतका कमी हवेचा...
डाळिंब बागांसाठी पाण्याचे व्यवस्थापनजानेवारी अखेरपासून पाण्याची उपलब्धता कमी होत जाते...
औरंगाबादमध्ये मोसंबीला सर्वसाधारण ३०००...औरंगाबाद : येथील कृषी उत्पन्न बाजार समितीमध्ये...
गहू संशोधनात सर्वांचाच वाटा ः डाॅ. ढवणनाशिक :  येथील गहू संशोधन केंद्रास डॉ....
कोल्हापुरात सकाळपासूनच मतदारांच्या...कोल्हापूर : जिल्ह्यात ग्रामपंचायतीसाठी चुरशीने...