सोलापूर : लॉकडाऊनच्या कालावधीत ज्येष्ठ नागरिक, दिव्यांग आणि गरजूंना आरोग्य तपासणी करणे शक्य व्हावे, म्हणून फिरता दवाखाना (मोबाईल डिस्पेन्सरी) सुरु करण्यात आला आहे. जिल्हा प्रशासन, महानगरपालिका आणि भारतीय जैन संघटनेच्या वतीने ही सेवा सुरु करण्यात आली आहे.
या फिरत्या दवाख्यानामध्ये वैद्यकीय अधिकारी, डॉक्टर, आजारी व्यक्तींच्या घरात जाऊन तपासणी करतील, वैद्यकीय सल्ला देतील. शहर हद्दीतील गावठाण भागात सकाळी १० ते २, तर जुळे सोलापूर परिसरात दुपारी २ ते ६ या कालावधीत हा दवाखाना उपलब्ध असेल.
ही वैद्यकीय सेवा मोफत आहे. रुग्णांनी श्याम पाटील (८९९९९०८६६०) यांच्याशी संपर्क साधावा. या फिरत्या दवाखान्याच्या कामकाजास जिल्हाधिकारी कार्यालयातून सुरुवात करण्यात आली. यावेळी जिल्हाधिकारी मिलिंद शंभरकर, भारतीय जैन संघटनेचे उपाध्यक्ष केतन शहा, श्याम पाटील, जिल्हा शल्य चिकित्सक डॉ. प्रदिप कुमार ढेले, जिल्हा आरोग्य अधिकारी भीमाशंकर जमादार आदी उपस्थित होते.
या स्वरुपाच्या वैद्यकीय सेवेची व्याप्ती वाढवण्याचा जिल्हा प्रशासन विचार करत आहे. तरी, स्वेच्छेने वैद्यकीय सेवा देण्यास इच्छुक असणारे डॉक्टर आणि परिचारक यांनी पाटील यांच्याशी संपर्क साधावा, असे आवाहन शंभरकर व शाह यांनी केले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.