Agriculture news in Marathi Modiji, this was not expected from a person like you | Agrowon

मोदीजी, तुमच्यासारख्या व्यक्तीकडून ही अपेक्षा नव्हती

टीम अॅग्रोवन
बुधवार, 13 ऑक्टोबर 2021

तुमच्यासारख्या दमदार धडाडीच्या व्यक्तीकडून ही अपेक्षा नव्हती, असे गुजरात राज्य खाद्यतेल आणि तेलबिया असोसिएशनने पंतप्रधान मोदी यांना लिहिलेल्या पत्रात म्हटले आहे.

अहमदाबाद, गुजरात : खरिपातील तेलबिया बाजारात येण्याच्या काळातच व्यापारी, मिलर्स, प्रक्रिया उद्योजकांवर साठा मर्यादा लावल्याने ते कमी खरेदी करतील आणि दर घसरतील. यातून आयातदार आणि निर्यातदारांना वगळून आमच्याबाबत दुजाभाव केला आहे. यामुळे आम्ही २० ते २५ वर्षे मागे फेकले जाऊ. तुमच्यासारख्या दमदार धडाडीच्या व्यक्तीकडून ही अपेक्षा नव्हती, असे गुजरात राज्य खाद्यतेल आणि तेलबिया असोसिएशनने पंतप्रधान मोदी यांना लिहिलेल्या पत्रात म्हटले आहे.

केंद्र सरकारने खाद्यतेल व तेलबियांचे स्टाॅकिस्ट, ऑइल मिलर, घाऊक व्यापारी, एक्स्ट्रॅक्टर यांच्यावर साठा मर्यादा लागू केली आहे. परंतु सध्या शेतकऱ्यांच्या खरीप तेलबिया पिकांची आवक बाजारात होत आहे. येणाऱ्या काळात आवक आणखी वाढेल. या निर्णयामुळे तेलबियांच्या दरात मोठी घसरण होईल. त्यातच साठा मर्यादेतून आयातदार व निर्यातदार यांना वगळले. देशांतर्गत व्यापारी व आयात-निर्यातदार यांच्यात दुजाभाव का, असा प्रश्न असोसिएशनचे अध्यक्ष समीर शहा यांनी उपस्थित केला आहे. जून महिन्यातच केंद्राने खाद्यतेल आयातशुल्कात कपात केली होती. आता साठा मर्यादा लावली. देशात गरजेच्या जवळपास ६५ टक्के खाद्यतेल आयात होते. आंतरराष्ट्रीय बाजारात खाद्यतेलाचे दर वाढलेले असल्याने देशातही तेजी आहे. पत्रात म्हटले आहे, की तेलबियांची आवक मोठ्या प्रमाणात होत असताना हा निर्णय घेण्यात आला आहे. पुढील काळात आवक वाढेल. मात्र, या निर्णयामुळे स्थानिक व्यापारी, मिलर्स, प्रोसेसर्स कमी खरेदी करतील आणि दर पडतील.

निर्यातदार आणि आयातदार यांना साठा मर्यादेतून वगळले आहे. त्यांना केवळ आपल्याकडील साठ्याची केंद्राच्या पोर्टलवर माहिती द्यायची आहे. आणि आमच्यावर साठा मर्यादा घातली आहे. आम्ही या दुजाभावाचा विरोध करतो. या निर्णयाने सरकारच्याच तेलबिया उत्पादनात आत्मनिर्भर होण्याच्या मिशनला धोका निर्माण होईल. सरकारने पेट्रोलियम पदार्थांप्रमाणेच खाद्यतेलाचे दर नियंत्रणात ठेवण्याचा अट्टहास करू नये. खाद्यतेलाच्या वाढत्या दराचा सामना करण्यासाठी ग्राहकांना विवेकाने वापर करण्यास सांगावे. कुटुंबाने असे पॅकिंग केलेले पदार्थ थोडे जरी कमी वापरले तरी बजेट कोलमडणार नाही. 
- समीर शहा, अध्यक्ष, खाद्यतेल आणि तेलबिया असोसिएशन


इतर बातम्या
कृषी विकासाचे भगीरथ ठरलेल्या...पुणे : कष्टकरी शेतकऱ्यांच्या मनगटाला बारा...
राज्यात ‘ऑक्टोबर हीट’चा प्रभावपुणे : राज्याच्या तापमानात चढ-उतार सुरूच आहेत....
‘दूधगंगा वेदगंगा’ एकरकमी ३०५६ रुपये...कोल्हापूर : ‘‘बिद्री (ता. कागल) येथील श्री...
वऱ्हाडात सोयाबीनची बाजारात हजारो...अकोला ः वऱ्हाडातील सर्वच बाजार समित्यांमध्ये...
भाजपतर्फे एक नोव्हेंबरला काळ्या फिती...परभणी : मराठवाडा, विदर्भातील अतिवृष्टिग्रस्त...
नाशिक :कांदा व्यापाऱ्यांवर आयकर...नाशिक : जिल्ह्यात कांदा विक्रीसाठी आघाडीवर...
उसाच्या तोडणीला कोल्हापुरात सुरुवातकोल्हापूर: जिल्ह्यातील साखर कारखान्यांचा गळीत...
गुजरातमधून गुळाला मागणी वाढलीकोल्हापूर : यंदा गुजरातमधून गुळाला मागणी वाढत आहे...
नांदेडमध्ये ‘रयत क्रांती’कडून शासन...नांदेड : रयत क्रांती संघटनेच्या वतीने आमदार...
अनिश्‍चित काळासाठी रस्ते अडविता येणार...नवी दिल्ली ः आंदोलन करण्याचा शेतकऱ्यांना अधिकार...
हिरापुरात कापसाची पाण्यातच वेचणीपारोळा, जि. जळगाव : खरीप हंगामाच्या वेळी पावसाने...
मालेगाव तालुक्यात ऊस जळून खाककळवाडी, ता. मालेगाव : तालुक्यातील नरडाणे...
पुणे जिल्ह्यात रब्बीचे अडीच लाख हेक्टर...पुणे  ः ‘‘सध्या रब्बी हंगाम सुरू झाला आहे....
नुकसानग्रस्त शेतकऱ्यांनी...वाशीम : जिल्ह्यात २६ व २७ सप्टेंबर आणि २ व १७...
नांदेड जिल्ह्यात पीकविमा भरपाईची...नांदेड : अतिवृष्टीमुळे पूरस्थिती उद्‌भवून सहा लाख...
निर्यात पडतळमुळे सोयाबीन दराला आधारपुणे : देशात सोयापेंडचे दर अधिक होते त्यामुळे...
राज्याच्या तापमानात चढ-उतारपुणे : राज्यात पावसाने उघडीप दिल्यानंतर तापमानात...
हडपलेला शेतकरीवाटा जमा करण्यासाठी नोटिसापुणे ः राज्यात शेती अवजारे न वाटताच कोट्यवधी...
शेतकरी आंदोलक नव्या रणनीतीच्या तयारीतनवी दिल्ली : तीन कृषी कायद्यांविरोधातील १०...
बुलडाण्यात ८९ हजार हेक्टर बाधितबुलडाणा : जिल्ह्यात गेल्या आठवड्यात तीन दिवस...