agriculture news in Marathi, monsoon cover kerla, Maharashtra | Agrowon

मॉन्सूनने केरळ व्यापला
टीम अॅग्रोवन
मंगळवार, 11 जून 2019

पुणे : नैर्ऋत्य मोसमी वाऱ्यांनी (मॉन्सून) सोमवारी (ता. १०) केरळमध्ये प्रगती करत जवळपास संपूर्ण राज्य व्यापले आहे. बंगालच्या उपसागरात मोठा टप्पा गाठत ईशान्य भारतातील मिझोराम आणि मणिपूर राज्यांपर्यंत मजल मारली आहे. तर राज्यात पूर्वमोसमी पावसाच्या सरींनी जोर धरला आहे. मॉन्सून गुरुवारपर्यंत (ता. १३) कोकण आणि मध्य महाराष्ट्राच्या दक्षिण भागात पोचण्याची शक्यता आहे. 

पुणे : नैर्ऋत्य मोसमी वाऱ्यांनी (मॉन्सून) सोमवारी (ता. १०) केरळमध्ये प्रगती करत जवळपास संपूर्ण राज्य व्यापले आहे. बंगालच्या उपसागरात मोठा टप्पा गाठत ईशान्य भारतातील मिझोराम आणि मणिपूर राज्यांपर्यंत मजल मारली आहे. तर राज्यात पूर्वमोसमी पावसाच्या सरींनी जोर धरला आहे. मॉन्सून गुरुवारपर्यंत (ता. १३) कोकण आणि मध्य महाराष्ट्राच्या दक्षिण भागात पोचण्याची शक्यता आहे. 

रविवारी (ता. ९) दुपारनंतर राज्याच्या विविध भागांत पूर्वमोसमी पावसाने हजेरी लावली आहे. मृगसरींनी जोरदार सलामी दिल्याने खरिपाच्या पूर्वमशागतीला वेग येणार आहे. पुणे जिल्ह्यातील सर्वच तालुक्यांमध्ये सांयकाळी जोरदार पाऊस पडला, जिल्ह्याच्या धरण परिसरातही चांगल्या सरी कोसळल्या. सातारा जिल्ह्यातही झालेल्या जोरदार पावसाने ओढे, नाले भरून वाहिले, तर ऊस पिकाचे नुकसान झाले. 

सांगली मिरजेसह जिल्ह्यातील पलूस, आटपाडी, तासगाव तालुक्यांत पावसासह गारा पडल्या. रत्नागिरी जिल्ह्याच्या उत्तर भागात चिपळूण तालुक्यासह खेड, दापोली, गुहागर आणि संगमेश्‍वर तालुक्यांत झालेल्या पावसाने धूळपेरण्या केलेल्या बळिराजाला दिलासा मिळाला आहे. नगर जिल्ह्यातील दहा तालुक्यांत रविवारी रात्री चांगला पाऊस झाला. अकोले येथे सर्वाधिक ११५ मिलिमीटर पावसाची नोंद झाली.

दरम्यान मॉन्सूनचा प्रवास अडखळत सुरू असून, यंदा तब्बल आठवडाभर उशिराने शनिवारी (ता. ८) केरळात आगमन झाले. त्यानंतर सोमवारी (ता. १०) मॉन्सूनने दक्षिण अरबी समुद्रासह, लक्षद्वीप बेटांचा उर्वरित भाग, केरळचा बहुतांशी भाग, तमिळनाडूच्या आणखी काही भागात प्रगती केली. केरळमधील कन्नूर आणि तामिळनाडूमधील मदुराईपर्यंत मॉन्सून दाखल झाला आहे. तसेच बंगालच्या उपसागराच्या आणखी काही भागांसह ईशान्य भारतातील मिझोराम, मणिपूर राज्यांपर्यंत मजल मारल्याचे हवामान विभागाने म्हटले आहे.

अरबी समुद्रात वादळाचे संकेत
लक्षद्वीप बेटे आणि लगतच्या अरबी समुद्रात असलेल्या कमी दाबक्षेत्राची तीव्रता वाढली आहे. मंगळवारपर्यंत (ता. ११) अरबी समुद्रात चक्रीवादळ घोंगावण्याचे संकेत आहेत. उत्तरकडे सरकत जाणारे चक्रीवादळ आणखी तीव्र होण्याचा इशारा देण्यात आला आहे. यामुळे महाराष्ट्र, केरळच्या किनाऱ्यावर समुद्र खवळून उंच लाटा उसळणार आहेत. तसेच जोरदार वाऱ्यासह मुसळधार पावसाची शक्यता वर्तविण्यात आली आहे. 

इतर अॅग्रो विशेष
पापड उद्योगातून मिळाले शेतीला आर्थिक बळकहाटूळ (ता. शहादा, जि. नंदुरबार) येथील आशा व...
बाजारपेठेनुसारच पीक लागवडीचे नियोजनआष्टा (ता. वाळवा, जि. सांगली) येथील सौ. मृदुला...
अमेरिकन लष्करी अळीची कपाशीवरही चाल ! (...नगर : अमेरिकन लष्करी अळीने (स्पोडोप्टेरा...
महाराष्ट्रात २१ ऑक्टोबरला मतदान, २४ ला...नवी दिल्ली : महाराष्ट्रासह हरियाना राज्य...
नावीन्यपूर्ण संकल्पना रुजवीत यशस्वी...लासलगाव (जि. नाशिक) येथील शंतनू नानासाहेब पाटील...
औरंगाबाद रेशीम उपसंचालक कार्यालयाला...औरंगाबाद : मराठवाड्याची राजधानी औरंगाबाद येथे...
कोकण कृषी विद्याठाकडून बांबूच्या २६...दाभोळ, जि. रत्नागिरी  : कोकणात व्यावसायिक...
नगर जिल्ह्यात तागावर स्पोडोप्टेरा अळीचा...नगर ः मक्यावर अमेरिकन लष्करी अळीने (स्पोडोप्टेरा...
पावसामुळे खानदेशात उडदाचे नुकसानजळगाव  ः सततच्या पावसामुळे खानदेशात उडदाचे...
नागपूर विभागात तीन गावे लष्करी अळीच्या...नागपूर ः राज्यभरात मक्‍यावरील अमेरिकन लष्करी...
राज्यात अनेक ठिकाणी हलक्या ते मध्यम सरीपुणे ः  कमी दाबाच्या क्षेत्रामुळे राज्यातील...
श्रमशक्तीच्या जागरातून घडवूया समृद्ध...कितीही प्रगती झाली तरी मानवी जीवन, निसर्ग आणि...
शेतकऱ्यांच्या ‘महारोषा’चे काय?मुख्यमंत्री देवेंद्र फडणवीस यांच्या नेतृत्वाखालील...
खानदेशात लष्करी अळीकडून ४० टक्के मका...जळगाव  ः खानदेशात मका पिकावर अमेरिकन लष्करी...
नाशिक जिल्ह्यात मका लष्करी अळीच्या...नाशिक  : जिल्ह्यात यंदा अमेरिकन लष्करी अळीचा...
शेतकऱ्यांसाठी 'इर्मा' लागू करण्याचा...पुणे : राज्यात शेतकऱ्यांसाठी इर्मा अर्थात ‘‘इनकम...
दसरा-दिवाळीपर्यंत अभूतपूर्व 'कांदाटंचाई'पुणे : राज्यातील बाजार समित्यांत दोन दिवसांत...
कोकण, मध्य महाराष्ट्रात जोरदार पावसाची...पुणे : कर्नाटक, गोवा, अरबी समुद्र, कोकण आणि...
ठिकठिकाणी पावसाची हजेरीपुणे ः कमी दाबाचे क्षेत्र सक्रिय झाल्याने...
पाच कीटकनाशकांवर अमरावती विभागात दोन...मुंबई : कीटकनाशकांच्या वापरामुळे शेतकरी व...