agriculture news in marathi, Monsoon progress in Sikkim, west bengal | Agrowon

मॉन्सूनची सिक्कीम, पश्चिम बंगालपर्यंत मजल

टीम अॅग्रोवन
सोमवार, 17 जून 2019

पुणे : अरबी समुद्रात गुजरातच्या किनाऱ्यावर असलेल्या ‘वायू’ चक्रीवादळामुळे मॉन्सूनच्या वाटचालीवर परिणाम झाला. अद्यापाही वादळाचे अस्तित्व असल्याने अरबी समुद्रातून मॉन्सूनने अपेक्षित चाल केलेली नाही. तर बंगालच्या उपसागरावरील शाखेने आणखी एक टप्पा पूर्ण केला आहे. रविवारी (ता. १६) मॉन्सूनने संपूर्ण ईशान्य भारत व्यापून पूर्व भारतातील सिक्कीम, पश्चिम बंगालच्या काही भागापर्यंत मजल मारल्याचे हवामान विभागाने स्पष्ट केले. 

पुणे : अरबी समुद्रात गुजरातच्या किनाऱ्यावर असलेल्या ‘वायू’ चक्रीवादळामुळे मॉन्सूनच्या वाटचालीवर परिणाम झाला. अद्यापाही वादळाचे अस्तित्व असल्याने अरबी समुद्रातून मॉन्सूनने अपेक्षित चाल केलेली नाही. तर बंगालच्या उपसागरावरील शाखेने आणखी एक टप्पा पूर्ण केला आहे. रविवारी (ता. १६) मॉन्सूनने संपूर्ण ईशान्य भारत व्यापून पूर्व भारतातील सिक्कीम, पश्चिम बंगालच्या काही भागापर्यंत मजल मारल्याचे हवामान विभागाने स्पष्ट केले. 

‘वायू’ चक्रीवादळामुळे थांबलेला उत्तरेकडील प्रवास सुरू करत नैर्ऋत्य मोसमी वाऱ्यांनी (मॉन्सून) शुक्रवारी (ता. १४) दक्षिण कर्नाटकच्या मंगळूर, मैसूर, तमिळनाडूतील सालेम, कुड्डालोरपर्यंत मजल मारली. ईशान्य भारतातील त्रिपुरा, असाम आणि अरुणाचल प्रदेश राज्याच्या काही भागांत मॉन्सून दाखल झाला. त्यानंतर अरबी समुद्रावरून मॉन्सूनची वाटचाल झालेली नाही. मात्र रविवारी बंगालच्या उपसागरावरील शाखेने सिक्कीमची राजधानी गंगटोक आणि पश्चिम बंगालमधील अलीपूरदूअरपर्यंतच्या भागापर्यंतचा टप्पा पूर्ण केला आहे. 

केरळमध्ये यंदा आठवडाभर उशिराने येणाऱ्या मॉन्सूनचे महाराष्ट्रातील आगमनही खूपच लांबले आहे. सर्वसाधारण वेळेनुसार साधारणत: ७ जूनपर्यंत तळकोकणात मॉन्सूनचे आगमन होते. तर १० जूनपर्यंत मॉन्सून पुणे, मुंबईसह कोकण, मध्य महाराष्ट्र, मराठवाड्याचा बहुतांशी भाग व्यापतो. तर १५ जूनपर्यंत मॉन्सून वेगाने वाटचाल करत, पूर्व भारतातील सर्व राज्य, गुजरात आणि मध्य प्रदेशाचा बहुतांशी भाग व्यापतो. यावर्षी सुरवातीपासून अडखळणाऱ्या मॉन्सूनची वाटचाल खूपच धीम्या गतीने सुरू आहे. १६ जून उलटूनही मॉन्सूनने दक्षिण कर्नाटकपर्यंतच मजल मारली आहे.

‘वायू’ चक्रीवादळ ओसरतेय
अरबी समुद्रात गुजरातच्या किनाऱ्यालगत घोंघावत असलेले अतितीव्र वायू चक्रीवादळ आसेरत आहे. गुजरातच्या किनाऱ्यापासून पश्चिमेकडे सरकत असलेले हे चक्रीवादळ पुन्हा गुजरातच्या किनाऱ्याकडे माघारी फिरणार आहे. रविवारी (ता. १६) सकाळी अकरा वाजता हे वादळ गुजरातच्या किनाऱ्यावरील पोरबंदरपासून पश्चिमेकडे ७४० किलोमीटर, द्वारकापासून ४४० किलोमीटर आणि भूजपासून ५४५ किलोमीटर पश्चिमेकडे समुद्रात होते. हे वादळ सोमवारी मध्य रात्रीपर्यंत वादळ तीव्र कमी दाब क्षेत्राच्या स्वरूपात उत्तर गुजरातला धडकण्याची शक्यता आहे. त्यामुळे मंगळवारपर्यंत (ता. १८) गुजरातमध्ये मुसळधार पावसाची शक्यता आहे. 


इतर ताज्या घडामोडी
पुणे जिल्ह्यात ज्वारी पिकावर चिकट्याचा...पुणे ः पुणे जिल्ह्याच्या पश्चिम जिरायत भागात...
प्रशासकीय कामकाज सेवा हमी कायद्यानुसार...अकोला ः शासकीय योजनांचा लाभ लाभार्थ्यांपर्यंत...
वीज रोहित्र ४८ तासांत बदलून द्या;...अकोला ः वीज रोहित्रांबाबत शेतकऱ्यांच्या असंख्य...
अर्थसंकल्पात शेतकऱ्यांना न्याय न...मुंबई ः केंद्र सरकारचे कृषीविषयक धोरण सातत्याने...
पुणे, मुंबई बाजार समितीच्या निवडणुका...पुणे ः उच्च न्यायालयाच्या आदेशाने सुरू असलेल्या...
फडणवीस सरकारच्या टेंडर मॅनेजमेंट...मुंबई ः काँग्रेस पक्षाने २६ ऑगस्ट २०१९ व २९ ऑगस्ट...
शेतीमाल निर्यातबंदी उठवण्यासाठी लढा...औरंगाबाद : शेतकऱ्यांना दिलेली आश्‍वासने पूर्ण...
साखर उद्योग सक्षम करण्यासाठी प्रयत्नशील...पुणे ः साखर उद्योगाचे एक चक्र असून, या उद्योगाला...
‘किसान सन्मान’ निधी : दोष प्रशासनाचा,...जळगाव : शासकीय यंत्रणेकडून बॅंक खात्यासंबंधीची...
एकरकमी एफआरपीसाठीचा ठिय्या लेखी...नांदेड : एफआरपीनुसार ऊस देयकाची रक्कम एकरकमी...
परभणी जिल्ह्यात ‘पोकरां’तर्गत साडेसात...परभणी : ‘‘नानाजी देशमुख कृषी संजीवनी प्रकल्पा(...
आटपाडी तालुक्‍यात शेतकऱ्यांच्या...आटपाडी, जि. सांगली : अवकाळी नुकसान अनुदान वाटपात...
कोपुरली येथे आदिवासी पाड्यावर...नाशिक : केंद्रीय खादी ग्रामोद्योग विभागाच्या...
कंदपिकांच्या दर्जेदार बेण्यांची उपलब्धताहवामानबदलाच्या काळात कंदपिके अन्नसुरक्षेसाठी...
महिला बचत गटातून पूरक उद्योगांना गतीगेल्या वर्षी मी लोकनियुक्त सरपंच झाले....
राज्यात द्राक्ष प्रतिक्विंटल १५०० ते...परभणीत ५४०० ते ७००० रुपये परभणी येथील पाथरी...
साखर उद्योगाच्या इंडोनेशियाकडून अपेक्षा...कोल्हापूर : निर्यातीसाठी महत्त्वाचा देश असणाऱ्या...
दूध, मांस, अंडी, लोकर उत्पादनवाढीसाठी...मुंबई  : राज्यात दूध, अंडी, मांस व लोकर...
थकीत एफआरपीसाठी साखर सहसंचालक...नांदेड : एफआरपीनुसार ऊस देयकाची रक्कम एकरकमी...
कृषी सहसंचालकपदाचा पदभार तात्पुरता...पुणे  : राज्याच्या ‘पोकरा’ प्रकल्पाचे कृषी...