agriculture news in Marathi Monsoon return from half state Maharashtra | Agrowon

निम्म्या महाराष्ट्रातून मॉन्सूनची माघार 

टीम अॅग्रोवन
मंगळवार, 27 ऑक्टोबर 2020

परतीच्या मॉन्सूनने गेल्या आठवड्यापासून वेगाने प्रवास सुरू केला आहे. सोमवारी (ता.२६) संपूर्ण विदर्भासह निम्म्या महाराष्ट्रातून मॉन्सूनने माघार घेतली आहे. 

पुणे : परतीच्या मॉन्सूनने गेल्या आठवड्यापासून वेगाने प्रवास सुरू केला आहे. सोमवारी (ता.२६) संपूर्ण विदर्भासह निम्म्या महाराष्ट्रातून मॉन्सूनने माघार घेतली आहे. राज्यातील डहाणू, नाशिक, नांदेडपर्यंतचा भाग व तेलंगाणा, आंध्र प्रदेश व ओडिशातील श्रीनिकेतन, कूछ बेहर, घस्तीला, केवजरगड, नोवरंगपूर, इल्लूरू नालगोंडा या भागातून मॉन्सूनचे वारे माघारी फिरले आहे. 

दरम्यान उद्यापर्यंत (ता.२८) मॉन्सून संपूर्ण देशाचा निरोप घेण्याची शक्यता हवामान 
विभागाच्या सूत्रांनी वर्तविली आहे. 

यंदा हवामान विभागाने बदलेल्या हवामान नियोजनानुसार १७ सप्टेंबरला परतीच्या मॉन्सूनचा प्रवास सुरू होण्याचा अंदाज दिला होता. मात्र, नियमित सर्वसाधारण वेळेच्या तब्बल अकरा दिवस उशिराने मॉन्सून परतीच्या प्रवासाला सुरूवात झाली होती. वायव्य भारतातील पश्चिम राजस्थानातून २८ सप्टेंबर रोजी मॉन्सूनने परतीचा प्रवास सुरू केला. सहा ऑक्टोबर रोजी बहुतांशी वायव्य आणि उत्तर भारतातून वारे परतले. बंगालच्या उपसागरातील कमी दाब क्षेत्रामुळे परतीच्या प्रवासाला अडथळा तयार होऊन परतीचा मॉन्सून रेंगाळला होता. 

राज्यात गेले पंधरा दिवस मॉन्सूनचा परतीचा प्रवास सुरू झाल्यानंतर पावसाने चांगलाच धुमाकूळ घातला होता. वादळी वारे, विजांच्या कडकटासह मध्यम महाराष्ट्र, 
कोकण, मराठवाडा व विदर्भात मुसळधार पाऊस पडल्याने शेतकऱ्यांचे मोठे नुकसान झाले. परंतु मागील चार ते पाच दिवसांपासून राज्याच्या अनेक भागात पावसाने उघडीप दिली आहे. त्यामुळे राज्यातून परतीच्या मॉन्सूनच्या वाऱ्यांनी माघार घेतली असून परतीच्या सुधारित वेळा पत्रकानुसार पंधरा ऑक्टोबरपर्यंत मॉन्सून देशातून माघारी जाणे अपेक्षित होते. उद्या मॉन्सून देशाचा निरोप घेण्याची शक्यता असून, त्यानंतर दक्षिण भारतात ईशान्य मॉन्सून सक्रिय होणार 
असल्याची शक्यता आहे. 

राज्यातून मॉन्सूनने माघार घेतलेली वेळ 

वर्ष तारीख 
२०१९ १३ ते १५ ऑक्टोबर 
२०१८ ५ ते ६ ऑक्टोबर 
२०१७ १५ ते १६ ऑक्टोबर 
२०१६ १४ ते १५ ऑक्टोबर 
२०१५ ६ ते १४ ऑक्टोबर 

 


इतर बातम्या
चक्रीवादळांचा तडाखा यंदा वाढलापुणे : चक्रीवादळ निर्मिती नैसर्गिक असली, तरी...
खानदेशात यात्रांअभावी अनेकांवर...सोनगीर, जि. धुळे  : खानदेशात पावसाळा वगळता...
नाशिक जिल्ह्यात रब्बीच्या पेरणीसाठी...गिरणारे, जि. नाशिक : खरीप हंगामातील भात, भुईमूग,...
खांबाळे, पडवणे येथील आंबा, काजूची ६००...सिंधुदुर्ग ः जिल्ह्यातील खांबाळे (ता....
बोडखा येथे ‘स्वाभिमानी’चे झाडावर...बुलडाणा : केंद्र सरकारने पारित केलेले शेतकरी...
औरंगाबादमध्ये केंद्राच्या कृषी...औरंगाबाद : केंद्र सरकारने पारित केलेले तीन कृषी...
खानदेशात सव्वा लाख हेक्टरवर पेरणीजळगाव : खानदेशात मक्याची लागवड सुरूच आहे. रब्बी...
परभणी जिल्ह्यात कापूस विक्रीच्या...परभणी : ‘‘राज्य सहकारी कापूस उत्पादक पणन...
नाशिक विभागात रोज एक लाख टन उसाचे गाळपनगर  ः नाशिक विभागातील ३२ पैकी २५ साखऱ...
औरंगाबाद, नगर जिल्ह्यात कापसाची ३४ हजार...औरंगाबाद : राज्य कापूस उत्पादक पणन महासंघाच्या...
कृषी कायद्यांविरोधात साताऱ्यात धरणेसातारा : शेतकरी विरोधी कायदे मागे घेण्यासाठी...
साखरेची ‘एमएसपी’पेक्षा कमी किमतीने मागणीकोल्हापूर : देशांतर्गत बाजारात साखरेची विक्री...
जालना जिल्ह्यात दहा हजार क्‍विंटलवर...जालना : ‘‘जिल्ह्यात मक्याची किमान आधारभूत...
काजू उत्पादकांना दिलासामुंबई : महाविकास आघाडी सरकारने राज्यातील काजू...
का येताहेत चक्रीवादळे? भारताच्या पूर्व भागात असलेला बंगालचा उपसागर,...
कृषी कायद्यांविरोधात राज्यात...पुणे ः केंद्र सरकारने मंजूर केलेल्या कृषी आणि पणन...
किसान समन्वय समितीचा अकोले येथे मोर्चा नगर ः केंद्र सरकारने केलेल्या कृषी कायद्यांना...
महिनाभर जमीन आरोग्य सुधार अभियानऔरंगाबाद : जमिनीच्या सुपीकतेवर भर देण्याची गरज...
दक्षिण भारतात मुसळधार पाऊसपुणे ः बंगालच्या उपसागरात तयार झालेले बुरेवी...
खत विक्रीत वाढपुणे : देशात कोविड १९ ची समस्या तसेच लॉकडाउन...