मॉन्सून उत्तर भारतातून परतला

माॅन्सून वाटचाल
माॅन्सून वाटचाल

पुणे: नैर्ऋत्य मोसमी वाऱ्यांनी (मॉन्सून) शक्रवारी (ता. ११) उत्तर भारतातून पूर्णपणे माघार घेतली आहे. पूर्व आणि मध्य भारतातील राज्याच्या काही भागांतून मॉन्सूनने काढता पाय घेतला आहे. रविवारपर्यंत (ता. १३) देशाच्या आणखी काही भागांतून मॉन्सून परतणार असल्याचे हवामान विभागाने स्पष्ट केले आहे. यातच विदर्भ, उत्तर महाराष्ट्रातही अनेक ठिकाणी पावसाने उघडीप दिली आहे. या भागात कोरडे हवामान असल्याने लवकरच मॉन्सून परतण्यासाठी पोषक हवामान होत आहे.  मॉन्सूनने आतापर्यंतच्या सर्वांत उशिराने सुरू केलेल्या परतीच्या प्रवासात वेगाने वाटचाल सुरू केली आहे. साधारणत: १ सप्टेंबर रोजी परतीला निघणारा मॉन्सून यंदा तब्बल सव्वा महिना अधिकचा मुक्काम केल्यानंतर बुधवारी (ता. ९) पश्चिम राजस्थानमधून माघारी फिरला आहे. दुसऱ्याच दिवशी गुरुवारी (ता. १०) मॉन्सूनने हरियाना, चंदीगड, दिल्लीचा संपूर्ण भाग, राजस्थान व पंजाबचा बराचसा भाग, तसेच उत्तराखंड, उत्तर प्रदेश आणि मध्य प्रदेशाच्या काही भागांचा निरोप घेतला. शुक्रवारी (ता. ११) जम्मू काश्मीर, हिमाचल प्रदेश, उत्तराखंड, पंजाब, उत्तर प्रदेश, राजस्थान राज्याच्या संपूर्ण भाग, बिहार, झारखंड, छत्तीसगड, मध्य प्रदेश, गुजरातमधील सौराष्ट्र आणि कच्छच्या काही भागांतून माघार घेतली आहे. परतीच्या पुढील वाटचाली पोषक हवामान असल्याने रविवारपर्यंत (ता. १३) मध्य, पूर्व आणि पश्चिम भारतातील राज्यामधून मॉन्सून परतेल, असे संकेत हवामान विभागाने दिले आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com