agriculture news in marathi, monsoon return till Gujrat and Uttar pradesh, Maharashtra | Agrowon

मॉन्सूनची उत्तर प्रदेश, गुजरातपर्यंत माघार

टीम अॅग्रोवन
मंगळवार, 2 ऑक्टोबर 2018

पुणे ः माॅन्सूनचा परतीचा प्रवास सुरू झाल्यानंतर पोषक स्थिती असल्याने आणखी काही भागातून माघार घेतली आहे. सोमवारी (ता. १) राजस्थानचा उर्वरित भाग, जम्मू काश्मीर, पंजाब, हरियाना, चंदीगड, दिल्ली, हिमाचल प्रदेशातून माॅन्सून परतला आहे. उत्तर प्रदेशच्या पश्चिम, पूर्वच्या संपूर्ण भागातून आणि गुजरात व उत्तर अरबी समुद्राच्या काही भागातून माॅन्सूनने माघार घेतली आहे, असे हवामान विभागाच्या सूत्रांनी सांगितले.

पुणे ः माॅन्सूनचा परतीचा प्रवास सुरू झाल्यानंतर पोषक स्थिती असल्याने आणखी काही भागातून माघार घेतली आहे. सोमवारी (ता. १) राजस्थानचा उर्वरित भाग, जम्मू काश्मीर, पंजाब, हरियाना, चंदीगड, दिल्ली, हिमाचल प्रदेशातून माॅन्सून परतला आहे. उत्तर प्रदेशच्या पश्चिम, पूर्वच्या संपूर्ण भागातून आणि गुजरात व उत्तर अरबी समुद्राच्या काही भागातून माॅन्सूनने माघार घेतली आहे, असे हवामान विभागाच्या सूत्रांनी सांगितले.

बंगालच्या उपसागरापासून ते पूर्वमध्ये अरबी समुद्रापर्यंत हवेचा कमी दाबाचा पट्टा सक्रिय झाला आहे. त्यामुळे मध्य महाराष्ट्र, तमिळनाडू, कर्नाटकच्या काही काही भागांत पावसासाठी पोषक वातावरण तयार होत आहे. उत्तर प्रदेश, मध्य प्रदेश, गुजरात, अरबी समुद्र, बिहार, झारखंड, छत्तीसगड आणि महाराष्ट्राच्या काही भागांत अजून दोन ते तीन दिवस जोरदार पाऊस पडणार आहे.

कोकण, पश्चिम महाराष्ट्रातील काही ठिकाणी वादळी पावसाने हजेरी लावली. उत्तर महाराष्ट्र, मराठवाडा व विदर्भात पावसाची उघडीप असल्याने तापमानाचा पारा वाढला आहे. कमाल तापमान वाढू लागले असून, ‘आॅक्टोबर हीट’ ही चांगलीच जाणवू लागली आहे. सोमवारी (ता. १) सकाळी आठ वाजेपर्यंतच्या चोवीस तासांत जळगाव येथे ३६.७ अंश सेल्सिअसची नोंद झाली आहे. मात्र, दुपारनंतर अचानक हवामानात बदल होत असून ढग गोळा होत आहेत. त्यामुळे तुरळक ठिकाणी जोरदार पाऊस पडत आहे. सोमवारी दुपारी पुणे शहराच्या काही भागांत मेघगर्जनेसह जोरदार पाऊस पडला. रविवारी (ता. ३०) कोकणातील सावंतवाडी, वैभववाडी, वेंगुर्ला येथे २० मिलिमीटर, चिपळूण, म्हसळा, केपे येथे दहा मिलिमीटर पाऊस पडला. मध्य महाराष्ट्रातील खेड येथे तीस मिलिमीटर, पुण्यातील लोहगाव परिसरात वीस, उर्वरित भागात हलका ते मध्यम स्वरूपाचा मेघगर्जनेसह पाऊस पडला.

सोमवारी (ता. १) सकाळी आठ वाजेपर्यंतच्या चोवीस तासांतील कमाल तापमान (अंश सेल्सिअसमध्ये) ः
पुणे ३३.६, जळगाव ३६.७, कोल्हापूर ३१.९, महाबळेश्वर २६.१, मालेगाव ३६.२, नाशिक ३३.८, सांगली ३१.६, सातारा ३२.५, सोलापूर ३६.४, मुंबई ३६.६, सांताक्रूझ ३६.१,
अलिबाग ३४.८, रत्नागिरी ३३.६, औरंगाबाद ३५.०, परभणी ३६.०, नांदेड ३५.५, अकोला ३५.९, अमरावती ३५.६, बुलडाणा ३२.४, चंद्रपूर ३५.४, गोंदिया ३४.२, नागपूर ३४.६,
वर्धा ३५.५, यवतमाळ ३५.५.

अनेक ठिकाणी जोर वाढणार
अरबी समुद्र आणि कर्नाटकच्या परिसरात चक्राकार वाऱ्याची स्थिती तयार झाल्यामुळे परतीचा पाऊस वेगाने दक्षिणेकडे सरकत आहे. येत्या गुरुवार (ता. ४) पर्यंत कोकण, मध्य महाराष्ट्रात काही ठिकाणी, तर मराठवाडा व विदर्भात जोर वाढणार असून, तुरळक ठिकाणी मेघगर्जनेसह पाऊस पडण्याची शक्यता आहे. शुक्रवारी (ता. ५) मध्य महाराष्ट्र, मराठवाडा व विदर्भात हवामान कोरडे राहण्याचा अंदाज हवामान विभागाच्या सूत्रांनी वर्तविला आहे.


इतर अॅग्रो विशेष
‘पीएम-किसान’चा १२ कोटी शेतकऱ्यांना...नवी दिल्ली: शेतकऱ्यांना कृषी निविष्ठा खरेदीसाठी...
पंजाबमध्ये भूमिहीन शेतमजुरांना कर्जमाफीचंदीगड, पंजाब: राज्याचा २०२०-२१ चा १.५४ लाख...
देशात ११० लाख टन हरभरा उत्पादनाचा अंदाजनवी दिल्ली: देशात यंदा हरभरा उत्पादनात वाढ...
‘पोकरा’तील सामुदायिक शेततळे, शेळीपालन...अकोला ः राज्यात राबविल्या जात असलेल्या नानाजी...
वन्यप्राण्यांचा वाढता तापअकोला जिल्ह्यातील तांदुळवाडी येथील एका...
पीकविम्यातील बदलांचा लाभ कुणाला?‘ऐच्छिक’ घात  देशभरात एकूण शेतकऱ्यांपैकी ५८...
एक लाख टन मका म्यानमारमधून आयातनवी दिल्ली: देशात यंदा कमी उत्पादन झाल्याने...
राज्यातील बावीस कारखान्यांचा गाळप हंगाम...कोल्हापूर  : राज्यातील ऊस गाळप हंगाम हळूहळू...
दूध संकलनासह पदार्थनिर्मितीतून प्रगतीपुणे जिल्ह्यातील वढू (ता. शिरूर) येथील सुनील आणि...
एकलव्य शेतकरी बचत गटाचे उपक्रमगोळप (ता. जि. रत्नागिरी) गावातील एकलव्य शेतकरी...
विदर्भात आज गारपिटीचा इशारापुणे : पूर्व आणि पश्चिमेकडून वाहणाऱ्या वाऱ्यांचा...
संघर्ष येथील संपणार कधी? शेती कसत असताना शेतकऱ्यांना येणाऱ्या अडचणी, करावा...
`ज्ञानेश्‍वरी'त दडलंय कृषी विज्ञान कां सु क्षेत्री बीज घातले।  ते आपुलिया परी...
निर्यातबंदी उठविल्याचे कांदा बाजारात...नाशिक : केंद्रीय अन्न व नागरी पुरवठा मंत्री...
साडेआठशे कोटींची एफआरपी थकलीपुणे: राज्यातील साखर कारखान्यांनी ऊस उत्पादक...
‘जानुबाई’, ‘केशवराज’ संस्था ठरल्या...पुणे: पाणीवापर संस्थांच्या माध्यमातून प्रभावी...
साम टीव्ही न्यूज महाराष्ट्रात ‘नंबर १’मुंबई ः सर्वोत्तम न्यूज चॅनेल्सच्या स्पर्धेत ‘...
कृषी परिषदेने विद्यापीठांसाठी नेमले...पुणे : महाराष्ट्र राज्य कृषी शिक्षण व संशोधन...
विदर्भात वादळी पावसाची शक्यतापुणे: पावसाला पोषक हवामान होत असल्याने विदर्भ,...
शेतकऱ्यांना खते, बियाणे अन् महिलांना...शुद्ध पाणीपुरवठा, गावाअंतर्गत सिमेंट रस्ते,...