मॉन्सूनची दक्षिण अरबी समुद्रात चाल

माॅन्सून वाटचाल
माॅन्सून वाटचाल

पुणे : नैऋत्य मोसमी वाऱ्यांनी (मॉन्सून) सोमवारी (ता. ३) अरबी समुद्राच्या दक्षिण भागात चाल केली आहे. श्रीलंकेच्या दक्षिण किनाऱ्यापर्यंत पोचलेल्या मॉन्सूनने मालदीव बेटे आणि कोमोरीन भाग, तसेच बंगालच्या उपसागराच्या आणखी काही भागांतही प्रगती केल्याचे हवामान विभागाने म्हटले आहे. विषुववृत्ताकडून येणारे वाऱ्याचे प्रवाह, तसेच या भागात असलेले ढगांचे अाच्छादन यावरून वाऱ्यांनी प्रगती केल्याचे जाहीर करण्यात आले आहे.  गुरुवारी (ता. ३०) मॉन्सूने संपूर्ण अंदमान बेटांचा परिसर व्यापला. तर अरबी समुद्राच्या दक्षिणेकडे असलेल्या मालदीव बेटे आणि लगतच्या कोमोरीन भागापर्यंत मॉन्सून दाखल झाला होता.  बुधवारी (ता. ५) दक्षिण भारतात वाऱ्यांचे पूर्व-पश्चिम जोडक्षेत्र तयार होण्याचे संकेत आहेत. त्यानंतर मॉन्सूनच्या केरळातील आगमनासाठी पोषक हवामान होईल. यंदा मॉन्सून ६ जून रोजी केरळात दाखल होण्याचा अंदाज हवामान विभागाने यापूर्वीच दिला आहे. केरळमध्ये दाखल झाल्यानंतर मॉन्सूनची पुढील वाटचाल निश्चित होणार आहे.  दरम्यान हवामान विभागाने यंदा १८ ते १९ मेपर्यंत मॉन्सून अंदमानात दाखल होण्याचा अंदाज वर्तविलेला होता. अंदाजानुसार सर्वासाधारण आगमनाच्या (ता. २०) दोन दिवस अगोदर शनिवारी १८ मे रोजी मॉन्सून अंदमानात पोचला आहे. त्यानंतर तब्बल आठवडाभरानंतर २५ मे रोजी मॉन्सूनने थोडीशी चाल केली. मॉन्सूनची पुढील वाटचालही अडखळतच सुरू राहिली.  ३० जून रोजी मॉन्सूनने संपर्ण अंदमान व्यापून अरबी समुद्राकडे चाल केली होती. सोमवारी (ता. ३) वाऱ्यांनी आणखी चाल केली आहे. बुधवारपर्यंत (ता. ५) अरबी समुद्राच्या आणखी काही भागात मॉन्सूनची प्रगती शक्य आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com