agriculture news in Marathi, Monsoon withdraw form country, Maharashtra | Agrowon

परतीचा मॉन्सून आठ दिवसात माघारी

टीम अॅग्रोवन
गुरुवार, 17 ऑक्टोबर 2019

पुणे : नैर्ऋत्य मोसमी वाऱ्यांनी (मॉन्सून) बुधवारी (ता.१६) महाराष्ट्रासह संपूर्ण देशाचा निरोप घेतला आहे. दक्षिण भारतातील केरळ, आंध्र प्रदेश, तामिळनाडू, कर्नाटकमध्ये ईशान्य मोसमी वारे ईशान्य मॉन्सून) सक्रिय झाल्याचे हवामान विभागाने जाहीर केले. यंदा केरळमध्ये ८ जून रोजी दाखल झालेल्या मॉन्सूनने चार महिन्यापेक्षा अधिक काळ देशाच्या विविध भागात मुक्काम केला. तर राजस्थानातून सर्वांत उशिराने ९ ऑक्टोबर रोजी परतीचा प्रवास सुरू करणाऱ्या मॉन्सूनने आठवडाभरातच परतीचा प्रवास पूर्ण केला आहे.  

पुणे : नैर्ऋत्य मोसमी वाऱ्यांनी (मॉन्सून) बुधवारी (ता.१६) महाराष्ट्रासह संपूर्ण देशाचा निरोप घेतला आहे. दक्षिण भारतातील केरळ, आंध्र प्रदेश, तामिळनाडू, कर्नाटकमध्ये ईशान्य मोसमी वारे ईशान्य मॉन्सून) सक्रिय झाल्याचे हवामान विभागाने जाहीर केले. यंदा केरळमध्ये ८ जून रोजी दाखल झालेल्या मॉन्सूनने चार महिन्यापेक्षा अधिक काळ देशाच्या विविध भागात मुक्काम केला. तर राजस्थानातून सर्वांत उशिराने ९ ऑक्टोबर रोजी परतीचा प्रवास सुरू करणाऱ्या मॉन्सूनने आठवडाभरातच परतीचा प्रवास पूर्ण केला आहे.  

वायव्य भारतात हवेच्या खालच्या थरात केंद्रभागी दाब अधिक असलेली चक्राकार वाऱ्यांची स्थिती (ॲण्टी सायक्लोनीक सर्कुलेशन) तयार होऊन, पावसाची उघडीप असल्यानंतर राजस्थानातून परतीचा प्रवास सुरू झाल्याचे जाहीर करण्यात येते. सलग पाच दिवस पावसाची उघडीप, सकाळच्या वेळी हवेतील बाष्पाचे कमी झालेले प्रमाण, वाऱ्यांची बदलेली दिशा आदी निरीक्षणानंतर मॉन्सूनची देशाच्या विविध भागातील परतीची वाटचाल ठरते. महाराष्ट्रातून मॉन्सून परतल्यानंतर देशभरातून मॉन्सून परतल्याचे, तसेच दक्षिण भारतात ईशान्य मोसमी वारे ईशान्य मॉन्सून सक्रिय झाल्याचे जाहीर केले जाते.

केरळमध्ये यंदा तब्बल आठवडाभर उशिराने दाखल होणाऱ्या मॉन्सूनची वाटचाल सुरुवातीपासून अडखळत झाली. १८ मे रोजी अंदमानात पोचलेल्या मॉन्सूनचा पुढील प्रवास लांबला. देवभुमी केरळात तब्बल आठवडाभर उशिराने ८ जून रोजी मॉन्सून दाखल झाला. अरबी समुद्रात तयार झालेल्या अतितीव्र ‘वायू’ चक्रीवादळाने मॉन्सूनची वाटचाल रोखून धरली. त्यामुळे वाऱ्याचा वेग मंदावलाच, तसेच बाष्प ओढून नेल्याने पाऊसही लांबला.

साधारणत: ७ जूनपर्यंत तळ कोकणात पोचणारा मॉन्सून, १९७२ नंतर प्रथमच २० जून रोजी तळकोकणात पोचला. तसेच २५ जून रोजी वाऱ्यांनी राज्य व्यापले. त्यानंतर मजल दरमजल करत दीर्घकालीन सर्वसाधारण वेळेच्या चार दिवस उशिराने म्हणजेच १९ जुलै रोजी मॉन्सूनने देश व्यापला. मॉन्सून कालावधीत जून ते सप्टेंबर देशात ११० टक्के पाऊस पडला. ११९४ नंतर २५ वर्षानंतर देशात सर्वाधिक पावसाची नोंद झाली आहे. 

यंदाच्या हंगामात उशिराने झालेले आगमन, पावसाची प्रमाण, परतीची सुरुवात या सर्वच बाबतीतील विक्रम मोडले गेले. बुधवारी (ता. ९) राजस्थानातून माघारी फिरलेल्या मॉन्सूनचा आतापर्यंतच्या सर्वांत उशिराने परतीच्या प्रवास ठरला आहे. यापूर्वी १ ऑक्टोबर १९६१ मध्ये सर्वांत उशिराने माघारी फिरला होता. त्यानंतर २००७ मध्ये ३० सप्टेंबर रोजी राजस्थानातून मॉन्सूनचा परतीचा प्रवास सुरू झाला होता.

यंदा या दोन्ही वेळा चुकवून मॉन्सून सर्वांत उशिराने ९ ऑक्टोबर रोजी परतीच्या प्रवासाला निघाला. मॉन्सूनचा परतीचा प्रवास प्रचंड वेगाने झाला. आठवडाभरातच मॉन्सून संपुर्ण देशातून परतला. तब्बल सव्वा महिना उशिराने परतीवर निघालेल्या मॉन्सूनने दीर्घकालीन सर्वसाधारण वेळेच्या (१५ ऑक्टोबर) केवळ एक दिवस उशिराने देशाचा निरोप घेतला. दक्षिण भारतातील राज्यामध्ये ईशान्य मॉन्सून सक्रिय झाला असून, १५ डिसेंबरपर्यंत या राज्यांमध्ये ईशान्य मॉन्सून मुक्काम करेल.

गेल्या काही वर्षांतील मॉन्सूनची परतीची वाटचाल 

वर्ष राजस्थानातून माघार देशाचा निरोप
२०११ २३ सप्टेंबर २४ ऑक्टोबर
२०१२ २४ सप्टेंबर १८ ऑक्टोबर
२०१३ ९ सप्टेंबर २१ ऑक्टोबर
२०१४ २३ सप्टेंबर १८ ऑक्टोबर
२०१५ ४ सप्टेंबर १९ ऑक्टोबर
२०१६ १५ सप्टेंबर २८ ऑक्टोबर
२०१७ २७ सप्टेंबर २५ ऑक्टोबर
२०१८ २९ सप्टेंबर २९ ऑक्टोबर
२०१९ ९ ऑक्टोबर १६ ऑक्टोबर

 


इतर अॅग्रो विशेष
टोमॅटोवर जिवाणूजन्य ठिपक्या रोगाचा...नाशिक: चालू वर्षी टोमॅटोवरील विषाणूजन्य रोगांचा...
मराठवाड्यातील प्रकल्पांतील पाणीसाठा ५०...औरंगाबाद : मराठवाड्यातील ८७३ प्रकल्पातील उपयुक्त...
परस्पर पुनर्गठन केल्याने शेतकरी...दानापूर, जि. अकोला ः येथील सेवा सहकारी सोसायटीने...
राज्यातील साखर कारखान्यांकडून एफआरपीचे...पुणे: राज्यातील साखर कारखान्यांनी लॉकडाउन आणि...
शेतमाल नियमनमुक्ती : आहे मनोहर, तरी... पुणे ः संपूर्ण शेतमाल नियमनमुक्तीचे स्वागतच आहे....
कृषी सुविधा निधीला आजपासून प्रारंभनवी दिल्ली ः कृषी क्षेत्रातील पायाभूत सुविधांच्या...
बाजार समित्यांपुढे स्पर्धेचे आव्हान पुणे ः केंद्र सरकारच्या ‘एक देश, एक बाजार'...
धक्कादायक, सरकारी समित्यांमध्ये ...पुणे: पीकविमा योजनेसहित कृषी योजने संबंधित सर्व...
कोकण, मध्य महाराष्ट्र, विदर्भात हलक्या...पुणे ः गेल्या दोन दिवसांपासून राज्यातील पावसाचा...
उमाताईंनी मिळवली आयुष्याची भाकरी गाडीवर फिरून ज्वारीच्या कडक भाकरीची विक्री करत...
गुणवत्ता अन् विश्वासाचा ब्रॅण्ड ः...प्रथम गुणवत्तापूर्ण आणि दर्जेदार सीताफळ उत्पादक...
सर्व शेतीमाल संपूर्ण नियमनमुक्त ! ‘एक...पुणे ः सर्व शेतीमालाच्या संपूर्ण नियमनमुक्तीच्या...
कोरोनाच्या संकटातही गुळाचा गोडवा कायमकोल्हापूर : महापुराच्या तडाख्यात सापडूनही सरत्या...
दूध दराच्या दुखण्यावरील इलाजहल्लीच झालेल्या दोन आंदोलनात दूध दराच्या दोन...
‘रेपो रेट’शी आपला काय संबंध?भारतीय रिझर्व्ह बॅंकेने (आरबीआय) ऑगस्ट,...
आदिवासी तालुक्यांमध्ये कोरडा दुष्काळ...नाशिक: कोरोना विषाणूच्या फैलावामुळे राज्याचे...
शेतकरीविरोधी कायद्यावर ‘किसानपूत्र’चे...औरंगाबाद: किसानपूत्र आंदोलनाच्यावतीने...
कोल्हापुरात नद्यांच्या पाण्यात वाढ...कोल्हापूर: जिल्ह्याच्या बहुतांशी भागात पावसाचा...
राज्यात पावसाचा जोर ओसरला पुणे ः कोकण, मध्य महाराष्ट्रात गेल्या चार ते पाच...
शेतकरी विरोधी अध्यादेश रद्द करा मुंबई: केंद्र सरकारने ५ जून २०२० रोजी काढलेले...