Agriculture news in marathi, More product in less water through 'SRT': Bhadsavle | Agrowon

‘एसआरटी’द्वारे कमी पाण्यात अधिक उत्पादन शक्य : भडसावळे

टीम अॅग्रोवन
रविवार, 10 नोव्हेंबर 2019

जमीन शाश्‍वत होण्यासाठी व तिच्यातील सेंद्रिय कर्बाची सुधारणा होण्यासाठी एसआरटी शून्य मशागत तंत्रज्ञान उपयोगी आहे. त्याच्या वापराने जमीन मऊ, सुगंधी व उत्पादनक्षमता वाढविणारी झाली आहे. उपयोगी तंत्रज्ञान वापराची चळवळ निर्माण होणे काळाची गरज आहे.
- चंद्रशेखर भडसावळे, एसआरटी पीक लागवड तंत्राचे जनक
 

औरंगाबाद : ‘‘ एसआरटी तंत्रज्ञानाद्वारे जमिनीची जलधारण क्षमता वाढते. या शिवाय जलपुनर्भरण होते. कमीत कमी पाण्यात पिकाचे उत्पादन घेणे शक्य होते,’’ असे एसआरटी पीक लागवड तंत्राचे जनक चंद्रशेखर भडसावळे यांनी सांगितले.  

राज्यातील १५ जिल्ह्यांत राबविण्यात येत असलेल्या नानाजी देशमुख कृषी संजीवनी प्रकल्पातंर्गत (पोक्रा) शेतीशाळा समन्वयकांनी शेतीविषयक तंत्रज्ञानाची माहिती जाणून घेतली. त्यासाठी औरंगाबाद येथील महसूल प्रबोधिनीत शुक्रवारी (ता. ८) कार्यशाळेचे आयोजन करण्यात आले होते.

नानाजी देशमुख कृषी संजीवनी प्रकल्प मुंबईचे कृषी विद्यावेत्ता विजय कोळेकर, मृदा विशेषज्ञ भाऊसाहेब बऱ्हाटे, कृषी विज्ञान केंद्राचे कार्यक्रम समन्वयक डॉ. किशोर झाडे, ‘आत्माचे’ उपसंचालक पी. बी. अव्हाळे, प्रकल्प विशेषज्ञ विशाल आगलावे, विद्यासागर झुबरे, फराज सय्यद, शंकर निरडे, सचिन भुजबळ व एजाज शाह आदी उपस्थित होते.

पोक्रातंर्गत ४१३४ गावांचा समावेश करण्यात आला आहे. त्यापैकी ३८८५ गावांत शेतीशाळा सुरू आहेत. या प्रकल्पाद्वारे घेण्यात येणाऱ्या शेती शाळांमधून गावांमधील जमिनीच्या पोताची सुधारणा करणे, उत्पादकता वाढविणे आणि शेती किफायशीर बनविण्याचे उद्दिष्ट आहे. पूरक उद्योग शेततळे व इतर योजनांचे २२ प्रकारचे लाभ शेतकऱ्यांना देण्यात येतील. एकच शेतकरी एकाच वेळी एकापेक्षा जास्त लाभ, या प्रकल्पाच्या योजनांमध्ये घेऊ शकेल. जागतिक बँकेचे ७० टक्के व राज्य शासनाच्या ३० टक्के अर्थसहाय्यातून हा प्रकल्प राबविला जातो 
आहे. 

प्रकल्पाद्वारे भ्रमणध्वनीद्वारे हवामान संदेश दिल्याने शेतकऱ्यांना त्याचा फायदा झाल्याचे निदर्शनास आले आहे. हा प्रकल्प शेतकऱ्यांच्या पसंतीस उतरला आहे. बटाटा, हळद, ऊस या पिकांसाठी हे तंत्रज्ञान उपयोग होईल, असे वाटत नसल्याची स्पष्टोक्ती भडसावळे यांनी दिली. बीबीएफ तंत्रज्ञानाच्या उपयोगाविषयी डॉ. किशोर झाडे यांनी सविस्तर मार्गदर्शन केले. त्या वापरासाठीचे यंत्र व त्याचा परिणामकारक वापर याविषयी समन्वयकांनी विचारलेल्या प्रश्नांची उत्तरे देऊन डॉ. झाडे यांनी शंकांचे निरसन केले.


इतर ताज्या घडामोडी
पदोन्नती प्रकरणात ‘पंदेकृवि’ने काढले...अकोला : डॉ. पंजाबराव देशमुख कृषी...
महात्मा फुले कृषी विद्यापीठात आजपासून...नगर  ः कोरोना विषाणूच्या संसर्गाच्या...
महाराष्ट्रात २२ जिल्ह्यांमध्ये `कोरोना`...पुणे : निम्म्याहून अधिक महाराष्ट्राला जेमतेम २८...
केळी पिकवून विकण्यासाठी अखेर...परभणी : ‘लॅाकडाऊन’मुळे केळीच्या दरात मोठी घसरण...
कोल्हापुरात वादळी वाऱ्यासह पाऊस कोल्हापूर : जिल्ह्यात रविवारी (ता.५) सायंकाळी...
जनावरांतील उष्माघाताचे नियंत्रणउन्हाच्या संपर्कात आल्यामुळे जनावरांच्या शरीराचे...
अकोल्यात भाजीपाला, फळविक्रीची ११०...अकोला ः सध्याच्या परिस्थितीत जिल्ह्यातील...
‘वीज दर कपातीत शेतकऱ्यांवरील अन्याय दूर...अकोला ः राज्य वीज नियामक आयोगाने नुकतीच उद्योग,...
नांदेड, परभणी, हिंगोली जिल्ह्यात फुले...नांदेड : ‘लॅाकडाऊन’मुळे नांदेडसह अन्य ठिकाणच्या...
फूल विक्रीचा व्यवसाय डबघाईस; फेकून...शिरपूरजैन, जि. वाशीम : येथील फूल उत्पादक शेतकरी...
बेदाणा निर्मितीसाठी आवश्यक रसायने...नाशिक : द्राक्षापासून बेदाणा निर्मितीसाठी...
नाशिक जिल्ह्यात बेदाणा निर्मितीच्या...नाशिक : ऐन द्राक्ष हंगामाच्या अंतिम टप्प्यात...
मराठवाड्यात फळे, भाजीपाल्याची ८१ हजार...औरंगाबाद : एकीकडे दररोज सकाळीच भरणाऱ्या किरकोळ...
माळीनगरमध्ये आता नीरापासून गुळ उत्पादन लवंग, जि. सोलापूर : सध्या नीरा उत्पादनाचा हंगाम...
आरोग्य कर्मचाऱ्यासांठी सुरक्षेची पूर्ण...नाशिक : जिल्हा सामान्य रुग्णालयातील ‘कोरोना’...
अमरावती बाजार समितीची ३२ अडत्यांवर...अमरावती ः किरकोळ भाजी विक्री न करण्याचे आदेश...
‘कोरोना’विरुद्धच्या लढ्यातील महत्वाचा...मुंबई : ‘कोरोना’विरुद्धच्या लढ्यातील महत्वाचा,...
सोलापूर जिल्ह्यातील साखर कारखान्यांचे...सोलापूर : कोरोना विषाणु संसर्गाच्या...
इस्लामपूरकरांना भाजीपाल्यासह साखरवाटप नवेखेड, जि. सांगली : बोरगाव (ता. वाळवा)...
राज्यातील अतिरिक्त १० लाख लिटर दूध...संगमनेर, जि.नगर : कोरोना विषाणूचा...