अमरावती ः ‘कोरोना’ विषाणूचा प्रादुर्भाव रोखण्यासाठी अनेक निर्बंध लागू करण्यात आले आहेत. त्याचा परिणाम शेतमालाच्या विक्रीवरही झाला आहे. मोर्शी तालुक्‍यात नोंदणी केलेल्या ३७०० शेतकऱ्यांकडील तूरीची खरेदीही यामुळे रखडली आहे.
व्यापाऱ्यांकडून हमीभावाने खरेदी होत नसल्याने नाफेडच्या माध्यमातून तूर खरेदीचा पर्याय शासनाने उपलब्ध करुन दिला होता. त्याकरिता नोंदणीचे आवाहन करण्यात आले होते. मात्र खरेदी सुरू होण्यास झालेल्या विलंबाचा फटका शेतकऱ्यांना बसला आहे.
परिणामी मोर्शी तालुक्‍यात नोंदणी केलेल्या ३७०० शेतकऱ्यांकडील खरेदी केव्हा होईल ? किंवा होणारच नाही याबाबत अनिश्‍चीतता वर्तविली जात आहे. कोरोनामुळे पोलिस प्रशासनाकडून मालवाहतूकदारांना अडवणूक आणि मारहाणीचे प्रकार घडले. त्याची धास्ती घेतल्याने ग्रामीण भागात व्यापाऱ्यांकडून खेडा खरेदी देखील बंद करण्यात आली आहे. विक्रीसोबतच आता शेतमालाच्या व्यवहारांवरही अशाप्रकारे लॉकडाऊन असल्याने दैनंदिन गरजांसाठी लागणाऱ्या पैशाची सोय कशी करावी, या विवंचनेत शेतकरी आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.