agriculture news in marathi, mou for increase investment in cotton field, mumbai, maharashtra | Agrowon

कापूस क्षेत्रात गुंतवणूकवाढीच्या मदतीकरिता सामंजस्य करार

टीम अॅग्रोवन
गुरुवार, 6 सप्टेंबर 2018

आजच्या सामंजस्य करारामुळे कापूस क्षेत्रात गुंतवणूक वाढीला मदत होईल, अशी आशा आहे. त्यासोबतच प्रथमच सीएआयने मुंबईत कॉटनग्रीन या ठिकाणी कापूस उत्पादकांच्या प्रशिक्षणासाठी जागा उपलब्ध करून दिली आहे. तसेच शेतकऱ्यांच्या प्रशिक्षणासाठी सीएआयने सव्वा कोटी रुपयांचा निधीही जाहीर केला आहे. शेतकऱ्यांच्या मुलांना व्यापाराच्या अनुषंगाने पारंगत करण्याचा प्रयत्न याद्वारे केला जाणार आहे.
- पाशा पटेल, अध्यक्ष, राज्य कृषी मूल्य आयोग.

मुंबई ः कापूस उद्योगाला भेडसावणाऱ्या पतपुरवठा समस्येच्या पार्श्वभूमीवर बॉम्बे स्टॉक एक्सचेंज (बीएसई) आणि कॉटन असोसिएशन ऑफ इंडिया (सीएआय) यांच्यात एक महत्त्वपूर्ण सामंजस्य करार (एमओयू) बुधवारी (ता. ५) येथील बीएसईच्या मुख्य कार्यालयात करण्यात आला. राज्याच्या कृषी मूल्य आयोगाचे अध्यक्ष पाशा पटेल यांच्या पुढाकाराने या कराराला मूर्त स्वरूप आले आहे. यामुळे कापूस क्षेत्रात गुंतवणूकवाढीला मदत होईल, असा आशावाद व्यक्त होत आहे.

या वेळी ‘बीएसई’चे सीईओ आशिषकुमार चौहान, ‘सीएआय’चे अध्यक्ष अतुल गणात्रा, राज्य कृषी मूल्य आयोगाचे अध्यक्ष पाशा पटेल, आमदार तानाजी मुटकुळे, ‘बीएसई’चे समीर पाटील, नीरज कुलश्रेष्ठ आदी उपस्थित होते.

पाशा पटेल यांच्या पुढाकाराने काही दिवसांपूर्वी विदर्भात कापूस उद्योगाशी संबंधित घटकांची, व्यापाऱ्यांची व्यापक बैठक बोलावण्यात आली होती. या बैठकीसाठी देशभरातील कापूस प्रक्रिया उद्योजकही मोठ्या संख्येने उपस्थित होते. बैठकीत विशेषतः कापूस उद्योजकांना भेडसावणाऱ्या पत पुरवठ्याच्या समस्येकडे लक्ष वेधण्यात आले होते. डिसेंबर-जानेवारीनंतर पैशाअभावी कापूस व्यापारी बाजारात चांगला कापूस असूनही खरेदी करू शकत नाहीत. त्यामुळे शेतकऱ्यांच्या चांगल्या कापसालाही योग्य दर मिळत नाही. त्या पार्श्वभूमीवर बीएसई आणि कॉटन असोसिएशन ऑफ इंडिया यांच्यातील या सामंजस्य करारामुळे कापूस उद्योगात पत पुरवठ्याचा ओघ वाढेल. त्यामुळे व्यापाऱ्यांची क्रयशक्ती वाढून शेतकऱ्यांना योग्य मोबदला मिळण्यास मदत होईल, असा दावा करण्यात आला आहे.

या कराराच्या अनुषंगाने सीएआय आणि राज्य कृषी मूल्य आयोगाकडून व्यापाऱ्यांसाठी एक कार्यपद्धती तयार करून दिली जाणार आहे. याअंतर्गत व्यापार कसा असेल, याची निश्चिती यात करून दिली जाणार आहे. तसेच येत्या महिन्याभरात सीएआय आणि राज्य कृषी मूल्य आयोग राज्यातील मोठ्या कापूस उत्पादकांसोबत, व्यापारी, खरेदीदार आणि गुंतवणूकदार यांची एक व्यापक कार्यशाळा आयोजित करणार आहे. या कार्यशाळेसाठी सुमारे पाचशे जण उपस्थित राहतील, असे नियोजन केले जाणार आहे. कापूस उत्पादक ते उद्योजक अशी मध्यस्थमुक्त साखळी करण्यावर यात विशेष भर दिला जाणार असल्याचे सांगण्यात आले.


इतर अॅग्रो विशेष
‘कीडनाशके कायदा’ हवा स्पष्ट शेतकऱ्यांना बनावट कीडनाशके विक्रेत्यांपासून...
राष्ट्रीय मुद्द्यांचा भाजपपुढे गुंतादिल्ली विधानसभा निवडणुकीच्या निकालांच्या...
‘कोरोना’च्या अफवेमुळे पोल्‍ट्री...पुणे ः चीनमधील कोरोना विषाणूने जगभरात भीतीचे...
मांसाहारामुळे ‘कोरोना’ अशी अफवा...नागपूर: मांसाहार कोरोना व्हायरसला कारणीभूत...
शेतकऱ्यांचे ‘नाइट लाइफ’ कधी संपेल रे भौ...पुसद, जि. यवतमाळ : ग्रामीण भागात शेतीचे प्रश्‍न...
उन्हाचा चटका कायम राहणारपुणे : निरभ्र आकाशामुळे उन्हाचा ताप वाढून...
संशोधन शेतात पोचले तरच शेतकऱ्यांचा...दापोली, जि. रत्नागिरी ः विद्यापीठांमध्ये चांगल्या...
तुरीच्या नोंदणीकडे शेतकऱ्यांची पाठनागपूर ः खरेदीनंतर चुकाऱ्यास होणारा विलंब आणि...
‘ठिबक’च्या प्रस्तावासाठी २०...सोलापूर : या वर्षी ठिबक सिंचन केलेल्या...
जोतिबाच्या खेट्यास प्रारंभ, हजारो भाविक...जोतिबा डोंगर, जि. कोल्हापूर: जोतिबाच्या खेट्यास...
आर्थिक निर्णयांनी वाढवला प्रियंकाताईंचा...पती गौरव काकडे यांच्या आग्रहावरून पुणे शहरातील...
नियमित कर्जदारांच्या पदरी निराशाचसांगली ः शासनाच्या कर्जमाफीच्या आदेशात अल्प...
शेतकरीच सरकारचा केंद्रबिंदूः उद्धव ठाकरेजळगाव : कर्जमाफी देणे, हा शेतकऱ्यांच्या...
सिंधुदुर्ग जिल्हा कृषी विभागात १०७ पदे...सिंधुदुर्ग: जिल्हा कृषी विभागातील ३६५ पदांपैकी...
अतिवृष्टी, पूरग्रस्तांच्या कर्जमाफीसाठी...मुंबई ः राज्यात जुलै ते ऑगस्ट २०१९ या काळात...
बॅंकांच्या कृषी पतपुरवठ्यावर सरकारचे...नवी दिल्लीः बॅंकांकडून ग्रामीण भागात होणाऱ्या...
चंदनाची सात-बारा उताऱ्यावर नोंद घ्या:...नगर ः शेतकऱ्यांना शेतात चंदन लागवड करण्यास...
खानदेशात कोरड्या चाऱ्याची टंचाईजळगाव  ः खानदेशात चाऱ्याची मोठी टंचाई दिसत...
तंत्रज्ञान, सहकार, बॅंकिंग क्षेत्रात...जर्मनी हा युरोपातील प्रगत देश. तंत्रज्ञान आणि...
जमिनीची सुपीकता जपत पीक उत्पादनात...नाशिक जिल्ह्यातील कारसूळ (ता. निफाड) येथील संकिता...