agriculture news in marathi Mountain of crop insurance complaints in Parbhani district | Agrowon

परभणी जिल्ह्यात पीकविमा तक्रारींचा डोंगर

टीम अॅग्रोवन
बुधवार, 28 जुलै 2021

परभणी ः पंतप्रधान पीकविमा योजनेअंतर्गंत टोल फ्री क्रमांक, ऑनलाईन तसेच क्रॉप इन्सूरन्स अॅपव्दारे तक्रार दावे दाखल करण्याची सुविधा कुचकामी ठरत आहे.

परभणी ः पंतप्रधान पीकविमा योजनेअंतर्गंत टोल फ्री क्रमांक, ऑनलाईन तसेच क्रॉप इन्सूरन्स अॅपव्दारे तक्रार दावे दाखल करण्याची सुविधा कुचकामी ठरत आहे. जिल्हास्तरावर कार्यालय आहे. परंतु तालुक्याचा भार एकाच कर्मचाऱ्यावर आहे. विमा दाव्याबाबत स्थानिक पातळीवर अपेक्षित सेवा मिळत नाहीत. अनेक शेतकरी थेट कृषी आयुक्तालयात जाऊन दाद मागत आहेत. परंतु अनेक शेतकऱ्यांना ते शक्य नसल्याने विमा भरपाईपासून वंचित राहत आहेत. विमा कंपनीच्या कार्यप्रणालीबाबत शेतकऱ्यांमध्ये तीव्र नाराजी आहे.

गेल्या दोन वर्षांपासून परभणी जिल्ह्यात रिलायन्स जनरल इंसूरन्स कंपनीकडून पीकविमा योजना राबविली जात आहे. कृषी विभागातर्फे विमा कंपनीच्या तालुका प्रतिनिधींचे संपर्क क्रमांक विविध माध्यमातून प्रसारित केले आहेत. परंतु अनेक शेतकऱ्यांना त्याबाबत माहिती  नाही. जिल्हा अधीक्षक कृषी अधिकारी कार्यालय परिसरात विमा कंपनीचे कार्यालय आहे. परंतु त्याठिकाणी दर्शनी भागात ठळक अक्षरात कार्यालयाचा फलक लावण्यात आलेला नाही.

शेतकऱ्यांना कार्यालय शोधत फिरावे लागते. अनेक शेतकऱ्यांना जिल्हा कार्यालयाबाबत माहिती नाही. या विमा कंपनीच्या कार्यप्रणालीबाबत गेल्या वर्षीचा तसेच त्याआधीचे शेतकऱ्यांचे अनुभव फारसे चांगले नाहीत. गतवर्षीचे प्रलंबित दावे. चालू वर्षीच्या तक्रार दाखल करण्यासाठी शेतकरी येतात. परंतु त्यांना समाधानकारक उत्तरे दिली जात नाहीत. 

जिल्हा अधीक्षक कृषी अधिकारी कार्यालयासही आवश्यक ती माहिती वेळेवर सादर केली जात नाही. स्थानिक पातळीवर दावे तक्रारी निघत नसल्याने अनेक शेतकरी, शेतकऱ्यांच्या संघटनांचे पदाधिकाऱ्यांना थेट कृषी आयुक्तलयात जाऊन दाद मागावी लागते. कृषी विभागाकडून नेहमीच विहित वेळेत तक्रार दावे दाखल करण्याचे आवाहन केले जाते. परंतु स्थानिक आपत्ती अंतर्गंत पीकनुकसानीची पूर्वसूचना देण्यासाठीचा कंपनीच्या १८०० १०२ ४०८८ हा टोल फ्री क्रमांकांवर किंवा भारत सरकारच्या १८०० १८० १५५१ या संपर्क करणाऱ्या शेतकऱ्यांना नेहमी प्रतिक्षा करावी लागते. विमा कंपनीच्या www.reliancegeneral.co.in किंवा राष्ट्रीय पीक विमा योजनेच्या www.pmfby.gov.in संकेतस्थळावर इंटरनेटअभावी विहित मुदतीत वेळेवर ऑनलाइन तक्रारी करता येत नाहीत. क्रॉप इन्सूरंन्स अॅपवर ओटीपी येण्यास विलंब लागत आहे. ७२ तासांच्या आत पूर्वसूचना देण्यासाठी शेतकऱ्यांना अडचणी येत आहेत. 

कपंनीच्या प्रतिनिधींची अरेरावी

शेतकऱ्यांना तालुक्यास जाऊन तक्रार देण्यासाठी वेळ लागतो. प्रवास भाड्याचा भुर्दंड सोसावा लागतो. नुकसान दावे सादर करतेवेळी शेतकऱ्यांना कर्मचाऱ्यांकडून योग्य वागणूक मिळत नाही. कंपनीच्या कर्मचाऱ्यांना कुणाचाही धाक नसल्याचे चित्र आहे.

स्थानिक आपत्तीनंतर विविध कारणांनी ऑनलाइन दावे दाखल करता येत नाहीत. ऑफलाइन दावे स्वीकारण्यासाठी कंपनीकडे पुरेशी कर्मचारी व्यवस्था नाही. ऑफलाइन दाव्यास थोडा जरी विलंब झाल्यास नाकारतात. गतवर्षीचे दावे अजून प्रलंबित आहेत. कंपनीच्या मुजोरीला शेतकरी कंटाळले आहेत.
- विश्वंभर गोरवे, तालुकाध्यक्ष, शेतकरी संघटना, सोनपेठ, जि. परभणी.

विमा कंपनी तालुका प्रतिनिधींचा तपशील

तालुका  प्रतिनिधीचे नाव संपर्क क्रमांक
परभणी विठ्ठल खुळे ९७६६८६६८००
जिंतूर साईनाथ खुळे ९८५०५८७६०२
सेलू  विनोद झाडे ८८३०४११४१५
मानवत स्वप्निल हर्णे ८८५७००५२०१
पाथरी  गजानन शिंदे ९९७०११३६१४
सोनपेठ शेख जहिर ९५९५२५९६६४
गंगाखेड विठ्ठल मोरे  ७७१९९७८४३२
पालम विलास काळे ८८०६७४४०४२
पूर्णा  श्यामसुंदर खुळे ९३०७२०४२६४

 


इतर ताज्या घडामोडी
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...