धनगर समाजाचे अकोल्यात आंदोलन

धनगर समाजाचे अकोल्यात आंदोलन
धनगर समाजाचे अकोल्यात आंदोलन
अकाेला : राज्यातील धनगर समाजाला अनुसूचित जमाती (एसटी) प्रवर्गात आरक्षण मिळावे या प्रमुख मागणीसह इतर प्रलंबित असलेल्या मागण्यांकडे शासनाचे लक्ष वेधण्यासाठी सोमवारी (ता. १३) जिल्हाधिकारी कार्यालयासमाेर धरणे आंदोलन करण्यात अाले.
अनुसूचित जमातीचे (एसटी) आरक्षण मिळावे, यासाठी जिल्ह्यातील सकल धनगर समाजाच्या वतीने पुण्यश्लोक अहिल्यादेवी होळकर यांच्या पुण्यतिथीचे निमित्त साधत सोमवारी जिल्हाधिकारी कार्यालयासमोर एकदिवसीय धरणे देण्यात अाले. धनगर समाजास अनुसूचित जमाती प्रवर्गाच्या सवलती द्याव्यात, यासाठी धनगर समाजाचा शासनाकडे पाठपुरावा सुरू आहे. विविध आंदोलनाच्या माध्यमातून सातत्याने शासनाकडे मागणी लावून धरण्यात आली. मात्र शासनाने याबाबत सकारात्मक भूमिका घेतलेली नाही. वास्तविक देशाच्या सर्वोच्च घटनेने धनगर समाजास आरक्षण दिलेले आहे. महाराष्ट्रातील धनगर समाजाचा उल्लेख घटनेच्या परिशिष्ट दोनमध्ये अनुसूचित जमातीच्या यादीमध्ये अनुक्रमांक ३६ नुसार केलेला असल्याचे आंदोलनकर्त्यांचे म्हणणे आहे. त्याप्रमाणे धनगर समाजास आरक्षणाच्या सोयी सवलती मिळणे आवश्यक आहे, परंतु राज्य शासनाने या संदर्भात कुठलीच कार्यवाही केली नाही, असा अांदोलकांचा अारोप अाहे. 
सोमवारी झालेल्या आंदोलनात धनगर समाजाच्या महिलांची मोठ्या संख्येने उपस्थिती होती. जिल्ह्यातील वेगवेगळ्या गावांमधून या महिला सकाळीच आंदोलनस्थळी दाखल झाल्या होत्या. येळकोट-येळकोट जय मल्हार, धनगर समाजाला आरक्षण मिळालेच पाहिजे आदी महिला देत होत्या.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com