agriculture news in marathi, movement of Maratha community will be held tomorrow | Agrowon

मराठा समाजाचे उद्या ठिय्या आंदोलन

टीम अॅग्रोवन
बुधवार, 8 ऑगस्ट 2018

नाशिक : सकल मराठा समाजाला आरक्षण मिळावे, यासाठी शहरात उद्यापासून डोंगरे वसतिगृह येथे ठिय्या आंदोलन करण्यात येणार असून, यात जिल्ह्यातील सकल मराठा समाज सहभागी होणार अाहे, अशी माहिती चंद्रकांत बनकर यांनी पत्रकार परिषदेत दिली.

नाशिक : सकल मराठा समाजाला आरक्षण मिळावे, यासाठी शहरात उद्यापासून डोंगरे वसतिगृह येथे ठिय्या आंदोलन करण्यात येणार असून, यात जिल्ह्यातील सकल मराठा समाज सहभागी होणार अाहे, अशी माहिती चंद्रकांत बनकर यांनी पत्रकार परिषदेत दिली.

गंगापूर रोड येथील गंगोत्री अपार्टमेंटमध्ये आयोजित पत्रकार परिषदेत ते बोलत होते. या वेळी अॅड. श्रीधर माने, निवृत्त पोलिस अधिकारी चंद्रकांत बनकर, भारतीय जनता पक्षाचे प्रदेश उपाध्यक्ष सुनील बागूल, स्वाभिमानी शेतकरी संघटनेचे हंसराज वडघुले व कार्यकर्ते उपस्थित होते. मराठी क्राती मोर्चाच्या वाटचाली संर्दभात शनिवारी (ता. ४) एक विशेष बैठक घेण्यात आली. त्या बैठकीत झालेले निर्णय या वेळी सांगण्यात आले.

अॅड. माने म्हणाले, ‘‘ही लढाई बौद्धिक पातळीवर लढण्यात येणार असून, त्यासाठी कायदे तज्ज्ञांची समिती नेमण्यात येणार आहे. सरकारने दाखल केलेल्या याचिकेला बळ मिळावे यासाठी जिल्ह्यातही याचिका दाखल करण्यात येणार आहे.’’

बागूल म्हणाले, ‘‘उद्यापासून सुरू होणाऱ्या आंदोलनाची तयारी झाली आहे. या ठिकाणी १०० बाय ३० या आकाराचे स्टेज उभारण्यात येणार आहे. तेथे तालुकानिहाय आंदोलन सुरू राहणार आहे. प्रदेश पातळीवरील नेत्यांकडून आदेश आल्यास त्याच दिवसांपासून चक्का जाम आंदोलन करण्यात येईल. हे आंदोलन सुरू राहावे यासाठी विविध पातळ्यांवर लढा सुरू करण्यात आला आहे. त्याचप्रमाणे आंदोलनाला आवश्यक असणारी तज्ज्ञ मंडळी विविध पातळ्यांवर काम करीत आहेत.’’

 ‘‘उत्तर महाराष्ट्र, जिल्हा, शहर, तालुका, गाव पातळीवर समित्या करण्यात आल्या असून, त्यांच्या माध्यमातून हे आंदोलन पुढे सरकणार आहे. आंदोलनावेळी समाज प्रबोधनात्मक गोंधळ, पोवाडे सादर केले जाणार आहेत,’’ असे चंद्रकांत बनकर यांनी सांगितले.

आंदोलनासाठी विविध समित्या स्थापन करण्यात आल्या आहेत. त्यात जिल्हा सुकाणू समिती, शहर विभाग समिती, तालुका समिती, विधी समिती, निधी संकलन समिती, जनसंपर्क समिती, शिस्त समिती, नियोजन व प्रशासन समितीचा समावेश आहे.

नाशिक समन्वय समिती स्थापन
नाशिक समन्वय समितीमध्ये अॅड. माने, चंद्रकांत बनकर, अशोक दुधारे, साहेबराव पाटील, प्रकाश मते, प्रा. हरीश आडके, वडघुले, हिरामण वाघ, राजेंद्र शेळके, योगेश कापसे, उमेश मराठे, हरिदादा निकम, संजय पाटील, साहेबराव दातीर, अशोक पाटील, सुरेश भामरे, अॅड. विजय कातोरे, मुकुंद भोसले, अशोक कदम, बाळासाहेब घडवजे, भारत निघळ, नाना बच्छाव यांचा समावेश करण्यात आला आहे.


इतर बातम्या
रताळे वनस्पती गंधाद्वारे देते अन्य...एखाद्या हल्ल्याची चाहूल लागल्यास बहुतांश सजीव...
शेतमाल तारण योजनेअंतर्गत कारंजा बाजार...कारंजालाड, जि. वाशीम  ः शेतकऱ्यांचा शेतमाल...
खानदेशात कापूस दर स्थिर; खेडा खरेदीला...जळगाव  ः कापसाची खेडा खरेदी मागील आठवड्यात...
अधिक ओलावा असलेल्या कापसासाठी हवी...वर्धा ः कापसात ओलावा असल्यामुळे प्रक्रिया उद्योजक...
मराठवाड्यात पाच मोठे प्रकल्प तुडुंब औरंगाबाद : मराठवाड्यातील ११ पैकी पाच मोठे...
शेतमालाच्या शिवार खरेदीवर लक्ष द्या :...जळगाव  ः खानदेशात कापसापाठोपाठ केळी, कांदा व...
सोलापुरात चारा छावण्यांवर २४५ कोटी...सोलापूर ः दुष्काळामध्ये जिल्ह्यात चारा छावण्यांवर...
नाशिक : पणन मंडळाच्या केंद्रातून दुबईला...नाशिक : कसमादे पट्ट्यात सटाणा, कळवण, मालेगाव...
शेतीपूरक उद्योगाची कास धरा ः पोकळे जालना  : ‘‘निसर्गाच्या लहरीपणामुळे कोरडवाहू...
परभणी जिल्ह्यात ज्वारीची ८७ हजार...परभणी : जिल्ह्यात यंदाच्या रब्बी हंगामात गुरुवार...
कांदा व्यापाऱ्यांच्या साठा तपासणीची...नाशिक  : कांदा दराने मोठी उसळी घेतल्याने व...
सोलापूर जिल्ह्यात मदतीचे अनुदान...सोलापूर : दोन महिन्यांपूर्वी सोलापूर जिल्ह्यात...
सांगली : पूरग्रस्तांसाठी १०२ कोटी...सांगली : जिल्ह्यातील शहरी व ग्रामीण भागांमध्ये...
सर्वाधिक दर मोजक्याच कांद्यालानगर ः वाढलेल्या कांदादराचा गेल्या महिनाभरापासून...
पशुखाद्य दर गगणाला भिडलेसांगली ः दुष्काळ व अतिवृष्टीचा फटका पशुखाद्य...
पुणे विभागात रब्बीचा साडेसात लाख...पुणे  ः चार ते पाच दिवसांपूर्वी अनेक भागांत...
शिरुरमधील साडेसहा हजारांवर शेतकरी...पुणे  ः यंदा ऑगस्ट, सप्टेंबर आणि...
शेवंतीचे तीन वाण लवकरच पुणेः शेतकऱ्यांना शेवंतीच्या पांरपरिक वाणांना...
सरकारच्या निर्णयाचा जिल्हा परिषदेला...नगर  ः राज्य सरकारने मागील सरकारच्या काळात...
उत्तर प्रदेशात ‘एसएपी’त बदल नाहीनवी दिल्ली: उत्तर प्रदेश सरकारने सलग दुसऱ्या...