Agriculture news in marathi Movements of administration known by Kisan Sabha in Beed | Agrowon

बीडमध्ये किसान सभेने जाणल्या प्रशासनाच्या हालचाली

टीम अॅग्रोवन
शुक्रवार, 26 नोव्हेंबर 2021

बीडमध्ये : किसान सभेच्या ‘शेतकऱ्यांची दिवाळी सरकारच्या दारी’ आंदोलनानंतर पुढे प्रशासनाने पीकविमा व अतिरिक्त ऊस प्रश्नावर काय केले, यासाठी बुधवारी (ता. २४) किसान सभेचे शिष्टमंडळ जिल्हाधिकाऱ्यांना भेटले.

बीडमध्ये : किसान सभेच्या ‘शेतकऱ्यांची दिवाळी सरकारच्या दारी’ आंदोलनानंतर पुढे प्रशासनाने पीकविमा व अतिरिक्त ऊस प्रश्नावर काय केले, यासाठी बुधवारी (ता. २४) किसान सभेचे शिष्टमंडळ जिल्हाधिकाऱ्यांना भेटले. या भेटीत मागण्यांबाबत प्रशासनाने उचललेले पाऊल जाणून घेत अजूनही हालचाल न झालेल्या मुद्यांवर आक्रमकपणे बाजू लावून धरली.

बैठकीत जिल्हाधिकारी राधा बिनोद शर्मा, अपर जिल्हाधिकारी तुषार ठोंबरे, निवासी जिल्हाधिकारी संतोष राऊत व कृषी अधीक्षक जेजुरकर उपस्थित होते. किसान सभेकडून कॉ. मुरलीधर नागरगोजे, कॉ. दत्ता डाके, अजय बुरांडे, पांडुरंग राठोड, ओम पुरी, जगदीश फरताडे व राजाभाऊ बादाडे यांनी सहभाग घेतला.

२०२० खरीप हंगामात नुकसानभरपाई मिळालेल्या, परंतु विमा न मिळवलेल्या शेतकऱ्यांची यादी तयार करून कृषी आयुक्तालयाला ‘खरीप २०२० पीक विमा मिळावा’ असा प्रस्ताव पाठवल्याचे कळले. पीक विमा शेतकऱ्यांना द्यायचा की नाही ही शासनाची धोरणात्मक बाब आहे. शासन त्यावर निर्णय घेईल. जिल्हा प्रशासन त्यासाठी प्रयत्नशील राहील, असे शर्मा म्हणाले. 

किसान सभा देखील हा प्रश्न मार्गी लावल्याशिवाय स्वस्त बसणार नाही, असे ॲड. अजय बुरांडे यांनी सांगितले. अतिरिक्त ऊस प्रश्नी जिल्हा नियोजन समितीची बैठक लवकरच होईल. ठरल्याप्रमाणे किसान सभेच्या शिष्टमंडळाला आमंत्रित केले जाईल, असे  ठोंबरे यांनी सांगितले. २०२१ अतिवृष्टी अनुदान वाटप जिल्ह्यात अपूर्ण आहे. त्यावर निवासी जिल्हाधिकाऱ्यांनी माहिती मागवली आहे. लवकरच योग्य ती कार्यवाही होणार असल्याची ग्वाही देण्यात आली. 

पीक विमा परताव्याविषयी केवळ प्रस्ताव पाठवून जबाबदारी झटकून चालणार नाही. पाठपुरावा करावा लागेल. अतिरिक्त उसाच्या प्रश्नाकडे गांभीर्याने बघावे. हा प्रश्न गंभीर बनू नये, या साठी परळी, अंबाजोगाई व केज येथील कारखाने सुरू होण्यासाठी प्रयत्न करावे, या साठी आम्ही आग्रही आहोत.
- कॉ. अजय बुरांडे, नेते, किसान सभा.


इतर बातम्या
...तर विमा कंपन्यांवर  गुन्हे दाखल...पुणे : शेतकऱ्यांना पीकविम्याचे पैसे वेळेत न...
आंदोलन सुरूच राहणार : संयुक्त किसान...नवी दिल्ली : शेतकऱ्यांच्या मागण्यांसदर्भात...
राज्यात मुख्यतः कोरड्या हवामानाचा अंदाज पुणे : राज्यात सुरू असलेल्या पावसाने उघडीप दिली...
परळी थर्मलमध्ये इंधनासाठी बांबूचा वापर...लातूर ः परळी येथील औष्णिक वीजनिर्मिती केंद्रात...
पेप्सिकोच्या बटाटा वाणाचे  मालकी हक्क...नवी दिल्ली (वृत्तसंस्था) ः केंद्र सरकारच्या...
मेंढ्यांच्या संरक्षणासाठी लवकरच योजना ...सुपे, जि. पुणे ः पावसाची संततधार, अतिवृष्टी व...
शेतकऱ्यांनी करून दाखवलं : डॉ. गौहर रझा नाशिक : नव्या भारताचे स्वप्न साकारण्यासाठी शेतकरी...
द्राक्ष पीकविमा योजना  विभागनिहाय...नाशिक : दोन दिवसांपासून राज्यात झालेल्या...
सोयाबीन दरातील सुधारणा  आठवड्याच्या...पुणे ः चालू आठवड्यात बुधवारनंतर सोयाबीन दरात...
‘जवाद’ चक्रीवादळाची  तीव्रता कमी होणारपुणे : बंगालच्या उपसागरातील ‘जवाद’ चक्रीवादळ...
दर्जेदार कृषी विद्यापीठांत  राज्याला...पुणे ः देशातील पहिल्या २० दर्जेदार कृषी...
पुणे जिल्ह्यात १,२४५ ‘विकेल ते पिकेल’...पुणे : शेतीमालाला केवळ हमीभाव नाही तर हमखास भाव...
पुणे जिल्ह्यात धरणांत एक टीएमसी...पुणे : जिल्ह्यात दोन दिवसांपासून धुमाकूळ...
कोल्हापूर जिल्हा बँकेसाठी ३६८...कोल्हापूर : कोल्हापूर जिल्हा बॅंकेच्या...
सांगली जिल्ह्यातील नुकसानग्रस्त पिकांचे...सांगली : जिल्ह्यामध्ये दोन दिवसांपूर्वी मुसळधार...
सांगली जिल्हा बँकेच्या उपाध्यक्ष पदाची...सांगली ः जिल्हा बँकेत अध्यक्षपदी आमदार मानसिंगराव...
नंदुरबार : पशुसंवर्धन विभागाच्या...नंदुरबार : पशुसंवर्धन विभागामार्फत सन २०२१-२२ या...
नंदुरबार : रब्बीचे अनुदानित बियाणे...नंदुरबार : कृषी विभागाच्या राष्ट्रीय अन्नसुरक्षा...
खानदेशात मका लागवड घटणार  गहू, बाजरीची...जळगाव ः खानदेशात मका लागवड घटेल, असे संकेत आहेत....
नांदेड जिल्ह्यात नुकसानीच्या मदतीचे...नांदेड : अतिवृष्टिग्रस्त शेतकऱ्यांना मदतीसाठी...